Skip to content

Skip to table of contents

 CILONGESA 15

Ku Muesa Vusunga vua Viuma vi Mua Tsiliela

Ku Muesa Vusunga vua Viuma vi Mua Tsiliela

1 Tesalonika 1:5

VITONDEKA: Muesenu ngecize mua tsiliela vi muli na ku longesa kaha naua via pua via vusunga.

MUA KU VI PUISILAMO:

  • Liviukisilenu vuino. Ivuisisenu vinanga via ntsindo na ku muesa vati Mbimbiliya ya vi muesa ku pua via vusunga. Setekenu ku tumbula vintsina vienu via ntsindo mu mezi a andende. Tualenu mana mu ku mona vati i ka kuasa vakua ku mi halakana. Vundilenu vukuasi vua sipilitu santu.

  • Pangesenu mezi a solola vusunga vua viuma. Kati mu hilukile-hilukile mezi ngue mu va a soneka, pangesenu mezi enu vavene. Handekesi yenu i muese ngecize mua tsiliela vi muli na ku handeka.

  • Handekenu mu vusunga kati ku kuata mu masinde. Handekenu na lizi lia ku puamo. Nga ka ca puile citanga ku tala ku meso a vakua ku halakana, lingenumo.