၂ ရာဇဝင်ချုပ် ၈:၁-၁၈
၈ ယေဟောဝါရဲ့အိမ်တော်နဲ့ နန်းတော်ကို ရှောလမုန်တည်ဆောက်တဲ့အချိန် အနှစ် ၂၀ စေ့တဲ့အခါ၊+
၂ ရှောလမုန်က ဟိရံမင်း+ ပေးထားတဲ့ မြို့တွေကို ပြန်တည်ဆောက်ပြီး အစ္စရေးတွေကို အဲဒီမှာ နေရာချပေးတယ်။
၃ ဒါ့အပြင် ရှောလမုန်က ဟာမတ်ဇောဘအရပ်ကို တိုက်ခိုက်သိမ်းပိုက်ခဲ့တယ်။
၄ နောက်တော့ တောကန္တာရမှာရှိတဲ့ တာဒမော်မြို့၊ ဟာမတ်အရပ်မှာ တည်ခဲ့တဲ့ ရိက္ခာသိုလှောင်ရာမြို့အားလုံးကို+ ပြန်တည်ဆောက်တယ်။+
၅ မြို့ရိုးတွေ၊ မြို့တံခါးတွေ၊ ကန့်လန့်ကျင်တွေရှိတဲ့ ခံတပ်မြို့တွေဖြစ်တဲ့ အထက်ဗေသောရုန်မြို့၊+ အောက်ဗေသောရုန်မြို့၊+
၆ ဗာလတ်မြို့၊+ ရိက္ခာသိုလှောင်ဖို့ မြို့တွေ၊ မြင်းရထားတွေထားဖို့ မြို့တွေ၊+ မြင်းစီးသူရဲတွေထားဖို့ မြို့တွေ တည်တယ်။ ဂျေရုဆလင်မြို့၊ လက်ဘနွန်ပြည်နဲ့ သူ့နိုင်ငံတစ်ဝန်းလုံးမှာ အလိုရှိရာမှန်သမျှ တည်ဆောက်တယ်။
၇ အစ္စရေးလူမျိုးမဟုတ်တဲ့ ဟိတ္တိ၊ အာမောရိ၊ ဖေရဇိ၊ ဟိဝိ၊ ယေဗုသိလူမျိုးတွေထဲက+ ကျန်ကြွင်းသူအားလုံး၊+
၈ အစ္စရေးတွေ အကုန်မဖျက်ဆီးခဲ့လို့ တိုင်းပြည်မှာကျန်ကြွင်းတဲ့ အဲဒီလူမျိုးတွေရဲ့ သားမြေးအားလုံးကို+ ရှောလမုန်က ကျွန်အဖြစ် စေခိုင်းတယ်။ ဒီနေ့အထိ သူတို့ ကျွန်ခံနေရတုန်းပဲ။+
၉ အစ္စရေးတွေကိုတော့ တစ်ယောက်မှ ကျွန်မခံခိုင်းဘူး။+ စစ်သည်တွေ၊ ဗိုလ်မှူးတွေ၊ ရထားထိန်းတွေနဲ့ မြင်းစီးသူရဲတွေရဲ့ ခေါင်းဆောင်တွေအဖြစ် အမှုထမ်းစေတယ်။+
၁၀ ရှောလမုန်ရဲ့အလုပ်ကို ကြီးကြပ်ရတဲ့၊ အလုပ်သမားတွေကို ကြီးကြပ်ရတဲ့ ဝန်မင်း ၂၅၀ ရှိတယ်။+
၁၁ ဖာရောရဲ့သမီးတော်ကိုတော့+ ရှောလမုန်က “သူဟာ ငါ့မိဖုရားဖြစ်ပေမဲ့ အစ္စရေးဘုရင် ဒါဝိဒ်ရဲ့နန်းတော်မှာ မနေသင့်ဘူး။ ယေဟောဝါရဲ့ သေတ္တာတော် ရောက်ရှိတဲ့ နေရာတွေဟာ သန့်ရှင်းမြင့်မြတ်တယ်”+ ဆိုပြီး ဒါဝိဒ်မြို့ကနေ ခေါ်လာပြီးနောက် သူဆောက်ထားတဲ့ နန်းဆောင်မှာ ထားလိုက်တယ်။+
