Skip to content

Skip to table of contents

 Muzimbu 65

The Kingdom Is Divided

The Kingdom Is Divided

UA TANTEKEYA vika ou yala a li na ku tavuila cikovelo ceni mu misuele, ni? Yehova ikeye na mu tumu. Ou yala ua pua kapolofeto ua Njambi ikeye Ahiya. Ua tantekeya iya kapolofeto? Ua pua muntu uze ue ku tambula muzimbu kuli Njambi ua viuma vize vika soloka ku lutue.

 Ahiya ua handekele na Yelovoame. Yelovoame ua puile yala ya hanguile Solomone linga a pue mukuluntu ua vipanga vieni. Omo Ahiya ua liuanene na Yelovoame mu njila, Ahiya ua lingile cuma ca ku komouesa. Ua suluile cikovelo ceni ca ciha na ku ci tavuola mu misuele 12. Kaha ua lekele Yelovoame ngueni: ‘Hangulaho misuele 10, i pue yove’. Ua tantekeya vika Ahiya ua helele misuele 10 kuli Yelovoame, ni?

Ahiya ua mu lomboluelele ngueni muomu Yehova aka tambula vuangana kuli Solomone. Kaha a ka vu hana miyati 10 kuli Yelovoame. Eci ci lekesa ngecize Lehovoame muana Solomone a ka lisupa lika na miyati ivali mu vuangana vueni.

Omo Solomone ua vuile mezi a na leka Ahiya kuli Yelovoame ua nienguele cikuma. Ua tondele ku tsiha Yelovoame. Vunoni Yelovoame ua tininine ku Ingito. Mua hitile lika miaka ya indende, kaha Solomone ua tsile. Ua puile muangana miaka 40, muaneni Lehovoame ikeye ua mu sintsile ha vuangana. Kaha Yelovoame ku Ingito ua vuile nguavo Solomone na tsi, ngeci ua hilukile ku Isaleli.

Lehovoame ka puile muangana ua cili. Ua puile ua ku pihia ku hiana na ise Solomone. Vunoni Yelovoame na vamala vakuavo va seho va ile kuli Muangana Lehovoame va ka mu vundila linga a kale na mutima ua cili. Vunoni ikeye ka tavele. Ua putukile ku linga viuma via ku pihia, ku hiana na muze mua laza. Ngeci vantu va hanguile Yelovoame ku pua muangana ua miyati 10, vunoni miyati ivali ya Mbenjamini na Yunda, kasi muangana uavo Lehovoame.

Yelovoame ka tondele linga vantu va kale na kuta kuta vungendzi vua ku ya ku Yelusalema mu ku ka lemesa Yehova ku tembele. Ngeci ua pangele vana va vangombe vavali va Olu. Ua lekele ize miyati 10 linga va va lemese. Kaha cifuti ca sulile na luozi na ku litsiha.

Mu vuangana vua miyati ivali namuo mua kele visoti. Ka mua hitile cipue miaka itanu, fume ha putukilile Lehovoame ku sika, muangana ua ku Ingito uezile mu ku lua na Yelusalema. Kaha ua kungile vupite vua vuingi mu tembele ya Yehova. Ngeci mukemuo, ku viuka ca tembele ca ambatele miaka ya indende lika.

1 Vamiangana 11:26-43; 12:1-33; 14:21-31.

Study Questions