Skip to content

Skip to table of contents

 KU YOYA CETU VAKUA KILISTU

Longesenu Vusunga

Longesenu Vusunga

Ku putuka mu ngonde ya Setembro, mu Mukanda ua Viuano via Muono Uetu Vakua Kilistu na Vipanga Vietu mu ka pua na ku iza cimpande ca ciha ca vimueso via mu ku ambulula cili na mutue “Longesenu Vusunga.” Vutumbe vuetu vu ka pua ku longesa vusunga vua mu Mbimbiliya ku vantu mu njila ya yasi, mu ku pangesa cihula na umo mukanda ua mu Mbimbiliya.

Nga tu mona ngecize muntu ali na cizango, tu hasa ku kolesa cizango ceni ku vungendzi vu hatako, mu ku mu sila umo mukanda ni ku mu lekesa imo video ya mu jw.org. Tua pande ku lihakela kapandi ka ku hiluka mu nima ya matangua a andende linga tu ka putukile ha cimpande ci tua sile. Vimueso via viha na vimpande via vandongisi va ka vi tundisa mu mpupulule ya tupitulu tua mu livulu Vika Mpundu vi i Longesa Mbimbiliya?, Muomu tu hasa ku uanamo vihula na mikanda ya mu Mbimbiliya i ka tu kuasa ku linga mangendzi a ku hilukila na ku endesa vilongesa na Mbimbiliya lika.

Kua kala lika njila imo i tuala ku muono. (Mat. 7:13, 14) Mu ku linga tue ku ambuluila vantu va ku visemua na malombelo a ku liseza-seza, tua pande ku va lekesa vimpande vize vi vaya ku mitima. (1 Tim. 2:4) Omo tu tantekeya vimpande via ku liseza-seza via Mbimbiliya na ku tuala ku lutue vutongue vuetu vua ku “panga na vuino na lizi lia vusunga,” ndzolela yetu ye ku livuezelela, kaha tu hasa ku longesa vusunga ku vantu. —2 Tim. 2:15.