၁ ရာဇဝင်ချုပ် ၄:၁-၄၃
၄ ယုဒရဲ့သားတွေက ဖာရက်၊+ ဟေဇရုံ၊+ ကာမိ၊ ဟုရ၊+ ရှောဗလ။+
၂ ရှောဗလရဲ့သားက ရာယ၊ ရာယရဲ့သားက ယာဟတ်၊ ယာဟတ်ရဲ့သားတွေက အဟုမဲနဲ့ လာဟဒ်။ သူတို့ဟာ ဇောရာသိဆွေမျိုးစုတွေပဲ။+
၃ ဧတံဖခင်ရဲ့*+ သားတွေက ယေဇရေလ၊ အိရှမ၊ အိဒဗတ်၊ (သူတို့ရဲ့နှမက ဟာဇလေလပေါနိ)၊
၄ ဂေဒေါ်ရဲ့ဖခင် ပေနွေလ၊ ဟုရှရဲ့ဖခင် ဧဇာ။ သူတို့က ဧဖရတ်သာရဲ့သားဦး ဟုရရဲ့ သားမြေးတွေပဲ။+ ဟုရဟာ ဘက်သလီဟင်ရဲ့ဖခင်လည်း ဖြစ်တယ်။+
၅ တေကောရဲ့ဖခင်+ အာရှုရမှာ+ ဟေလနဲ့ နာရလို့ခေါ်တဲ့ ဇနီးနှစ်ယောက်ရှိတယ်။
၆ နာရရဲ့သားတွေက အဟုဇံ၊ ဟေဖာ၊ တေမနိ၊ ဟာဟရှတာရိ။
၇ ဟေလရဲ့သားတွေက ဇေရက်၊ အိဇဟာ၊ ဧသနန်။
၈ ကောဇရဲ့သားတွေက အာနုပ်နဲ့ ဇောဗေဒ။ ကောဇဟာ ဟာရုံရဲ့သား အဟာရေလဆွေမျိုးစုတွေရဲ့ ဘိုးဘေးပဲ။
၉ ယာဗက်ဟာ ညီအစ်ကိုတွေထက် ဂုဏ်သရေရှိသူ ဖြစ်တယ်။ သူ့မိခင်က “ဒီကလေးကို ဝေဒနာခံစားပြီး မွေးခဲ့ရတယ်” ဆိုပြီး ယာဗက်* လို့နာမည်ပေးခဲ့တာ။
၁၀ ယာဗက်က အစ္စရေးတို့ရဲ့ဘုရားသခင်ကို “ကျွန်တော့်ကို ကောင်းချီးပေးလှည့်ပါ။ ကျွန်တော့်ပိုင်နက်ကို ကျယ်ဝန်းစေပါ။ ကျွန်တော်နဲ့အတူ ရှိပြီး ဘေးဆိုးမကြုံရအောင် ကာကွယ်စောင့်ရှောက်ပေးပါ” လို့ဆုတောင်းတယ်။ သူတောင်းတဲ့အတိုင်း ဘုရားသခင် လုပ်ဆောင်ပေးတယ်။
၁၁ ရှုဟာရဲ့ညီ ခိလက်ရဲ့သားက မဟိရ၊ မဟိရရဲ့သားက ဧရှတုန်။
၁၂ ဧရှတုန်က ဗက်ရာဖ၊ ပါသာ၊ တေဟိန်နရဲ့ဖခင်။ တေဟိန်နက အိရနာဟတ်ရဲ့ဖခင်။ သူတို့ဟာ ရေခါအရပ်သားတွေပဲ။
၁၃ ကေနတ်ရဲ့သားတွေက သြသံယေလနဲ့+ စရာယ။ သြသံယေလရဲ့သားတစ်ယောက်က ဟာသတ်။
၁၄ သြဖရရဲ့ဖခင်က မောနောသဲ။ စရာယရဲ့သားက ယွာဘ။ ယွာဘဟာ ဂေဟရာရှိမ်* ရဲ့ဖခင်ပဲ။ ဂေဟရာရှိမ်မှာ နေထိုင်သူတွေက လက်မှုပညာ ကျွမ်းကျင်သူတွေ ဖြစ်တယ်။
၁၅ ယေဖုန်နာရဲ့သား ကာလက်မှာ+ အိရု၊ ဧလာ၊ နာမလို့ခေါ်တဲ့သားတွေ ရှိတယ်။ ဧလာရဲ့သားတစ်ယောက်က ကေနတ်။
