၂ ရာဇဝင်ချုပ် ၃:၁-၁၇

  • ရှော​လ​မုန် ဗိမာန်​တော်​ကို စ​ဆောက် (၁-၇)

  • အသန့်​ရှင်း​ဆုံး​အခန်း (၈-၁၄)

  • ကြေး​နီ​တိုင်​နှစ်​တိုင် (၁၅-၁၇)

 ရှော​လ​မုန်​က  ဂျေရု​ဆ​လင်​မြို့၊ မော​ရိ​တောင်​ပေါ်​မှာ+ ယေဟောဝါ​ရဲ့ အိမ်​တော်​ကို စတင်​တည်​ဆောက်​တယ်။+ အဲဒီ​နေ​ရာ​ဟာ ခမည်း​တော်​ဒါဝိဒ်​ကို ယေဟောဝါ ထင်​ရှား​ပြခဲ့​တဲ့​နေရာ၊+ ယေ​ဗု​သိ​လူမျိုး သြရ​နန်​ရဲ့​ကောက်​နယ်​တ​လင်း​မှာ+  ဒါဝိဒ်​ပြင်​ဆင်​ခဲ့​တဲ့​နေ​ရာ​ပဲ။ ၂  ရှော​လ​မုန် နန်း​စံ​လေး​နှစ်​မြောက်၊ ဒုတိ​ယ​လ၊ နှစ်​ရက်​နေ့​မှာ စတင်​တည်​ဆောက်​တယ်။ ၃  စစ်​မှန်​တဲ့​ဘုရား​သခင်​ရဲ့ အိမ်​တော်​ကို တည်​ဆောက်​ဖို့ ရှော​လ​မုန်​ချ​ခဲ့​တဲ့  အုတ်​မြစ်​ဟာ ရှေး​အတိုင်း​အတာ​အရ* အလျား​အတောင် ၆၀၊ အနံ​အတောင် ၂၀ ရှိ​တယ်။+ ၄  အိမ်​တော် မျက်​နှာ​စာ​မှာ​ရှိ​တဲ့ မုခ်​ဦး​ရဲ့​အလျား​က အိမ်​တော်​ရဲ့​အနံ​နဲ့ အတူ​တူ​ပဲ၊ အလျား အတောင် ၂၀ ရှိ​တယ်။ အမြင့် အတောင် ၁၂၀ ရှိ​တယ်။ မုခ်​ဦး​အတွင်း​ပိုင်း​ကို  ရွှေ​စင်​နဲ့  ရွှေ​ချ​တယ်။+ ၅  ပင်မ​အခန်း​ကို   ဂျူ​နီ​ပါ​ ထင်း​ရှူး​သားနဲ့  ကာပြီး ရွှေ​စင်​နဲ့​ရွှေ​ချတယ်။+ စွန်​ပလွံ​ပင်​ပုံ​တွေ၊+ ကြိုး​တွေ​နဲ့ အလှ​ဆင်​တယ်။+ ၆  ဒါ့​အပြင် အိမ်​တော်​ကို လှ​ပတဲ့ ကျောက်​မျက်​ရ​တ​နာ​တွေ​နဲ့ စီခြယ်​တယ်။+ ပါ​ရ​ဝိမ်​ပြည်​ကထွက်တဲ့ ရွှေ​နဲ့+ မွမ်း​မံ​တယ်။ ၇  အိမ်​တော်​နဲ့ ထုပ်​တန်း​တွေ၊ တံခါး​ခုံ​တွေ၊ နံ​ရံ​တွေ၊ တံခါး​တွေ​ကို ရွှေ​ချ​တယ်။+ နံ​ရံ​တွေ​ပေါ်​မှာ ခေရုဗိမ်​ရုပ်​တွေ ထွင်း​ထု​တယ်။+ ၈  ရှော​လ​မုန်​က  အသန့်​ရှင်း​ဆုံး​အခန်း​ကို​လည်း လုပ်​တယ်။+ အခန်း​ရဲ့​အလျား​ဟာ အိမ်​တော်​ရဲ့​အနံ​နဲ့ အတူ​တူ​ပဲ။ အလျား အတောင် ၂၀၊ အနံ အတောင် ၂၀ ရှိ​တယ်။ အခန်း​ကို ရွှေ​စင်​တဲ​လင့်* ၆၀၀ နဲ့ ရွှေ​ချ​တယ်။+ ၉  ရွှေ​သံ​ချောင်း​တွေ​ရဲ့ အလေး​ချိန်​က ရှယ်​ကယ်* ၅၀ ရှိ​တယ်။ အိမ်​မိုး​အထက်​ခန်း​တွေ​ကို​လည်း ရွှေ​ချ​တယ်။ ၁၀  အဲဒီ​နောက်  အသန့်​ရှင်း​ဆုံး​အခန်း​မှာ ထား​ဖို့ ခေရုဗိမ်​နှစ်​ရုပ် ထု​လုပ်ပြီး ရွှေ​ချ​တယ်။+ ၁၁  ခေရုဗိမ်​တွေ​ရဲ့ တောင်​ပံ​က+ နှစ်​စုံ​ပေါင်း​ရင် အတောင် ၂၀ ရှည်​တယ်။ ပထ​မခေရုဗိမ်​ရဲ့ တောင်​ပံ​တစ်​ဖက်​က ၅ တောင်​ရှည်​ပြီး အိမ်​တော်​နံ​ရံ​နဲ့ ထိ​နေ​တယ်။ နောက်​တောင်​ပံ​တစ်​ဖက်​လည်း ၅ တောင်​ရှည်​ပြီး ဒုတိ​ယ​ခေရုဗိမ်​ရဲ့ တောင်​ပံ​နဲ့ ထိ​နေ​တယ်။ ၁၂  ဒုတိ​ယ​ခေရုဗိမ်​ရဲ့ တောင်​ပံ​တစ်​ဖက်​က ၅ တောင်​ရှည်​ပြီး အိမ်​တော်​နံ​ရံ​နဲ့ ထိ​နေ​တယ်။ နောက်​တောင်​ပံ​တစ်​ဖက်​လည်း ၅ တောင်​ရှည်​ပြီး ပထ​မခေရုဗိမ်​ရဲ့​တောင်​ပံ​နဲ့ ထိ​နေ​တယ်။ ၁၃  အဲဒီ​ခေရုဗိမ်တွေ​ရဲ့ ဖြန့်​ထား​တဲ့​တောင်​ပံတွေ​က အတောင် ၂၀ ရှိ​တယ်။ သူတို့​က အတွင်း​ဘက်​ကို* မျက်​နှာ​မူ​ပြီး ရပ်​နေ​တယ်။ ၁၄  ဒါ့​အပြင်  အပြာ​ရောင်​ချည်၊ ခရမ်း​ရောင်​သိုး​မွေး၊ ကြက်​သွေး​ရောင်​ချည်၊ ချည်​ချော​တွေ​နဲ့ ကန့်​လန့်​ကာ+ ရက်​လုပ်​တယ်။ အဲဒီ​ကန့်​လန့်​ကာ​ပေါ်​မှာ ခေရုဗိမ်​ပုံ​တွေ ပေါ်​အောင် ရက်​လုပ်​တယ်။+ ၁၅  အဲဒီ​နောက် အိမ်​တော်​ရှေ့​မှာ ၃၅ တောင်​မြင့်​တဲ့ တိုင်​နှစ်​တိုင်+ လုပ်​တယ်။ တိုင်​တစ်​တိုင်​စီ​ရဲ့ ထိပ်​ဖူး​က ၅ တောင်​မြင့်​တယ်။+ ၁၆  ဒါ့​အပြင် ကြိုး​တွေ​ကို ဘ​ယက်​ပုံ​လုပ်​ပြီး ထိပ်​ဖူး​မှာ တပ်​တယ်။ သလဲ​သီး ၁၀၀ ကို​လည်း​လုပ်ပြီး အဲဒီ​ကြိုး​တွေ​မှာ ချိတ်​ဆွဲ​လိုက်​တယ်။ ၁၇  ပြီး​တော့ အဲဒီ​တိုင်​တွေ​ကို ဗိမာန်​တော်​ရှေ့ ညာ​ဘက်​မှာ တစ်​တိုင်၊ ဘယ်​ဘက်​မှာ တစ်​တိုင် စိုက်​ထူ​လိုက်​တယ်။ ညာ​ဘက်​တိုင်​ကို ယာ​ခိန်၊* ဘယ်​ဘက်​တိုင်​ကို ဗော​ဇ* လို့​နာ​မည်​ပေး​တယ်။

