Skip to content

Skip to table of contents

 VUPITE VUA MU LIZI LIA NJAMBI

Ku Ambulula na ku Longesa—Via Kala na Seho ya Kama mu ku Puisa Vantu Vandongesi

Ku Ambulula na ku Longesa—Via Kala na Seho ya Kama mu ku Puisa Vantu Vandongesi

Yesu ua tumine vandongesi veni linga va ye na ku puisa vantu vandongesi. (Mat. 28:19) Ku lingamo ca ambatesela kumo na ku ambulula na ku longesa. Mu ku hita ca ntsimbu, tu vose tua pande ku lihula etu vavene nguetu, ‘Vati nji hasa ku vueza ku vuntongue vuange vua ku puisa vantu vandongesi?’

KU AMBULULA

Ka tua pandele ku vandamena vantu veze kuli yetu, vunoni yetu tua pande ku lihakela kapandi ka ku tonda vaze va li na cizango ca ku tu halakana. (Mat. 10:11) Vuno tue ku tonda vukovelelo vua ku handeka na vantu va tue ku liuana navo omo tu ya mu ku ambulula ni? (Vili. 17:17) Omo lia kapandi ka lihakelele kapostolo Paulu mu ku ambulula, Lindia ua hasele ku pua ndongesi.—Vili. 16:13-15.

“Ku ci mene kuva mbuto yove, kaha ku cinguezi kati u vindike livoko liove” (Ekel. 11:6)

TALENU VIDEO AMBULULENU CA KU HONA ‘KU LIKELA’—CA KU TULUKUA NA KU NDZIVO NA NDZIVO, KAHA KUMBULULENU VIHULA VI NA HATAKO:

  • Vati Samuel ua muesele ngecize ua kele na cizango ca ku kuna mbuto ya vusunga?

  • Omo lia vika tua pande ku kolesa mu vinjila viose via ku ambulula?

  • Veya mu hasa ku ambuluila muzimbu ua Vuangana mu vipanga vienu via tangua na tangua?

KU LONGESA

Linga tu puise vantu vandongesi, ka tua pandele lika ku va sezela mikanda. Vunoni tua pande ku va kuasa linga va kole mu lutsilielo, mu ku linga-linga mangendzi a ku hilukila na ku endesa vilongesa via Mbimbiliya. (1 Kol. 3:6-9) Kaha vati co nga tu mona nguetu kapandi ka tue ku lihakela mu ku longesa vantu via Vuangana ngue ka li na ku ya mu ngoco? (Mat. 13:19-22) Tua pande ku tualelaho ku ka tonda vantu va kala na mitima ya fua ngue “livu lia vuilo.”—Mat. 13:23; Vili. 13:48.

“Yange vene nja kunine, Apolo ua tukumuine; vunoni Njambi ua kulisile.” (1 Kol. 3:6)

TALENU VIDEO AMBULULENU CA KU HONA ‘KU LIKELA’—KU MBUNGA NA MU KU PUISA VANTU VANDONGESI, KAHA KUMBULULENU VINO VIHULA VI NA HATAKO:

  • Vati Solomon na Mary va tukumuinine mbuto ya vusunga mu mitima ya Ezekiel na Abigail?

  • Mu vifua viose via ku ambulula, ngeci mua ku ambuluila ku mbunga, tua pande ku kala na vutumbe vuka?

  • Vati tu hasa ku tuala cikuma mana ku kapandi ka ku longesa vakuetu vusunga?