၁၆ ယေဟလလေလရဲ့သားတွေက ဇိဖ၊ ဇိဖာ၊ တိရိ၊ အာသရေလ။
၁၇ ဧဇရာရဲ့သားတွေက ယေသာ၊ မေရက်၊ ဧဖေရ၊ ယာလုန်။ သူက* မိရိအံနဲ့ ရှမဲကို မွေးဖွားတယ်။ ဧရှတမောရဲ့ဖခင် အိရှဘကိုလည်း မွေးဖွားတယ်။
၁၈ သူတို့ဟာ မေရက်ရဲ့ဇနီး၊ ဖာရောသမီး ဗိသယာရဲ့သားတွေဖြစ်တယ်။ (မေရက်ရဲ့ဇနီး ဂျူးအမျိုးသမီးက ဂေဒေါ်ရဲ့ဖခင် ယေရက်၊ စောခေါရဲ့ဖခင် ဟေဗာ၊ ဇာနော်ရဲ့ဖခင် ယေကုသေလတို့ကို မွေးဖွားတယ်။)
၁၉ နာဟံရဲ့နှမ၊ ဟောဒိယဇနီးရဲ့ သားတွေက ကိလာရဲ့ဖခင်နဲ့ ဧရှတမောရဲ့ဖခင်။ ကိလာဆိုတာ ဂါမိလူတွေရဲ့မြို့၊ ဧရှတမောဆိုတာ မာခါသိပြည်သားတွေရဲ့ မြို့ပဲ။
၂၀ ရှိမုန်ရဲ့သားတွေက အာမနုန်၊ ရိန္န၊ ဗင်ဟာနန်၊ တိလုန်။ အိရှိရဲ့သားတွေက ဇောဟက်နဲ့ ဗင်ဇောဟက်။
၂၁ ယုဒရဲ့သားဖြစ်တဲ့ ရှေလရဲ့+ သားတွေက လေကာရဲ့ဖခင် ဧရ၊ မရေရှရဲ့ဖခင် လာဒ။ ပိတ်ချောထည်ရက်တဲ့ အာရှဗာဆွေမျိုးစုတွေကလည်း ရှေလရဲ့သားမြေးတွေပဲ။
၂၂ ယာရှုဗိလင်၊ မောဘအမျိုးသမီးတွေနဲ့ အိမ်ထောင်ပြုကြတဲ့ ယောကိမ်၊ ခေါဇေဘအရပ်သားတွေ၊ ယောရှနဲ့ သာရပ်တို့လည်း ရှေလရဲ့သားမြေးတွေပဲ။ ဒါဟာ ရှေးခေတ်မှတ်တမ်းတွေ ဖြစ်တယ်။
၂၃ သူတို့ဟာ အိုးထိန်းသမားတွေပဲ။ နတိမ်အရပ်နဲ့ ဂေဒရမြို့မှာနေထိုင်ပြီး ဘုရင့်အမှုတော်ကို ထမ်းဆောင်ကြတယ်။
၂၄ ရှိမောင်ရဲ့သားတွေက+ နေမွေလ၊ ယာမိန်၊ ယာရိပ်၊ ဇေရ၊ ရှောလ။+
၂၅ ရှောလရဲ့သားက ရှလုံ၊ ရှလုံရဲ့သားက မိဘသံ၊ မိဘသံရဲ့သားက မိရှမ၊
၂၆ မိရှမရဲ့သားတွေက ဟမွေလ၊ ဟမွေလရဲ့သားက ဇက္ကုရ၊ ဇက္ကုရရဲ့သားက ရှိမိ။
၂၇ ရှိမိမှာ သား ၁၆ ယောက်၊ သမီး ၆ ယောက်ရှိတယ်။ သူ့ညီအစ်ကိုတွေမှာတော့ သားသမီး သိပ်မရှိဘူး။ ယုဒအနွယ်လောက် သားသမီး မများဘူး။+
၂၈ သူတို့က ဗေရရှေဘ၊+ မောလဒ၊+ ဟာဇာရှုအာ၊+
၂၉ ဗိလဟာ၊ ဧဇင်၊+ တောလဒ်၊
၃၀ ဗေသွေလ၊+ ဟောမာ၊+ ဇိကလတ်၊+
