Skip to content

Tangua Tuyando tu ka Hua ni?

Tangua Tuyando tu ka Hua ni?

Vati u kumbulula . . .

  • eyo?

  • houe?

  • halumo?

 MBIMBILIYA NGUAYO

“Njambi . . . a ka hunda masozi ose ku meso avo; na kutsa ka ci ka kala naua; cipue ku-linienga na vusiua ka ci ka kala naua, cipue ku lila, cipue ku vavala.”Ku-Solola 21:3, 4, Mbimbiliya ya ku Lela.

VIVEZIKISO VI U KA UANAMO

U ka tantekeya vusunga vu muesa ngecize kati Yehova ue ku tu kokela visoti.Tiango 1:13.

U ka uana ku simpa ca kama omo u ka tantekeya ngecize Njambi a tantekeya muose mu tue ku ivua nga tuli mu lamba.Zakaliya 2:8.

U ka lavelela ngecize lamba yose i ka hua.Visamo 37:9-11.

 CITAVA KU TSILIELA VI YA HANDEKA MBIMBILIYA NI?

Eyo, omo lia vuno vusunga vuvali:

  • Njambi ua zinda tuyando na vuhenge. Aci singanieke vati Yehova Njambi ua vuile ku mutima omo vantu veni va va yandesele ku laza. Mbimbiliya nguayo ua vuile ngozi ya “vaze va va pakesele na ku va yandesa”.Vangazi 2:18.

    Njambi ka lemene vantu ve ku yandesa vakuavo. Mbimbiliya nguayo “mavoko a ku muania maninga a ku zela mulonga,” a pua cizila kuli Njambi.Visimo 6:16, 17.

  • Njambi ue ku tu niunga muntu ku muntu. Kati vantu lika va “tantekeya muntu ku muntu musongo ueni ivene na vusiua vueni ivene” vunoni Yehova neni ua vi tantekeya!2 Mizimbu 6:29, 30.

    Vuovuno ­Yehova a ka manusula lamba ya vantu vose, ku hitila mu Vuangana vueni. (Mateo 6:9, 10) Vunoni mu ntsimbu ino, Yehova ue ku lembezieka vaze ve ku mu lengeya na mutima uose.Vilinga 17:27; 2 ­Kolintu 1:3, 4.

 ACI SINGANIEKE

Omo lia vika Njambi necelela tuyando?

Mbimbiliya ya kumbulula eci cihula ku LOMA 5:12 na ku 2 PETULU 3:9.