Skip to content

Skip to table of contents

 KU VUEZA KU VUTONGUE VUETU VUA KU AMBULULA

Ku Vueza ku Vutongue Vuetu vua ku Ambulula—Ku Kuasa Vandongesi va Mbimbiliya va Lihane na ku va Mbatiza

Ku Vueza ku Vutongue Vuetu vua ku Ambulula—Ku Kuasa Vandongesi va Mbimbiliya va Lihane na ku va Mbatiza

SEHO YA KALAHO: Linga Yehova a va tave, vandongesi va Mbimbiliya va na pande ku lihana na ku va mbatiza. (1 Pet. 3:21) Vose ve ku yoya muaya masiko a Yehova ve ku va niunga mu lutsilielo. (Visa. 91:1, 2) Ku lihana ca mukua Kilistu ca pua kuli Yehova kati ku muntu, ku cipanga ni ku lukungulukilo. Ngeci mukemuo, ndongesi na pande ku kulisa cilemo ceni na ku muesa ku santsela kuli Njambi.—Loma 14:7, 8.

VATI TU HASA KU LINGAMO:

  • Mu ku lilongesa neni, lombololenu vika cilongesa caco ca handeka hali Yehova. Mu kaniamesenu a pue na ku tanda Mbimbiliya tangua ku tangua, kaha na ku vundila kuli Yehova “na ku huima cahi.”—1 Tes. 5:17; Tia. 4:8

  • Kaniamesenu ndongesi yenu a kale na vizango via mu lutsilielo ngeci mua via ku lihana na mbatizimu. Kaha mu kuasenu naua a kale na vizango via ku hana vikumbululo ku viuano kaha a ambuluile vakuavo ngeci va tunga navo ni vakuavo ku vipanga. Vulukenu ngecize Yehova ke ku sindiya vantu va mu pangele. Ku lihana capua ku lihanguila ca muntu.—Ndeu. 30:19, 20

  • Kaniamesenu ndongesi yenu a alulule viose vi tondeka mu muono ueni, linga a vuise Yehova ndzolela na ku mu mbatiza. (Visi. 27:11) Muomu vilinga na vifua vimo via pua via vikalu ku vi seza mu vuasi, ngeci mukemuo ndongesi na pande ku tualelelaho ku lihakela kapandi ka ku zula vuntu vua laza na ku zala vua vuha. (Efe. 4:22-24) Kaha mu lekesenu mizimbu “Mbimbiliya ye ku Alulula Miono ya Vantu” ya mu Vutala vua Kaniungi.

  • Mu lekenu ndzolela i mua uana mu ku pangela Yehova.—Isaya 48:17, 18