မာတိကာဆီ ကျော်သွား

မာတိကာဆီ ကျော်သွား

၁ ရှမွေလ ၁၅:၁-၃၅

မာတိကာ

  • ရှောလု မနာ​ခံ​ဘဲ အာ​ဂတ်​ကို အသက်​ချမ်း​သာ​ပေး (၁-၉)

  • ရှောလု​ကို ရှ​မွေ​လ ဆုံးမ​ (၁၀-၂၃)

    • “နာ​ခံ​တာ​ဟာ ပူ​ဇော်​သက္ကာ​ထက် ပို​ကောင်း” (၂၂)

  • ရှောလု​ကို ဘု​ရင်​အဖြစ်​က​နေ ပယ်​ရှား (၂၄-၂၉)

  • အာ​ဂတ်​ကို ရှ​မွေ​လ သတ်​ပစ် (၃၀-၃၅)

၁၅  ရှမွေ​လ​က ရှောလု​ကို “ယေဟောဝါ​ဘုရား​က မင်း​ကို အစ္စ​ရေး​တွေ​ရဲ့ ဘုရင်​အဖြစ် ဘိ​သိက်​ပေး​ဖို့ ငါ့​ကို စေ​လွှတ်​ခဲ့​တယ်။+ အခု ယေဟောဝါ​ဘုရား ပြော​မယ့်​စကား​ကို နား​ထောင်​ပါ။+ ၂  ဗိုလ်​ခြေ​တို့​ရဲ့​အရှင် ယေဟောဝါ ပြော​တာ​က ‘အီဂျစ်​ပြည်​က​နေ အစ္စရေး​တွေ ထွက်​လာ​တဲ့​အခါ အာ​မလက်​လူမျိုး​က လမ်း​မှာ ဆန့်​ကျင်​တား​ဆီး​ခဲ့​ကြ​တယ်။ ဒါ​ကြောင့် သူတို့​ရဲ့ လုပ်​ရပ်​အတွက် ငါ​ပြစ်​ဒဏ်​ပေး​မယ်။+ ၃  အခု​သွား​ပြီး အာမ​လက်​လူမျိုး​ကို တိုက်​ခိုက်​ပါ။+ သူတို့​နဲ့​သူ​တို့​မှာ ရှိ​သမျှ​ကို အကုန်​ဖျက်​ဆီး​ပါ။+ တစ်​ယောက်​ကို​မှ ချန်​မထား​နဲ့။+ ယောက်ျား၊ မိန်းမ၊ နို့​စို့​နို့​ညှာ၊ သိုး၊ နွား၊ မြည်း၊ ကုလား​အုတ်​တွေ​ပါ​မကျန် သတ်​လိုက်​ပါ’”+ လို့​ပြော​တယ်။ ၄  ဒါ​နဲ့ ရှောလု​က လူ​တွေ​ကို ဆင့်​ခေါ်​ပြီး တေ​လိမ်​မြို့​မှာ ရေ​တွက်​တဲ့​အခါ ခြေ​လျင်​တပ်​သား ၂၀၀,၀၀၀၊ ယုဒ​အမျိုး​သား ၁၀,၀၀၀ ရှိ​တယ်။+ ၅  ရှောလု​က အာ​မလက်​မြို့​နား​အထိ ချီ​တက်​လာ​ပြီး သဲ​ချောင်း​နား​မှာ ချုံ​ခို​တပ်​ဖွဲ့ ချ​ထား​တယ်။ ၆  ပြီး​တော့ ကေ​နိတ်​အမျိုး​သား​တွေ​ကို+​ “ခင်ဗျား​တို့​က အစ္စရေး​တွေ အီဂျစ်​ပြည်​က​နေ ထွက်​လာ​တုန်း​က ခိုင်​မြဲတဲ့​မေတ္တာ ပြခဲ့​ကြ​တယ်။+ ဒါ​ကြောင့် အာမ​လက်​လူ​တွေ​ကို ဖျက်​ဆီး​တဲ့​အခါ ခင်​ဗျား​တို့ ပါ​မသွား​အောင် ထွက်​သွား​ကြ”+ လို့​ပြော​တယ်။ ကေ​နိတ်​အမျိုး​သား​တွေ​လည်း အာ​မလက်​လူ​တွေ​ဆီ​က​နေ ထွက်​သွား​ကြ​တယ်။ ၇  အဲဒီ​နောက် ရှောလု​က အာ​မလက်​လူ​တွေ​ကို ဟ​ဝိလ​နယ်​မြေက​နေ+ အီဂျစ်​ပြည်​နား ရှု​ရ​အရပ်​အထိ+ တိုက်​ခိုက်​ချေ​မှုန်း​တယ်။+ ၈  အာ​မလက်​ဘု​ရင် အာ​ဂတ်​ကို+ အရှင်​ဖမ်း​ပြီး ကျန်​တဲ့​လူ​အားလုံး​ကို အစ​တုံး​ဖျက်​ဆီး​လိုက်​တယ်။+ ၉  ဒါ​ပေမဲ့ ရှောလု​နဲ့​သူ့​လူ​တွေ​က ဘုရင်​အာ​ဂတ်​ကို မကွပ်​မျက်​ဘူး။ သိုး​အုပ်​နွား​အုပ်​တွေ​ထဲ​က အ​ကောင်း​ဆုံး​အကောင်​တွေ၊ ဆူ​ဖြိုး​တဲ့​အကောင်​တွေ၊ သိုး​ထီး​တွေ​နဲ့ ကောင်း​တဲ့​ပစ္စည်း​မှန်​သမျှ​ကို ချန်​ထား​တယ်။+ အကုန် မဖျက်​ဆီး​ချင်​ကြ​ဘူး။ တန်​ဖိုး​မရှိ၊ အသုံး​မဝင်​တဲ့ ပစ္စည်းတွေ​ကို​ပဲ ဖျက်​ဆီး​လိုက်​တယ်။ ၁၀  ယေဟောဝါ​က ရှ​မွေ​လ​ကို၊ ၁၁  “ရှောလု​ကို မင်း​မြှောက်​မိ​တဲ့​အတွက် ငါ​စိတ်​မကောင်း​ဖြစ်​တယ်။ သူ​ဟာ ငါ့​နောက်​ကို​မလိုက်​ဘဲ လမ်း​လွဲ​သွား​ပြီ။ ငါ​ပြော​တဲ့​အတိုင်း မလုပ်​ဘူး”+ လို့​ပြော​တယ်။ ရှ​မွေ​လ​လည်း စိတ်​ထိ​ခိုက်​ပြီး ယေဟောဝါ​ကို တစ်​ည​လုံး အသနား​ခံ​တယ်။+ ၁၂  အဲဒီ​နောက် စော​စော​ထ​ပြီး ရှောလု​ကို သွား​တွေ့တယ်။ ဒါ​ပေမဲ့ “ရှောလု​က ကရ​မေ​လ​မြို့​ကို ရောက်​လာ​ပြီး+ သူ့​ရဲ့​ဂုဏ်​ပြု​ကျောက်​တိုင် စိုက်​ထူ​တယ်။+ အဲဒီ​က​နေ ပြန်​လှည့်​ပြီး ဂိ​လ​ဂါ​လ​မြို့​ကို ဆင်း​သွား​ပြီ” လို့ ရှ​မွေ​လ​ကို ပြော​ပြကြ​တယ်။ ၁၃  ရှောလု​ဆီ ရှ​မွေ​လ ရောက်​လာ​တဲ့​အခါ ရှော​လု​က “သခင့်​ကို ယေဟောဝါ​ဘုရား ကောင်း​ချီး​ပေး​ပါ​စေ။ ယေဟောဝါ ပြော​တဲ့​အတိုင်း ကျွန်​တော် လုပ်​ခဲ့​ပါ​ပြီ” လို့​ပြော​တယ်။ ၁၄  ရှ​မွေ​လ​က “ဒါ​ဆို​ရင် ဘာ​ဖြစ်​လို့ သိုး​နွား​အော်​သံ​တွေ ကြား​နေ​ရ​တာ​လဲ”+ လို့​ မေး​တော့၊ ၁၅  ရှောလု​က “အဲဒီ​သိုး​နွား​တွေ​ကို အာ​မလက်​လူ​တွေ​ဆီ​က​နေ သိမ်း​ယူ​ထား​တာ​ပါ။ သိုး​အုပ်​နွား​အုပ်​ထဲ​က အကောင်း​ဆုံး​အ​ကောင်​တွေ​ကို ယေဟောဝါ​ဘုရား​ဆီ ပူ​ဇော်​ဖို့ စစ်​သည်​တွေ ချန်​ထား​တာ​ပါ။ ကျန်​တာ​တွေ​ကို​တော့ ဖျက်​ဆီး​လိုက်​ပါ​ပြီ” လို့​ဖြေတယ်။ ၁၆  ရှ​မွေ​လ​က “ဆက်​မပြော​နဲ့​တော့။ မနေ့​ည​က ငါ့​ကို ယေဟောဝါ​ဘုရား ပြော​တာ​တွေ မင်း​ကို ပြန်​ပြော​ပြမယ်”+ ဆို​တော့ ရှောလု​က​လည်း “ပြော​ပါ” လို့​ပြော​တယ်။ ၁၇  ရှ​မွေ​လ​က “မင်း အစ္စရေး​အ​နွယ်​တွေ​ရဲ့ ခေါင်း​ဆောင် ဖြစ်​လာ​ချိန်တုန်း​က၊ အစ္စရေး​ဘုရင်​အဖြစ် ယေဟောဝါ​ဘုရား ဘိ​သိက်​ပေး​ချိန်​တုန်း​က+ ကိုယ့်​ကိုယ်​ကိုယ် အရေး​မပါ​တဲ့​သူလို့ ထင်​ခဲ့​တယ် မဟုတ်​လား။+ ၁၈  နောက်​ပိုင်း​မှာ ယေဟောဝါ​ဘု​ရားက ‘သွား​ပါ။ အပြစ်​ကျူး​လွန်​တဲ့ အာမလက်​လူမျိုး​ကို အစ​တုံး​ဖျက်​ဆီး​လိုက်​ပါ။+ သူတို့​ကို တိုက်​ခိုက်​ပြီး တစ်​ယောက်​မကျန် သုတ်​သင်​ပါ’+ ဆို​ပြီး မင်း​ကို တာဝန်​ပေး​ခဲ့​တယ်။ ၁၉  ယေဟောဝါ​ဘုရား​ရဲ့ စကား​ကို မင်း ဘာ​လို့ မနာ​ခံ​တာ​လဲ။ တိုက်​ရာ​ပါ​ဥစ္စာတွေ​ကို လော​ဘ​တ​ကြီး သိမ်း​ယူ​ပြီး+ ယေဟောဝါ​ဘုရား​ရဲ့​ရှေ့​မှာ မကောင်း​တာ​ကို ဘာကြောင့် လုပ်​ရ​တာ​လဲ” လို့​ပြော​တယ်။ ၂၀  ဒါ​ပေမဲ့ ရှောလု​က “ယေဟောဝါ​ဘုရား​ရဲ့ စကား​ကို ကျွန်​တော်​နာ​ခံ​ပါ​တယ်။ ယေဟောဝါ​ဘုရား တာဝန်​ပေး​တဲ့​အတိုင်း အာ​မလက်​ဘုရင် အာ​ဂတ်​ကို ဖမ်း​လာခဲ့​တယ်။ အာ​မလက်​လူ​တွေ​ကို​လည်း အစ​တုံး​ဖျက်​ဆီး​ခဲ့​ပါ​ပြီ။+ ၂၁  ဖျက်​ဆီး​ပစ်​ရ​မယ့်​အရာ​ဖြစ်​တဲ့ တိုက်​ရာ​ပါ​ဥစ္စာတွေ​ထဲ​က အကောင်း​ဆုံး သိုး​နွား​တွေ​ကို​တော့ ဂိ​လ​ဂါ​လ​မြို့​မှာ ယေဟောဝါ​ဘုရား​ဆီ ပူ​ဇော်​ဖို့ စစ်​သည်​တွေ ယူ​ခဲ့​ကြ​တာ​ပါ”+ ဆို​ပြီး ပြော​တယ်။ ၂၂  ရှ​မွေ​လ​က “ယေဟောဝါ​ဘုရား​က မိမိ​ရဲ့​စကား​ကို နာ​ခံ​တာ​ထက် မီး​ရှို့​ရာ​အလှူ​တွေ၊ ပူ​ဇော်​သက္ကာတွေ​ကို ပို​နှစ်​သက်​ပါ့​မလား။+ ယေဟောဝါ​ဘုရား​ကို နာ​ခံ​တာ​ဟာ ပူ​ဇော်​သက္ကာ​ထက် ပို​ကောင်း​တယ်။+ အာ​ရုံ​စိုက် နား​ထောင်​တာ​က​လည်း သိုး​ထီး​ရဲ့​အဆီ​ထက် ပို​ကောင်း​တယ်။+ ၂၃  ပုန်​ကန်​တာ​ဟာ+ နတ်​ဆိုး​အတတ် လိုက်​စား​တဲ့ အပြစ်​နဲ့ အတူ​တူ​ပဲ။+ ရောင့်​တက်​တာ​ဟာ မှော်​အတတ်​လိုက်​စား​တာ၊ ရုပ်​တု* ကိုးကွယ်​တာ​နဲ့ အတူ​တူ​ပဲ။ မင်း​က ယေဟောဝါ​ဘုရား​ရဲ့ စကား​ကို ပစ်​ပယ်​တဲ့​အတွက်+ ကိုယ်​တော်​က​လည်း မင်း​ကို ဘုရင်​အဖြစ်​က​နေ ပယ်​လိုက်​ပြီ”+ လို့​ပြော​တယ်။ ၂၄  ရှောလု​က “ကျွန်​တော် ပြစ်​မှား​ပါ​ပြီ။ ယေဟောဝါ​ဘုရား​ရဲ့​အမိန့်​နဲ့ သခင့်​စကား​ကို လွန်​ဆန်​မိ​ပါ​ပြီ။ လူ​တွေ​ကို ကြောက်​လို့ သူတို့​ပြော​တာ​ကို နား​ထောင်​မိ​တာ​ပါ။ ၂၅  အခု ကျွန်​တော့်​အပြစ်​ကို ခွင့်​လွှတ်​ပေး​ပါ​လား။ ယေဟောဝါ​ဘုရား​ကို  ဦး​ချ​ ဝတ်​ပြု​ချင်လို့ ကျွန်​တော်​နဲ့​အတူ ပြန်​လိုက်​ခဲ့​ပါ”+ လို့​တောင်း​ပန်​ပေမဲ့၊ ၂၆  ရှ​မွေ​လ​က “ငါ​ပြန်​မလိုက်​ဘူး။ မင်း​က ယေဟောဝါ​ဘုရား​ရဲ့ စကား​ကို ပစ်​ပယ်​တဲ့​အ​တွက် ယေဟောဝါ​ဘုရား​က​လည်း မင်း​ကို အစ္စရေး​ဘုရင်​အဖြစ်​က​နေ ပယ်​လိုက်​ပြီ”+ လို့​ပြော​ပြီး၊ ၂၇  လှည့်​ထွက်​သွား​မယ်​လုပ်​တော့ ရှောလု​က ရှ​မွေ​လ​ရဲ့ လက်​ပြတ်​ဝတ်​ရုံ အနား​စွန်း​ကို လှမ်း​ဆွဲ​လိုက်​တဲ့​အခါ ဝတ်​ရုံ စုတ်​ပြဲသွား​တယ်။ ၂၈  အဲဒီ​အခါ ရှ​မွေ​လ​က “ဒီ​ဝတ်​ရုံ စုတ်​ပြဲသွား​သလို​ပဲ ဒီ​နေ့ ယေဟောဝါ​ဘုရား​က အစ္စရေး​လူမျိုး​ရဲ့ ဘု​ရင့်​အာ​ဏာ​ကို မင်း​ဆီ​က​နေ ရုပ်​သိမ်း​မယ်။ မင်း​ထက် ပို​ထိုက်​တန်​သူ​တစ်​ယောက်​ကို ပေး​မယ်။+ ၂၉  အစ္စရေး​တို့​ရဲ့ မြင့်မြတ်​တဲ့​ဘုရား​သခင်​က+ လိမ်​ပြော​မှာ မဟုတ်​သလို+ စိတ်​ပြောင်း​လဲ​မှာ​လည်း မဟုတ်​ဘူး။ စိတ်​ပြောင်း​လဲ​ရ​အောင် ကိုယ်​တော်​ဟာ လူ​မှ မဟုတ်​တာ”+ လို့​ပြော​တယ်။ ၃၀  ရှောလု​က “ကျွန်​တော် ပြစ်​မှား​ပါ​ပြီ။ ဒါ​ပေမဲ့ အစ္စရေး​အကြီး​အကဲ​တွေ​ရှေ့​မှာ၊ အစ္စရေး​တွေ​ရှေ့​မှာ ကျွန်​တော် သိက္ခာ​ကျ​အောင်​တော့ မလုပ်​ပါ​နဲ့။ ပြန်​လိုက်​ခဲ့​ပါ။ ယေဟောဝါ​ဘုရား​ကို ကျွန်​တော် ဦး​ချ​ဝတ်​ပြု​ပါ့​မယ်”+ လို့​တောင်း​ပန်​တဲ့​အတွက်၊ ၃၁  ရှ​မွေ​လ​လည်း ပြန်​လိုက်​သွား​တယ်။ ရှောလု​က ယေဟောဝါ​ကို ဦး​ချ​ဝတ်​ပြု​တယ်။ ၃၂  ရှ​မွေ​လ​က “အာ​မလက်​ ဘုရင် အာဂတ်​ကို  ငါ့​ဆီ​ခေါ်​ခဲ့” လို့​ပြော​တော့ အာ​ဂတ်​က တွန့်​ဆုတ်​တွန့်ဆုတ်​နဲ့* ရောက်​လာ​တယ်။ ‘အသက်​ဘေး​​ကနေ​ လွတ်​ပြီ’​ လို့​ သူ​ထင်​နေ​လို့​ပဲ။ ၃၃  ရှမွေ​လ​က “မင်း​ရဲ့​ ဓား​ချက်​ကြောင့်​ မိ​ခင်​တွေ သား​သမီး ဆုံး​ပါး​ခဲ့​ရသလို မင်း​ရဲ့​အမေလည်း သား​သမီး ဆုံး​ပါး​ရ​လိမ့်​မယ်” လို့​ပြော​ပြီး ဂိ​လ​ဂါ​လ​မြို့ ယေဟောဝါ​ရှေ့​မှာ အာဂတ်​ကို အပိုင်း​ပိုင်း ခုတ်​လိုက်​တယ်။+ ၃၄  အဲဒီ​နောက် ရှ​မွေ​လ​က ရာ​မမြို့​ကို ပြန်​သွား​တယ်။ ရှောလု​လည်း ဂိ​ဗာ​မြို့​မှာ​ရှိ​တဲ့ နန်း​တော်​ကို ပြန်​သွား​တယ်။ ၃၅  ရှ​မွေ​လ​က သူ​သေဆုံး​ချိန်​အထိ ရှောလု​ကို ထပ်​အတွေ့​မခံ​တော့​ဘူး။ ဒါပေမဲ့ ရှောလု​အတွက် ပူ​ဆွေး​နေ​တယ်။+ ယေဟောဝါ​လည်း ရှောလု​ကို အစ္စရေး​ဘုရင်​အဖြစ် ခန့်​အပ်​ခဲ့​တဲ့​အ​တွက် စိတ်​မကောင်း​ဖြစ်​ရ​တယ်။+

အောက်ခြေမှတ်ချက်များ

မူ​ရင်း၊ “တေ​ရပ်​ရုပ်​တု။” ခက်​ဆစ်​ကို​ကြည့်။
“စိတ်​ချ​လက်​ချ​နဲ့” လည်း​ဖြစ်​နိုင်။