၁၂ အဲဒီနောက် ရှောလမုန်က မုခ်ဦးရှေ့+ သူတည်ထားတဲ့ ယေဟောဝါရဲ့ ပူဇော်ရာပလ္လင်ပေါ်မှာ+ ယေဟောဝါအတွက် မီးရှို့ရာပူဇော်သက္ကာတွေကို+ ဆက်သတယ်။
၁၃ မောရှေပညတ်မှာပါတဲ့အတိုင်း နေ့စဉ်ဆက်သနေကျ အလှူတွေ၊ ဥပုသ်နေ့၊+ လဆန်းနေ့မှာ+ ဆက်သနေကျ အလှူတွေအပြင် တဆေးမဲ့မုန့်ပွဲတော်၊+ ခုနစ်သီတင်းပွဲတော်၊+ တဲနေပွဲတော်+ စတဲ့ နှစ်စဉ်ကျင်းပဖို့ သတ်မှတ်ထားတဲ့ ပွဲတော်နေ့တွေမှာ+ ဆက်သနေကျ အလှူတွေကိုပါ ပူဇော်တယ်။
၁၄ ဒါ့အပြင် ခမည်းတော်ဒါဝိဒ် ညွှန်ကြားခဲ့တဲ့အတိုင်း ပုရောဟိတ်အုပ်စုတွေကို တာဝန်အလိုက် စီစဉ်ဖွဲ့စည်းတယ်။+ လေဝိအမျိုးသားတွေကိုလည်း နေ့စဉ်လုပ်နေကျအတိုင်း ဘုရားသခင်ကို ချီးမွမ်းဖို့၊+ ပုရောဟိတ်တွေရှေ့မှာ အမှုဆောင်ဖို့ တာဝန်အလိုက် စီစဉ်ဖွဲ့စည်းပေးတယ်။ တံခါးအသီးသီးကို စောင့်ကြပ်ဖို့ တံခါးစောင့်အုပ်စုတွေကိုလည်း တာဝန်ခွဲပေးတယ်။+ အဲဒီအတိုင်းလုပ်ဖို့ စစ်မှန်တဲ့ဘုရားသခင်ရဲ့လူ ဒါဝိဒ်မှာကြားခဲ့တယ်။
၁၅ သိုလှောင်ရုံကိစ္စအပြင် တခြားဘယ်ကိစ္စမဆို ပုရောဟိတ်တွေ၊ လေဝိအမျိုးသားတွေကို ဘုရင်မိန့်မှာထားတဲ့အတိုင်း တစ်သဝေမတိမ်း လုပ်ကြတယ်။
၁၆ ယေဟောဝါရဲ့အိမ်တော် အုတ်မြစ်ချတဲ့နေ့ကစပြီး+ လက်စသတ်တဲ့အထိ ရှောလမုန်ရဲ့လုပ်ငန်းအားလုံး စနစ်တကျ စီစဉ်ဖွဲ့စည်းထားတယ်။ ဒါကြောင့် ယေဟောဝါရဲ့အိမ်တော် ပြီးစီးသွားတယ်။+
၁၇ အဲဒီနောက် ရှောလမုန်က ဧဒုံပြည်၊ ပင်လယ်ကမ်းနားမှာရှိတဲ့ ဧဇယုန်ဂါဗာနဲ့+ ဧလုတ်အရပ်ကို+ သွားတယ်။+
၁၈ ဟိရံမင်းကလည်း+ သင်္ဘောတွေ၊ အတွေ့အကြုံရှိတဲ့ သူ့သင်္ဘောသားတွေကို ရှောလမုန်ဆီ လွှတ်လိုက်တယ်။ သူတို့က ရှောလမုန်ရဲ့ အမှုထမ်းတွေနဲ့အတူ သြဖိရအရပ်ကို+ သွားပြီး အဲဒီကနေ ရွှေအချိန်+ တဲလင့်* ၄၅၀ ကို ရှောလမုန်မင်းကြီးဆီ ယူလာတယ်။+
အောက်ခြေမှတ်ချက်များ
^ တစ်တဲလင့်က ၃၄.၂ ကီလိုနဲ့ညီ။ နောက်ဆက်တွဲ ခ၁၄ ကိုကြည့်။
