မာတိကာဆီ ကျော်သွား

မာတိကာဆီ ကျော်သွား

ဟေရှာယ ၂၈:၁-၂၉

မာတိကာ

  • ဧ​ဖရိမ်​ပြည်​က ယစ်​ထုတ်​တွေရဲ့ အဖြစ်​ဆိုး (၁-၆)

  • ပု​ရော​ဟိတ်​တွေ၊ ပရော​ဖက်​တွေ ယိုင်​တီး​ယိုင်​တိုင်​ဖြစ် (၇-၁၃)

  • “သင်္ချိုင်း​နဲ့ သဘော​တူ​ညီ​မှု​ရ” (၁၄-၂၂)

    • ဇိ​အုန်​က အဖိုး​တန်​ထောင့်​ချုပ်​ကျောက် (၁၆)

    • ယေဟောဝါ​ရဲ့ ထူး​ဆန်း​တဲ့​အမှု (၂၁)

  • ယေဟောဝါ​ရဲ့ ပညာ​ရှိ​ဆုံးမ​မှု​ကို ပုံ​ဖော်​ချက် (၂၃-၂၉)

၂၈  ဧဖရိမ်​ပြည်​က+ ယစ်​ထုတ်​တွေရဲ့ မာ​န​သရ​ဖူ​ဟာ* အဖြစ်​ဆိုး​လိုက်​တာ။ ဝိုင်​မူး​သူ​တွေရဲ့ မြေသြဇာ​ကောင်း​တဲ့ ချိုင့်​ဝှမ်း​ထိပ်​ကလှ​ပတဲ့​ပန်း​ဦးရစ် ညှိုး​နွမ်း​တော့​မယ်။  ၂  ယေဟောဝါ​က သန်​မာ​ပြီး ခွန်​အား​ကြီး​တဲ့​သူ​ကို စေ​လွှတ်​မယ်။ သူ​က အဲ​ဒါ​တွေ​ကို မိုး​သီး​မုန်​တိုင်း​လို၊ ဖျက်​ဆီး​တတ်​တဲ့ မုန်​တိုင်း​လို၊ရေ​လုံး​ကြီး​တွေ​ပါ​တဲ့ မိုး​ကြိုး​မုန်​တိုင်း​လိုမြေကြီး​ပေါ်​ကို အရှိန်​နဲ့ ပစ်​ချ​မယ်။  ၃  ဧ​ဖရိမ်​ပြည်​က ယစ်​ထုတ်​တွေရဲ့ မာန​သရ​ဖူ​တွေ​ဟာနင်း​ခြေ​ခံ​ရ​မယ်။+  ၄  မြေသြဇာ​ကောင်း​တဲ့ ချိုင့်​ဝှမ်း​ထိပ်​က လှ​ပတဲ့​ပန်း​ဦးရစ်​ဟာ ညှိုး​နွမ်း​သွား​မယ်။ နွေရာ​သီ​မတိုင်​ခင် သီး​တဲ့​သဖန်း​သီး​လို ဖြစ်​လိမ့်​မယ်။ တစ်​ယောက်​ယောက်​က အဲဒီ​အသီး​ကို တွေ့​တဲ့​အခါချက်​ချင်း ခူး​စား​တတ်​တယ်။ ၅  အဲဒီ​အချိန်​ကျ​ရင် ဗိုလ်​ခြေ​တို့​ရဲ့​အရှင် ယေဟောဝါ​ဟာ လူမျိုး​တော်​ထဲ​က ကျန်​ကြွင်း​သူ​တွေ​အတွက်+ ကျက်​သရေ​ရှိ​တဲ့​သရ​ဖူ၊ လှ​ပတဲ့​ပန်း​ဦးရစ် ဖြစ်​လာ​မယ်။ ၆  ဘု​ရား​က တ​ရား​စီ​ရင်​ဖို့​ထိုင်​တဲ့​သူ​ကို တ​ရား​မျှ​တ​တဲ့​စိတ် ပေး​သနား​မယ်။ မြို့​တံခါး​မှာ ရန်​သူ​ကို တိုက်​ထုတ်​တဲ့​သူ​တွေ​ကို ရဲ​စွမ်း​သတ္တိ ပေး​သနား​မယ်။+  ၇  ပု​ရော​ဟိတ်​တွေ၊ ပရော​ဖက်​တွေ​ဟာ စ​ပျစ်​ဝိုင်​ကြောင့် လမ်း​လွဲ​နေ​တယ်။ အရက်​ယ​မကာ​ကြောင့် ယိုင်​တီး​ယိုင်​တိုင် ဖြစ်​နေ​တယ်။ အရက်​ကြောင့် လမ်း​လွဲ​နေ​တယ်။ စ​ပျစ်​ဝိုင်​ကြောင့် စိတ်​ထွေ​နေ​တယ်။ အရက်​သောက်​ပြီး ဒ​ယိမ်း​ဒ​ယိုင် ဖြစ်​နေ​တယ်။ စိတ်​အာ​ရုံ​တွေ​ကြောင့် လမ်း​လွဲ​ပြီးမမှန်​မကန် တ​ရား​စီ​ရင်​နေ​ကြ​တယ်။+  ၈  သူတို့​စား​ပွဲ​ပေါ်​မှာ နေ​ရာ​လပ်​မကျန်​အောင်ရွံ​စ​ရာ​အန်​ဖတ်​တွေ ပြည့်​နေ​တယ်။  ၉  သူတို့​က “ဘယ်​သူ့​ကို အသိ​ပညာ​ပေး​မှာ​လဲ။ ဘယ်​သူ့​ကို နား​လည်​အောင် ရှင်း​ပြမှာ​လဲ။ ငါ​တို့​က နို့​ပြတ်​ခါ​စ​က​လေး​တွေ၊နို့​ကွာ​ခါ​စ​က​လေး​တွေ မို့လို့​လား။ ၁၀  ‘ပညတ် တစ်​ခု​ပြီး​တစ်​ခု၊ ပညတ် တစ်​ခု​ပြီး​တစ်​ခု၊စည်း​မျဉ်း* တစ်​ခု​ပြီး​တစ်​ခု၊ စည်း​မျဉ်း တစ်​ခု​ပြီး​တစ်​ခု၊+ဒီ​လို​လုပ်​ပါ​လား၊ ဟို​လို​လုပ်​ပါ​လား’ ဆို​ပြီး တစ်​ချိန်​လုံး သူ​လာ​ပြော​နေ​တယ်” လို့​ပြော​ကြ​တယ်။ ၁၁  ဒါ​ကြောင့် စကား​ထစ်​သူ​တွေ၊ တိုင်း​တစ်ပါး​စကား  ပြော​သူ​တွေ​က​တစ်ဆင့် ဒီ​လူမျိုး​ကို ဘု​ရား​ပြော​လိမ့်​မယ်။+ ၁၂  “ဒါ​ဟာ ခို​နား​တဲ့​နေ​ရာ​ပဲ။ ပင်​ပန်း​နွမ်း​နယ်​သူ အနား​ယူ​ပါ​စေ။ ဒီ​နေ​ရာ​ဟာ လန်း​ဆန်း​စေ​တဲ့​နေ​ရာ​ပဲ” လို့ ဘု​ရား​ပြော​ခဲ့​ပေမဲ့ သူတို့ နား​မထောင်​ကြ​ဘူး။+ ၁၃  ဒါ​ကြောင့် ယေဟောဝါ​ရဲ့​စကား​က သူတို့​အတွက်“ပညတ် တစ်​ခု​ပြီး​တစ်​ခု၊ ပညတ် တစ်​ခု​ပြီး​တစ်​ခု၊စည်း​မျဉ်း တစ်​ခု​ပြီး​တစ်​ခု၊ စည်း​မျဉ်း တစ်​ခု​ပြီး​တစ်​ခု၊+ဒီ​လို​လုပ်​ပါ​လား၊ ဟို​လို​လုပ်​ပါ​လား” ဆို​တာ​မျိုး ဖြစ်​နေ​တယ်။ ဒါ​ကြောင့် သူတို့ လမ်း​လျှောက်​တဲ့​အခါခ​လုတ်​တိုက်​ပြီး နောက်​ပြန်​လှန်​ကျ​သွား​မယ်။ သူတို့ ကျိုး​ပဲ့​သွား​မယ်။ ထောင်​ချောက်​မိ​မယ်။ အဖမ်း​ခံ​ရ​မယ်။+ ၁၄  ကြွား​ဝါ​သူတို့၊ ဂျေရု​ဆ​လင်​မြို့​ရဲ့ အုပ်​စိုး​ရှင်​တို့၊ယေဟောဝါ ပြော​တာ​ကို နား​ထောင်​ကြ။ ၁၅  “ငါ​တို့​က သေမင်း​နဲ့ မဟာ​မိတ် ဖွဲ့​ပြီး​ပြီ။ သင်္ချိုင်း​နဲ့ သဘော​တူ​ညီ​မှု ရ​ပြီး​ပြီ။*+ ရုတ်​တ​ရက် ရေ​လွှမ်း​မိုး​တဲ့​အခါ ငါ​တို့​ဆီ​ရောက်​လာ​မှာ မဟုတ်​ဘူး။ ငါ​တို့​က မု​သာ​ကို ခိုလှုံ​ပြီးလိမ်​လည်​မှု​ရဲ့ နောက်​ကွယ်​မှာ ပုန်းခို​နေ​တာ”+ ဆို​ပြီးမင်း​တို့​ပြော​တယ်။ ၁၆  ဒါ​ကြောင့် အချုပ်​အခြာ​အာဏာ​ပိုင်​ရှင် ယေဟောဝါ​ ပြော​တာ​က– “စမ်း​သပ်​မယ့်​ကျောက်၊+ မြဲမြံ​တဲ့​အုတ်​မြစ်​ပေါ်​က+ အဖိုး​တန် ထောင့်​ချုပ်​ကျောက်​ကို+ဇိ​အုန်​မှာ ငါ​အုတ်​မြစ်​ချ​ထား​တယ်။ အဲဒီ​ကျောက်​ကို ယုံ​ကြည်​တဲ့​သူ​ဟာ ထိတ်​ထိတ်​ပျာ​ပျာ ဖြစ်​ရ​မှာ မဟုတ်​ဘူး။+ ၁၇  ငါ​က တ​ရား​မျှ​တ​မှု​ကို တိုင်း​ကြိုး​အဖြစ် သုံး​မယ်။+ ဖြောင့်​မတ်​မှု​ကို ရေ​ချိန်* အဖြစ် သုံး​မယ်။+ မု​သာ​ဆို​တဲ့ ခိုလှုံ​ရာ​ကို မိုး​သီး​က တိုက်​ချ​သွား​မယ်။ ပုန်း​ခို​ရာ​ကို​လည်း ရေ​လွှမ်း​မိုး​သွား​မယ်။ ၁၈  သေမင်း​နဲ့ မဟာ​မိတ်​ဖွဲ့​ထား​တာ​တွေ ပျက်​သွား​မယ်။ သင်္ချိုင်း​နဲ့ သဘော​တူ​ညီ​မှု ယူ​ထား​တာ​လည်း တည်​မြဲမှာ​မဟုတ်​ဘူး။+ ရုတ်​တ​ရက် ရေ​လွှမ်း​မိုး​တဲ့​အခါမင်း​တို့ ပျက်​စီး​လိမ့်​မယ်။ ၁၉  ရေ​က မနက်​တိုင်း၊နေ့​ရော​ည​ပါ လွှမ်း​မိုး​မှာ​ဖြစ်​လို့ ရေ​လွှမ်း​မိုး​တဲ့​အခါ​တိုင်း မင်း​တို့​ကို တိုက်​ချ​လိမ့်​မယ်။+ ဒီ​သတင်း ကြား​ရ​ရုံ​နဲ့​တင်လူ​တွေ တုန်​လှုပ်​မယ်။”* ၂၀  ခု​တင်​က တို​လွန်း​တော့ ခြေ​ဆန့်​လို့ မရ​ဘူး။ ရက်​စောင်​က သေး​လွန်း​တော့ လုံအောင်​ခြုံ​လို့ မရ​ဘူး။ ၂၁  ယေဟောဝါ​က ပေရ​ဇိမ်​တောင်​ပေါ်​မှာ​တုန်း​က​လို ထ​လိမ့်​မယ်။ ဂိဗောင်​မြို့​နား​က ချိုင့်​ဝှမ်း​ လွင်​ပြင်​မှာ​တုန်း​က​လို မတ်​တတ်​ရပ်​မယ်။+ ထူး​ဆန်း​တဲ့​အမှု ပြု​လုပ်​မယ်၊ထူး​ခြား​တဲ့​အရာ လုပ်​ဆောင်​မယ်။+ ၂၂  အခု မလှောင်​ကြ​နဲ့​တော့။+ လှောင်​ရင် ချည်​နှောင်​ထား​တဲ့​ကြိုး​တွေ ပို​တင်း​ကျပ်​လာ​မယ်။ အချုပ်​အခြာ​အာ​ဏာ​ပိုင်​ရှင်၊ ဗိုလ်​ခြေ​တို့​ရဲ့​အရှင် ယေဟောဝါ​က တစ်​ပြည်​လုံး​ကို အစ​တုံး​ဖျက်​ဆီး​ဖို့ ဆုံး​ဖြတ်​ထား​တယ်​လို့ ငါ​ကြား​တယ်။+ ၂၃  နား​စိုက်​ကြ။ ငါ​ပြော​တာ​ကို နား​ထောင်​ကြ။ ငါ​ပြော​တာ​ကို အာ​ရုံ​စိုက်​ နား​ထောင်​ကြ။ ၂၄  လယ်​ထွန်​တဲ့​သူ​က မျိုး​စေ့​မကြဲ​ဘဲ​ တစ်​ချိန်​လုံး လယ်​ထွန်​နေ​ပါ့​မလား။ တစ်​ချိန်​လုံး ထယ်​ထိုး​ပြီး မြေမွ​အောင် လုပ်​နေ​ပါ့​မလား။+ ၂၅  မြေကို​ညှိ​ပြီး​တဲ့​နောက်စ​မုန်​နက်​နဲ့ ဇီ​ရာ​ကို ကြဲ​တယ်​မဟုတ်​လား။ ဂျုံ၊ ဆပ်၊ မု​ယော​ကို သူ့​နေ​ရာ​နဲ့​သူ​စိုက်​ပြီးဂျုံ​ကြမ်း​မျိုး​ကို​တော့+ လယ်​ထောင့်​ပတ်​လည်​မှာ စိုက်​တယ်​မဟုတ်​လား။ ၂၆  ဘု​ရား​သခင်​က သူ့​ကို နည်း​မှန်​လမ်း​ကျ ဆုံးမ​သွန်သင်​တယ်။ သူ​ကိုးကွယ်​တဲ့​ဘု​ရား​က ညွှန်​ကြား​ပေး​တယ်။+ ၂၇  စ​မုန်​နက်​ကို ကောက်​နယ်​ပြား​နဲ့ မကြိတ်​ဘူး။+ ဇီ​ရာ​ကို လှည်း​ဘီး​နဲ့ မနင်း​ဘူး။ အဲဒီ​အစား စ​မုန်​နက်​ကို တုတ်​နဲ့၊ဇီ​ရာ​ကို တုတ်​ချောင်း​နဲ့​ပဲ ရိုက်​ခြွေ​လေ့​ရှိ​တယ်။ ၂၈  မုန့်​လုပ်​ဖို့ ကောက်​နှံ​ကို ကြိတ်​ခြေ​ပစ်​သလား။ မခြေ​ပစ်​ဘူး။ ကောက်​နှံ​ကို တ​ရ​စပ် မနင်း​နယ်​ဘူး။+ မြင်း​တွေ​ဆွဲ​တဲ့ လှည်း​မှာ ဒ​လိမ့်​တုံး​တပ်​ပြီး နင်း​နယ်​တာ​မှန်​ပေမဲ့ ညက်​ညက်​ကြေ​အောင် မခြေ​ပစ်​ဘူး။+ ၂၉  အဲဒီ​လို​ပဲ ဗိုလ်​ခြေ​တို့​ရဲ့​အရှင် ယေဟောဝါ​ဆီ​က​လာ​တဲ့ အကြံ​အစည်​တွေ​က​လည်း သိပ်​ကောင်း​တယ်၊လုပ်​ဆောင်​မှု​တွေ​က​လည်း အောင်​မြင်​တယ်။+

အောက်ခြေမှတ်ချက်များ

ရှ​မာ​ရိ​မြို့​တော် ဖြစ်​နိုင်။
မူ​ရင်း၊ “တိုင်း​ကြိုး။”
“သင်္ချိုင်း​နဲ့​အတူ စိတ်​အာ​ရုံ​ရ​ထား​ပြီ” လည်း​ဖြစ်​နိုင်။
ဒါ​မှ​မဟုတ်၊ “ချိန်​သီး။”
“လူ​တွေ နား​လည်​တဲ့​အခါ ဖိမ့်​ဖိမ့်​တုန်​သွား​မယ်” လည်း​ဖြစ်​နိုင်။