မာတိကာဆီ ကျော်သွား

သြဂုတ် ၂၂, ၂၀၁၇
ဩစတြီးယား

သြစတြီးယား​မှာ နာဇီ​လက်ထက် သားကောင်​ဖြစ်ခဲ့​ရတဲ့ ယေဟောဝါ​သက်သေ ၃၁ ယောက်​ကို ဂုဏ်ပြု

သြစတြီးယား​မှာ နာဇီ​လက်ထက် သားကောင်​ဖြစ်ခဲ့​ရတဲ့ ယေဟောဝါ​သက်သေ ၃၁ ယောက်​ကို ဂုဏ်ပြု

တက်​ဟေး​ဘာ့ခ် မြို့တော်ဝန် မစ္စတာ ဂျို​ဟန် ဂို​ဘင် (အလယ်)၊ မစ္စတာ ပီတာ စ​တော့​ကား (ညာ) နဲ့ ပြည်နယ်​အုပ်ချုပ်ရေးမှူး ဒေါက်တာ ပီတာ ကိုင်​ဇာ (ဘယ်)တို့​က အမှတ်တရ က​မ္ဗည်း​ကျောက်ပြား​ကို ဖွင့်လှစ်​ပြသ။

ဆဲလ်​တာ၊ ဂျာမနီ​—နာဇီ​တွေရဲ့ သတ်ဖြတ်​တာ၊ ချွေးတပ်စခန်း​မှာ ထောင်ချ​တာ ခံခဲ့ရတဲ့ ယေဟောဝါသက်သေတွေ​အတွက် အမှတ်တရ အခမ်းအနား​ကို ၂၀၁၇၊ မေလ ၁၉ ရက် မနက်ပိုင်းမှာ သြစတြီးယား​နိုင်ငံ တက်​ဟေး​ဘာ့ခ်​မှာ ကျင်းပ​ခဲ့တယ်။ အဲဒီ အခမ်းအနား​မှာ “အမျိုးသား​ဆိုရှယ်လစ်​ဝါဒီ​တွေရဲ့ သားကောင်​ဖြစ်ခဲ့​ရတဲ့ တက်​ဟေး​ဘာ့ခ်​နဲ့ အနီးအနားက” သက်သေခံ ၃၁ ယောက်​အတွက် အမှတ်တရ က​မ္ဗည်း​ကျောက်ပြား​ကို ဖွင့်လှစ်​ပြသ​ခဲ့တယ်။

သီဆို​သူ ၆၀ ဦး​ပါဝင်တဲ့ အဖွဲ့က “သက်သေ​များ ရှေ့​သို​ချီ​ပါ” ဆိုတဲ့ သီချင်း​နဲ့ အစီအစဉ်ကို စတင်​ခဲ့တယ်။ ဒီ​သီချင်းကို ကမ္ဘာ​တစ်ဝန်း​က သက်သေခံတွေ ဝတ်ပြု​ချိန်မှာ အခါ​အား​လျော်​စွာ သီဆို​လေ့​ရှိတယ်၊ မူရင်း​ရေးစပ်​သူက အဲရစ် ဖရော့စ် ဖြစ်ပြီး ဒုတိယ​ကမ္ဘာစစ်​အတွင်း နာဇီ​တွေရဲ့ ဇာ​ခ်​စင်​ဟော​င်​ဇ​င် ချွေးတပ်စခန်း​မှာ ထောင်ချ​ခံရ​တုန်း ရေးစပ်​ခဲ့​တာ ဖြစ်တယ်။ သီချင်း​ပြီးဆုံး​တဲ့အခါ တက်ရောက်သူ ၃၅၀ ခန့်​ကို မစ္စတာ ဂျို​ဟန် ဂို​ဘင် (တက်​ဟေး​ဘာ့ခ် မြို့တော်ဝန်)၊ မစ္စတာ ပီတာ စ​တော့​ကား (တက်​ဟေး​ဘာ့ခ်​က နာဇီ​တွေရဲ့ သားကောင်​ဖြစ်ခဲ့​ရသူ ဂျော့ခ်ျ ဝေါ​ဖတ် စီ​နီ​ယာ​ရဲ့ မြေး)၊ ပါမောက္ခ ပီတာ ဂ​ယ်​ရှ​တက်​နာ၊ ပါမောက္ခ ဗင်း​ဇ​င့် ရော့စ်​နဲ့ ပြည်နယ်​အုပ်ချုပ်ရေးမှူး ဒေါက်တာ ပီတာ ကိုင်​ဇာ​တို့​က မိန့်ခွန်း ပြောခဲ့​ကြပါတယ်။ ဒီ​အခမ်းအနား​အကြောင်းကို သြစတြီးယား သတင်း​ဌာန​တွေ​ဖြစ်တဲ့ ORF 2၊ ORF ကန်​တဲ​န်​နဲ့ ဒေသခံ သတင်းစာတွေ​မှာ ဖော်ပြခဲ့​ကြတယ်။

