Skip to content

Skip to table of contents

 KU YOYA CETU VAKUA KILISTU

Likatenu na Vaze va Lema Yehova

Likatenu na Vaze va Lema Yehova

Omo lia vika tua pande ku likata na vaze va lema Yehova? Muomu vavusamba vetu va hasa ku tu kuasa ku linga viuma via cili ni via ku vihia. (Visi. 13:20) Ca ku muenako, Muangana Yoase “ua lingile cize ca viuka ku meso a Yehova” muomu ua likatele na Sasendote ua Kama Yehoyanda. (2 Miz. 24:2) Mu nima ya ku tsa ca Yehoyanda, Yoase ua sezele Yehova omo lia vavusamba va ku vihia.—2 Miz. 24:17-19.

Ku sekulu ya ku livanga T.K.N., kapostolo Paulu ua setekesele cikungulukilo ca vakua Kilistu ku “ndzivo ya kama,” kaha vakua Kilistu ua va setekesele ku “zindoho” ni nguetu vikuata via mu ndzivo. Tu ka pua “ndoho ya kasingimiko” nga tu viana ku likata na uose-ouo, ambe nga ua mu cikungulukilo ni kavusoko ketu, uze ue linga via ku vihia ku meso a Yehova. (2 Tim. 2:20, 21) Ngeci mukemuo, tu tualelenuho ku likata na vaze va lema Yehova kaha ve ku tu kaniamesa linga tu mu pangele.

TALENU VIDEO VIANENU VAVUSAMBA VA KU VIHIA, KAHA KUMBULULENU VIHULA VI NA HATAKO:

  • Vati tu hasa ku kala na vavusamba va ku vihia ca ku hona ku tantekeya?

  • Mu video i tu na tala, vika via kuasele Vakua Kilistu vatatu ku tsiha vusamba vua ku vihia?

  • Vitume vika via mu Mbimbiliya vi hasa ku mi kuasa ku hangula vavusamba na mana?

Vuno nja pua “ndoho ya kasingimiko” ni?​—2 Tim. 2:21