Skip to content

Skip to table of contents

 KU YOYA CETU VAKUA KILISTU

Ku Vueza ku Vutongue Vuetu Vua ku Ambulula—Ku Pangesa JW.ORG

Ku Vueza ku Vutongue Vuetu Vua ku Ambulula—Ku Pangesa JW.ORG

SEHO YA KALAHO: Nkala mukanda ua kala mu Vikuata vi tue ku Longesa Navio u hasa ku tuamenena muntu mu jw.org. Mua vusunga, vutumbe vua tumapapelo tua mizimbu ya mu jw.org na tratadu Kulihi tu Hasa ku Uana Vikumbululo via Vihula via Seho mu Muono? vua pua ku tuamenena vantu mu saiti yetu. Mu hasa ku hana muntu imo ya mikanda yetu ya mu Vikuata vi tue ku Longesa Navio mu ku pangesa jw.org na ku mu tuma umo mukanda ku hitila mu e-mail ni ku lekesa imo lynk. Ovu vua pua vukuasi vua cili, cikumakuma nga mu ambuluila muntu ue ku handeka lilimi lieka. Cikuavo naua, vantu va hasa ku linga vihula vintsa ka via kele mu mikanda ya mu Vikuata vi tue ku Longesa Navio. Nga tu kala na vuhasi vua ku pangesa saiti, tu ka vueza ku vutongue vuetu vua ku ambulula.

VATI TU HASA KU LINGAMO:

  • Pangesenu mutamba ua “VILONGESA VIA MBIMBILIYA.” Nga mu li na ku ambuluila umo cisemi kaha a tonda ku tantekeya vati a hasa ku lela vana. Kovelenu mu mutamba ua VILONGESA VIA MBIMBILIYA > VAZE VA LIAMBATA & VISEMI.

  • Pangesenu mutamba ua “MIKANDA.” Nga mu ambulula ca ku tulukua ku sikola kaha mu tonda ku lekesa mukuenu mukanda ua Vikumbululo 10 ku Vihula vi ve ku Linga Vakuendze na Vahumbe. Kovelenu mu mutamba ua MIKANDA > MAVULU & MIKANDA.

  • Pangesenu mutamba “YETU VEYA.” Nga mu li na ku ambuluila mukuenu ku vipanga kaha a tonda ku tanda ni ku tantekeya kavundende ha vi tua tsiliela. Kovelenu mu mutamba YETU VEYA > VIHULA VI VE KU LINGA CIKUMA VANTU.

TALENU VIDEO MUA KU PANGESELA JW.ORG, KAHA SIMUTUILENU MUTAMBA UKA MU HASA KU UANA VIMPANDE VI NA HATAKO:

  • muntu ka tsilielele muli Njambi

  • muntu na hiti mu mponde ni cimo ciyovo

  • umo muanetu na zeye mu lutsilielo

  • muntu u tue ku meneka a tonda ku tantekeya vati tue ku pangesa milambu yetu

  • muntu ua ku cifuti ceka a tonda ku ya ku viuano vietu ku cifuti caco