Skip to content

Skip to table of contents

 CIHULA 10

Vati Mbimbiliya i Hasa ku Nji Kuasa?

Vati Mbimbiliya i Hasa ku Nji Kuasa?

SEHO YA KALAHO

Mbimbiliya nguayo “Visoneka viose” Njambi ua vi tumbula na “muku ueni.” (2 Timoteo 3:16) Nga vusunga, kaha Mbimbiliya i hasa ku ku tuamenena mu njila ya cili mu muono.

NGA YOVE, VATI U NE KU LINGA?

Aci singanieke ha cimueso eci: Ndaviti ali na ku endesa likalu ku cihela ca vungendzi. Vitantekeyeso via mu tapalo vi li na ku muesa mizimbu yeka. Mu ku mona ngoco Ndaviti na tantekeya ngueni na zimbala. Kuli hamo ha na sevukilile na kuya mu njila yeka.

Nga yove Ndaviti, vati u ne ku linga?

SINGANIEKAHO VUINO

Kuli viuma via vingi vi u hasa ku linga:

  1. Ku hula vantu va ku leke njila.

  2. Ku tala ha mapa ni ku pangesa GPS.

  3. Ku tualelelaho ku endesa na ku lavelela ngecize halumo u ka heta ku u ya.

Mua vusunga, ca cikalu ku heta ku u ya, nga u kava Cinanga C.

Cinanga B ca hiana ca katete. Muomu u hasa ku tala-tala ha mapa ni mu GPS mu njila yose, noho ha u ka hetela.

Mbimbiliya nayo i hasa ku ku kuasa mu cifua eci!

Eli livulu lia tsimana cikuma mu mavu ose li hasa

  • ku ku tuamenena mu visoti via mu muono

  • ku ku kuasa ku litantekeya vuino ove ivene na ku pua muntu ua cili

  • ku ku muesa vati u hasa ku yoya muono ua cili

 VIKUMBULULO VIA VIHULA VIA SEHO YA KAMA MU MUONO

Tunde ku vunike tue ku linga vihula via vingi.

  • Vika kuilu kua fuila ngecize?

  • Na vika va tangele vintangantanga?

Kaha nga tu na kolo, tue ku putuka ku hula ha viuma vi tue ku mona ha mavu.

Vikumbululo via vihula evi ku via kala laza mu Mbimbiliya!

Vantu vavengi nguavo Mbimbiliya ya sula na visimo via ngoco, kaha

ya laza ni ya ikalu cikuma ku i ivuisisa. Vuno Mbimbiliya ikeyo ya kalana citanga, ni citanga ca kala ha manguavo a ve ku ivua vantu ku tualaha Mbimbiliya? Ni halumo mizimbu i va va leka kati ya vusunga?

handeka nguayo Njambi ikeye muangana ua ano mavu. Vunoni cili oco? Ano mavu ali mu liuayanga lia kama! Mua sula mavezi na tuyando, vantu ve ku vavala na ku-tsa, va lua na vuhutu na vimponde. Nkuma cili vene Njambi ua cilemo a hasa ku koka vupi vuose ovu ni?

U tonda ku tantekeya cikumbululo ni? Vi ya handeka Mbimbiliya ku tuala ha Iyamuangana ua anomavu, vi hasa kumi komouesa!

Citava u na mono ngecize vimamuna via mu mukanda uno va vi tundisa mu Mbimbiliya. Vakaleho va Yehova va tsiliela mu vutuntu ngecize Mbimbiliya ikeyo ya kala na vimamuna via cili mu muono. Muomu va i tumbula kuli ‘Njambi na muku ueni, kaha i silivila mu ku longesa, ku handekela, na ku sungamesa.’ (2 Timoteo 3:16, 17) Ca pua kapandi kove ku hilula eli livulu—vutuhu lia laza—vunoni lia vuovuno!