“ယေဟောဝါသက်သေတွေဟာ သွေးသွင်းတာနဲ့ပတ်သက်တဲ့ ကိစ္စရပ်တွေကို တက်တက်ကြွကြွပါဝင်တဲ့ အထွေထွေဝန်ဆောင်မှုလုပ်ငန်းကို ဖွဲ့စည်းတည်ထောင်[ထား]တယ်။ ဦးဆုံးအနေနဲ့ ကတော့ လူနာနဲ့သူ့မိသားစု၀င်တွေအတွက် သင့်တော်တဲ့ ဆေးကုသမှု ရရေးကို ကူညီပေးတယ်။ . . .ဒုတိယကတော့ သွေးမသွင်းတဲ့ ဆေးဘက်ဆိုင်ရာ စောင့်ရှောက်မှု အဖိုးတန် အချက်အလက်တွေ ရရှိရေးအတွက် ကျန်းမာရေး စောင့်ရှောက်သူတွေ၊ လူနာ၊ ဆရာဝန်၊ သူနာပြုအစရှိသူတွေကြား အဆက်အသွယ်ရှိအောင် စီစဉ်ပေးတယ်။”—Seeber P, Shander A. Basics of Blood Management. Malden (USA): Blackwell Publishing, Inc.; Oxford, UK: Blackwell Publishing, Ltd., 2007, p. 295.

“HLC ဆိုတာ ဆေးရုံတက်နေတဲ့ ယေဟောဝါသက်သေတွေကို ကူညီဖို့ ဒေသခံညီအစ်ကိုတွေနဲ့ ဖွဲ့စည်းထားတဲ့ စေတနာ့ဝန်ထမ်း ဓမ္မအမှုဆောင်တွေပါ၊ ကမ္ဘာတစ်ဝန်း ဆေးရုံတွေ၊ သွေးမဲ့ကုသတဲ့ အစီအစဉ်မရှိတဲ့ ဆေးရုံတွေမှာတောင် သူတို့ကို ဆက်သွယ်နိုင်တယ်။ ကော်မတီဝင်တွေဟာ ဆေးရုံက လူနာတွေဆီ လည်ပတ်ပြီး လူနာရဲ့ ဘုရားတရားယုံကြည်ချက်တွေနဲ့ လူနာဗဟိုပြု ကုသရေးအစီအစဉ်တွေကို ပေါင်းစပ်ညှိနှိုင်းပေးတယ်။ ဆေးရုံတက် နေတဲ့ ညီအစ်ကို/မတွေဘက်ကနေ ခုခံရပ်တည်ပေးတယ်၊ အဲဒါကို ထိပ်တိုက်ရင်ဆိုင်မတွေ့ဘဲ လုပ်ဆောင်ပေးတယ်။”—Johnson-Arbor, et al. No bad blood—surviving severe anemia without transfusion. JAMA Intern Med 2021;181(1):7-8.

“အဲဒီကော်မတီတွေ [ဆေးရုံဆက်သွယ်ရေးကော်မတီ] ဟာ ရွေးချယ်ထားတဲ့ ခွဲစိတ်မှု လုပ်ငန်းစဉ်တွေ ပြင်ဆင်ရာမှာနဲ့ ကိုယ်ဝန်ဆောင်မှုတို့လို အခြားအခြေအနေတွေမှာ သက်သေခံ လူနာတွေကို အကူအညီပေးဖို့ ဖွဲ့စည်းထားတာပါ။ သူတို့ကအရေးပေါ်အခြေအနေတွေမှာတောင် လူမှုရေးနဲ့ ဆက်သွယ်ရေး အထောက်အပံ့ပေးဖို့ အသင့်ရှိကြပါတယ်။ သူတို့မှာ နိုင်ငံတကာက ဆရာဝန်တွေရဲ့ အချက်အလက်တွေရှိတယ်၊ အခက်အခဲဖြစ်တဲ့အချိန်မှာ အကောင်းဆုံး အကြံပေးနိုင်မယ့် တစ်ကမ္ဘာလုံးက ဆေးဘက်ဆိုင်ရာ အသင်းအဖွဲ့တွေနဲ့ ဆက်သွယ်ပေးနိုင်တယ်။”—Klein AA, et al. Association of Anaesthetists: anaesthesia and peri-operative care for Jehovah’s Witnesses and patients who refuse blood. Anaesthesia 2019;74(1):74-82.

“ယေဟောဝါသက်သေတွေဟာ ခွဲစိတ်နည်းကို မခွဲစိတ်မီ တစ်ဦးချင်း သဘောတူညီမှု ရရှိအောင် ဆရာဝန်တွေကို ကူညီပေးတဲ့ ဆက်သွယ်ရေး ဝန်ဆောင်မှုပေးတယ်။ ရိုးရှင်းပြီး ထိပ်တိုက် ရင်ဆိုင်စရာမလိုဘဲ အကူအညီပေးတတ်တဲ့ အတွေ့အကြုံကောင်းရှိထားပါတယ်။”—Hivey S, et al. Religious practice, blood transfusion, and major medical procedures. Paediatr Anaesth 2009;19(10):934-46.