Skip to content

Skip to table of contents

 KU YOYA CETU VAKUA KILISTU

Va Tambulenu na Ndzolela ya Vutuntu

Va Tambulenu na Ndzolela ya Vutuntu

Veya tua pande ku tambula na ndzolela ya vutuntu? Vose ve ku kunguluka ku viuano vietu Vakua Kilistu—va vaha na vavusamba vetu va laza. (Loma 15:7; VaHe. 13:2) Va hasa ku pua vamuanetu va ku vifuti vieka va na ku meneka ni halumo Vakua Kilistu va na zeye mu lutsilielo va na ku kunguluka lua katete mu nima ya imo miaka. Aci singaniekenu vati mu ka livua nga yenu muli mu cifua eci. Ka mu ka tondo ku mi tambula na ndzolela ya vutuntu ni? (Mat. 7:12) Vuno nenu mu hasa ku lihakela kapandi ka ku meneka vamuanetu mu Ndzivo ya Vuangana ku ku putuka na ku ntsongo ya ku kunguluka ni? Ku lingamo ce ku neha ndzolela na ciyulo kaha ce ku hana kasingimiko kuli Yehova. (Mat. 5:16) Mua vusunga, halumo ka tu ka hasa ku simutuila na vose va neza mu ku kunguluka mu muntu ku muntu. Vunoni, vose va ka livua mua cili nga tu vose tu lingako mutamba uetu.

Ku tambula mua cili vantu ka tua pandele lika ku ci muesa ku viuano via ku lifuila ngeci mua ku Mulalelo, vunoni tua pande ku ci linga ntsimbu yose. Nga va vaha va mona cilemo ca kala ha kati ka vakua Kilistu, halumo ci ka va hana ndzili ya ku sangaziala Yehova na ku lemesa hamo lika netu.—Yoa. 13:35.

Vitume via Mbimbiliya via tu vindika ku likata na vaze va kuua, kaha na vaze va litundila vavene mu vusunga, vunoni ve ku kunguluka.—1 Kol. 5:11; 2 Yoa. 10.