Skip to content

Skip to table of contents

 Muzimbu 6

A Good Son, and a Bad One

A Good Son, and a Bad One

TALA va Kaini na Avele. Vose va na kolo. Kaini na pu ndimi. Ue ku lima vimbuto na vusuka.

Avele na pu kaniungi ka vampanga. Ua lema ku lisa va na va vampanga. Kaha omo va na kolo vampanga vaco a li honi na vutanga vua kama.

Tangua limo Kaini na Avele va hanene vuana kuli Njambi. Kaini ua nehele vimo ku via-ku-lia via limine. Avele ua nehele umo mpanga ua cili ku hiana vose va ku vutanga vueni. Kaha vuana vua Avele vua ile Yehova ku mutima. Vunoni Kaini na vuana vueni ka via ile Yehova ku mutima. Ua tantekeya omo lia vika?

Vuana vua Avele ka vua puile lika vua cili ku tuvakana vua Kaini.  Vunoni ikeye ua puile muntu ua cili. Avele ua lemene Yehova na muanaye. Vunoni Kaini ua puile muntu ua mupi; ua zindile muanaye.

Kaha Njambi ua handekelele Kaini ngueni na pande ku aluluka. Vunoni Kaini ka mu halakanene. Ua kele na matoto muomu Njambi ua lemene cikuma Avele. Ngeci ua lekele Avele ngueni: ‘Tu ye ku musenge.’ Mu va ka hetele kua lika liavo, Kaini ua veta muanaye. Ua mu vetele cikuma ngeci ua mu tsile. Kaini ua pangele vupi vua kama!

Vutuhu Avele ua tsa, Njambi kasi ue ku mu vuluka. Avele ua puile muntu ua cili, Yehova ke ku suva muntu ua cifua eci. Ngeci Yehova Njambi tangua a ka sangula Avele. Ku ntsimbu oyo Avele ka li ka tsa naua. A ka yoya hano ha mavu miaka yose. Ci ka pua ca cili ku tantekeya vantu ngeci mua Avele, ni vati?

Vunoni Njambi ka lemene vantu ngeci mua Kaini. Ngeci mukemuo, Njambi ua hele kasitiku kuli Kaini omo lia ku tsiha muanaye, ua mu sekuilile ku laako na va vusoko vueni. Kaini mua ile ku cihela ceka, ua ambatele umo ua vandumbueni kaha ua mu tengele mpueyeni.

Ku lutue lua ntsimbu, Kaini na mpueyeni va putukile ku kala na vana. Kaha vana vakuavo va Andama na Eva va liambatele, navo va semene vana. Mu ntsimbu ya indende, ha mavu ha sulile vantu va vengi. Tu ci lilongese via vamo vantu vaco.

Njenisisi 4:2-26; 1 Yoano 3:11, 12; Yoano 11:25.

Vihula via mu Cilongesa