ပါမောက္ခ ဂ​ယ်​ရှ​တက်​နာ​က တက်ရောက်​လာ​သူတွေကို မိန့်ခွန်း​ပြော​နေ။

ဒုတိယ ကမ္ဘာစစ်​အတွင်း သြစတြီးယား​က သက်သေခံ ၅၅၀ ထဲ​က ၂၁၂ ယောက်​ကို နိုင်ငံရေး​ကြားနေမှု​နဲ့ စစ်ကို​မထောက်ခံ​မှု​ကြောင့် ဂျာမနီ အမျိုးသား​ဆိုရှယ်လစ်​အစိုးရ​အတွက် အန္တရာယ်​ရှိသူတွေ​လို့ မှားယွင်း​သတ်မှတ်ပြီး ချွေးတပ်စခန်း​တွေ​ဆီ ပို့​ခဲ့​ကြတယ်။ ချွေးတပ်စခန်း​မှာလည်း သူတို့ကို ခွဲခြား​နိုင်ဖို့ ခရမ်းရောင်​တြိဂံ​ပါတဲ့ ဝတ်စုံကို ဝတ်ဆင်​ခိုင်း​ကြတယ်။ သြစတြီးယား​က သက်သေခံ ၁၅၄ ဦး​ဟာ မီးလောင်​တိုက်​သွင်း ခံ​ခဲ့​ကြရတယ်။

ဒီ​အခမ်းအနား မတိုင်ခင်၊ နာဇီ​တွေရဲ့ အသတ်ခံ​လိုက်ရ​တဲ့ တက်​ဟေး​ဘာ့ခ်​က သက်သေခံ ငါး​ဦး​ကို (ဂျို​ဟန် စ​တော​စီ​ယား၊ အဲ​န်​တန် ယူ​ရမ်၊ ဂျော့ခ်ျ ဝေါ​ဖတ် စီ​နီ​ယာ၊ ဂျော့​ဝေါ​ဖတ် ဂျူနီယာ၊ ဝီလီ​ဘဲလ် ဝေါ​ဖတ်) စစ်​အတွင်း “ပျောက်ဆုံး​နေ​သူတွေ” စာရင်း​ထဲမှာ မှားယွင်း ထည့်သွင်း​ခဲ့​ကြတယ်။ ပါမောက္ခ ဂ​ယ်​ရှ​တက်​နာ​က ဒီ​အခမ်းအနား​နဲ့ ပတ်သက်ပြီး “ဒါက သမိုင်း​ရဲ့​အမှန်တရား​တ​ခု​ကို မြင်တွေ့​လိုက်ရ​တာ​ပဲ။ သူတို့ဟာ ယုံကြည်ခြင်း​အတွက် တကယ်​ရဲရင့်သူ​တွေ​ဖြစ်ပြီး လူ​မ​ဆန်​တဲ့​စနစ်ရဲ့ တောင်းဆိုချက်​တွေကို ခိုင်ခိုင်မာမာ ငြင်းဆန်ခဲ့တယ်။ နောက်ဆုံး အောင်မြင်ခဲ့​ကြတယ်၊ အခု ဒီ​က​မ္ဗည်း​ကျောက်ပြား​က ဒီ​ပုဂ္ဂိုလ်​တွေကို အမြဲ​အမှတ်ရ စေမယ့်​အရာ​ပဲ” လို့ ရှင်းပြတယ်။

ဒုတိယ​ကမ္ဘာစစ်​အတွင်း နာဇီ​တွေရဲ့ သတ်ဖြတ်၊ ထောင်ချ ဒါမှမဟုတ် ဒုက္ခခံ​ခဲ့​ရတဲ့ သက်သေခံ ၃၁ ယောက်​အတွက် တက်​ဟေး​ဘာ့ခ်​မြို့က အထိမ်းအမှတ် က​မ္ဗည်း​ကျောက်ပြား။ က​မ္ဗည်း​ကျောက်ပြား​ပေါ်မှာ ဖရန့် ဝေါ​ဖတ် (အောက်​အကွက်​မှာ ကြည့်​နိုင်) ရဲ့ ကဗျာ​နဲ့​အတူ အရင်က စစ်​အတွင်း “ပျောက်ဆုံး​သူများ” စာရင်း​မှာပါတဲ့ တက်​ဟေး​ဘာ့ခ်​က သက်သေခံ ငါး​ဦးရဲ့ နာမည်ကို ရေးထိုး​ထားတယ်။

သြစတြီးယား​ရှိ ယေဟောဝါသက်သေတွေရဲ့ ပြောရေးဆိုခွင့်​ရှိသူ ဂျို​ဟန် ဇ​င်​မာ​မဲ​န်း​က “ဆိုးရွား​တဲ့ နှိပ်စက်​ညှဉ်းပန်းမှု​ကြားမှာ ယေဟောဝါသက်သေတွေ တင်ပြခဲ့​ကြ​တဲ့ သတ္တိနဲ့ ယုံကြည်ခြင်းကို အသိအမှတ်​ပြုတဲ့ ဒီလို​အခမ်းအနား​မျိုးကို ကျွန်တော်တို့ လေးမြတ်ပါ​တယ်။ ဒီ​အခမ်းအနား​က နိုင်ငံ​အတွက် အန္တရာယ်​ရှိသူတွေ​ဆိုပြီး အုပ်စုငယ်​လေး​ကို မှားယွင်း နှိပ်စက်မှုတွေ​အတွက် သတိပေး​ချက်​တစ်ခု​ဖြစ်မယ်လို့ မျှော်လင့်​ပါတယ်” ဆိုပြီး ပြောခဲ့​ပါတယ်။

Media Contacts:

International: David A. Semonian, Office of Public Information, +1-845-524-3000

Austria: Johann Zimmermann, +43-1-804-53-45

Germany: Wolfram Slupina, +49-6483-41-3110