အောက်ခြေမှတ်ချက်များ

စံ​သတ်​မှတ်​ချက်​အရ တစ်​တောင်​က ၄၄.၅ စမ (၁၇.၅ လက်​မ) နဲ့​ညီ။ “ရှေး​အတိုင်း​အတာ” ဆို​တာ တစ်​တောင်​မှာ ၅၁.၈ စမ (၂၀.၄ လက်​မ) ရှိ​တယ်​လို့ တ​ချို့​ယူ​ဆ​ကြ။ နောက်​ဆက်​တွဲ ခ​၁၄ ကို​ကြည့်။
တစ်​တဲ​လင့်​က ၃၄.၂ ကီ​လို​နဲ့​ညီ။ နောက်​ဆက်​တွဲ ခ​၁၄ ကို​ကြည့်။
တစ်​ရှယ်​ကယ်​က ၁၁.၄ ဂရမ်​နဲ့​ညီ။ နောက်​ဆက်​တွဲ ခ​၁၄ ကို​ကြည့်။
သန့်​ရှင်း​ရာ​အခန်း​ဘက်​ကို။
အဓိပ္ပာယ်၊ “[ယေဟောဝါ] အခိုင်​အမာ​တည်​စေ​သား။”
“အစွမ်း​ခွန်​အား​နဲ့” လို့ ဆိုလို​နိုင်။