Skip to content

Skip to table of contents

 CILONGESA 3

Vuno Muzimu ua Cili ua Fuma Mpundu Kuli Njabi ni?

Vuno Muzimu ua Cili ua Fuma Mpundu Kuli Njabi ni?

1. Mbimbiliya ya pua yeya?

Mu Mbimbiliya va soneka mo muzimbu ua cili, u lekesa ngecize vantu tangua va ka yoya ha mavu miaka yose. (Visamo 37:29) Mbimbiliya vai tepa mu mikanda ya indende ya kupua 66. Njambi ua li kuasesele Vamala va heta ku 40 muku soneka Mbimbiliya. Fume ha sonekelele Mosesa mikanda itanu ya ku livanga, mu na hiti miaka 3.500. Kaha mu na hiti miaka 1.900 fume ha sonekelele kapostolo Yoano mukanda ua ku manusuila ua mu Mbimbiliya. Visinganieka vieya va soneka mu Mbimbiliya? Njambi ua handekele na vamala va sonekele Mbimbiliya ku hitila mu sipilitu santu. (2 Samuele 23:2) Va sonekele visinganieka via Njambi kati viavo. Eci ci lekesa ngecize Mbimbiliya yapua ya Yehova.​—Tandenu 2 Timoteo 3:16; 2 Petulu 1:20, 21.

Talenu video Iya Ivene Mbimbiliya?

2. Vati tu hasa ku kulahela nguetu Mbimbiliya yapua ya vusunga?

Tua tantekeya nguetu Mbimbiliya ya fuma kuli Njambi muomu ya handeka mpundu vusunga ha viuma viose vika soloka ku lutue. Na umo muntu a hasa ku linga ngoco uahi. (Yehosua 23:14) Njambi mukua ngolo yose ikeye lika a hasa ku tantekeya viuma vi ka solokela vantu ku lutue.​—Tandenu Isaya 42:9; 46:10.

Mbimbiliya ya kala na seho cikuma muomu ya fuma kuli Njambi. Ve ku havazela vi Mbimbiliya mu vihita via malimi ha mavu hose. Vutuhu Mbimbiliya, yapua ya laza cikuma ya litombola na siensia. Cikuavo naua viose vi va sonekele vamala 40 mu Mbimbiliya via litombola. * Vi ya longesa Mbimbiliya ku tuala ha cilemo vi lekesa ngecize ya fuma  mpundu kuli Njambi ua vusunga. Mbimbiliya ye ku-alulula miono ya vantu. Vusunga vuaco vua lingisa vantu va vengi ku tava nguavo Mbimbiliya ya pua mpundu lizi lia Njambi.​—Tandenu 1 Tesalonika 2:13.

Talenu video Vati tu Hasa ku Kala na Vusunga Nguetu Mbimbiliya ya pua ya Vusunga?

3. Vika ya handeka Mbimbiliya?

Muzimbu ua kala na ntsindo ya kama mu Mbimbiliya uapua uze ua handeka ha vutumbe vua Njambi ku vantu. Lizi lia Njambi lia lombolola vati vantu va zimbalesele muono ua cili mu citungu na vati citungu va ka ci tungulula.​—Tandenu Kusolola 21:4, 5.

Mu Mbimbiliya mua kala masiko, vitume na vimamunavia Njambi. Cikuavo mu Mbimbiliya muakala lungano lu muesa ku vusamba vua Njambi na vantu. Ku hitila mu mizimbu yaco, tu hasa kutantekeya vati Njambi ua fua. Mbimbiliya i hasa ku ku kuasa ku tantekeya Njambi. Ya lombolola vati u hasa ku likuata vusamba neni.​—Tandenu Visamo 19:7, 11; Tiango 2:23; 4:8.

4. Vati mu hasa ku ivuisisa Mbimbiliya?

Uno mukanda u ku kuasa kuivuisisa Mbimbiliya, mu ku kavangeya lungano lua Yesu. Ikeye ua tumbuile mikanda mu Mbimbiliya kaha ua “languluile Visoneka.”​—Tandenu Luka 24:27, 45.

Muzimbu ua ku fuma kuli Njambi uapua ua cili cikuma. Vunoni vantu vamo va zinda mizimbu yaco, vakuavo kava tondele ambe ku ivua. Una pande ku kaniama. Muomu noho u tantekeye Njambi amba uka tambule muono ka ue ku hua.​—Tandenu Yoano 17:3.

 

^ cin. 3 Talenu livulu A Bíblia-Palavra de Deus ou de Homem?