Skip to content

Skip to table of contents

 MUZIMBU 105

Waiting in Jerusalem

Waiting in Jerusalem

AVA vantu vali aha, vandongesi va Yesu. Va na ononoka ku lisiko lieni mu ku kala mu Yelusalema. Omo vose va kele na ku lavelela, mu ndzivo mua sulile na kalua. Kalua kaco ngue ka luhundzi lua kama-kama. Kaha malimi a tuhia a putukile ku soloka ha mitue ya vandongesi vose. U li ku mona tuhia helu lia muntu ku muntu ni? Vika tua lomboloka?

Ci na pu cikomoueso! Yesu ua hiluka muilu kuli Ise, ngeci na muaniena sipilitu santu ya Njambi hali vakua ku mu kava. Ua tantekeya vika eyi sipilitu ya va kuasele ku linga ni? Vose va putukile ku handeka malimi a kuli seza-seza.

Vantu va vengi mu Yelusalema va vuile kalua ka luze luhundzi lua kama, ngeci vezile va ku tale vika viliko. Vamo vantu va fumine ku vifuti vieka vezile ku cilika ca vaIsaleli ca Pentekosta. Vaze vangendzi va komokele cikuma! Va vuile vandongesi vali na ku handeka mu malimi avo, viuma via ku komouesa via lingile Njambi.

Kaha vangendzi va handekele nguavo: ‘Ava vantu vose va ku Ngalileya, vati honi va li na ku handeka malimi a kuli seza-seza a ku vifuti vi tu na fumu?’

Ngeci Petulu ua katukile na ku va lomboluela. Ua handekele na lizi lia kama na ku lomboluela vantu, vati va tsihile Yesu na vati Yehova ua mu sanguile ku vatsi. Kaha Petulu ua handekele naua ngueni: ‘Vuovuno Yesu a li muilu ku livoko lia cilio lia Njambi, kaha na tumu sipilitu santu ya kulahesele. Vikevio vi mu na vuila na ku mona evi vikomoueso’.

Omo Petulu ua handekele evi, vantu va vuile vusiua vua kama omo lia viuma via lingiuile kuli Yesu. Ngeci va hulile nguavo: ‘Vika tua pande ku linga?’ Kaha Petulu ua va kumbuluile ngueni: ‘Alululenu miono yenu kaha va mi mbatize’. Ngeci mu litangua lize vene, va mbatizile vantu va heta ku 3.000, kaha va puile vandongesi va Yesu.

Vilinga 2:1-47.

Study Questions