၃၁ ဗက်မာကဗုတ်၊ ဟာဇာသုသိမ်၊+ ဗက်ဗိရိနဲ့ ရှာရိမ်ဆိုတဲ့မြို့တွေမှာ နေထိုင်ကြတယ်။ ဒါဝိဒ်မင်းလက်ထက်အထိ အဲဒီမြို့တွေမှာ နေထိုင်ကြတယ်။
၃၂ သူတို့က ဧတံ၊ အအိန်၊ ရိမုန်၊ တောခင်၊ အာရှန်ဆိုတဲ့+ မြို့ငါးမြို့နဲ့၊
၃၃ ပတ်ဝန်းကျင်ကျေးရွာတွေအပြင် ဗာလမြို့အထိ နေထိုင်ကြတယ်။ ဒါဟာ သူတို့နေထိုင်တဲ့မြို့တွေနဲ့ ဆွေစဉ်မျိုးဆက်စာရင်းပဲ။
၃၄ ရှိမောင်ရဲ့ နောက်ထပ်သားမြေးတွေက မေရှောဗပ်၊ ယာမလက်၊ အာမဇိရဲ့သား ယောရှာ၊
၃၅ ယောလ၊ ယေဟု (ယေဟုရဲ့အဖေက ယောရှိဘ၊ ယောရှိဘရဲ့အဖေက စရာယ၊ စရာယရဲ့အဖေက အာသေလ)၊
၃၆ ဧလိသြနဲ၊ ယာကောဘ၊ ယေရှောဟာယ၊ အသာယ၊ အဒေလ၊ ယေသိမေလ၊ ဗေနာယ၊
၃၇ ဇိဇတို့ ဖြစ်တယ်။ (ဇိဇရဲ့အဖေက ရှိဖိ၊ ရှိဖိရဲ့အဖေက အယ်လုန်၊ အယ်လုန်ရဲ့အဖေက ယေဒါယ၊ ယေဒါယရဲ့အဖေက ရှိမရိ၊ ရှိမရိရဲ့အဖေက ရှေမာယ။)
၃၈ နာမည်စာရင်းမှာပါတဲ့ အဲဒီလူတွေဟာ ဆွေမျိုးစုတွေထဲမှာ ခေါင်းဆောင်တွေပဲ။ သူတို့ဘိုးဘေးတွေရဲ့ ဆွေမျိုးစုတွေလည်း တိုးများလာတယ်။
၃၉ သူတို့က သိုးအုပ်တွေအတွက် စားကျက်ရှာဖို့ ချိုင့်ဝှမ်းအရှေ့ဘက် ဂေဒေါ်မြို့ အဝင်လမ်းအထိ သွားကြတယ်။
၄၀ နောက်ဆုံးတော့ စားကျက်ကောင်းကို တွေ့သွားတယ်။ ကျယ်ပြန့်ပြီး ငြိမ်းချမ်းသာယာတဲ့ပြည်ပဲ။ အရင်တုန်းက အဲဒီမှာ ဟာမအမျိုးသားတွေ နေထိုင်ကြတယ်။+
၄၁ နာမည်စာရင်းမှာပါတဲ့ အဲဒီလူတွေက ယုဒဘုရင် ဟေဇကိလက်ထက်မှာ+ ရောက်လာပြီး ဟာမအမျိုးသားတွေရဲ့တဲတွေ၊ အဲဒီနယ်မြေမှာရှိတဲ့ မဟုနိမ်လူတွေကို အခုလို အစအနမကျန်အောင် ဖျက်ဆီးလိုက်တယ်။ ပြီးတော့ သိုးအုပ်တွေအတွက် စားကျက်မြေရှိတဲ့ အဲဒီနယ်မြေမှာ ဝင်ရောက်နေထိုင်ကြတယ်။
၄၂ အိရှိရဲ့သားတွေဖြစ်တဲ့ ပေလတိ၊ နာရိ၊ ရေဖာယ၊ သြဇေလတို့က ရှိမောင်အမျိုးသား ၅၀၀ ကို ဦးဆောင်ပြီး စိရတောင်ကို သွားကြတယ်။+
၄၃ သူတို့က လွတ်မြောက်သွားတဲ့ အာမလက်လူမျိုး အကြွင်းအကျန်ကို ချေမှုန်းပြီး+ အဲဒီမှာနေထိုင်ကြတာ အခုချိန်အထိပဲ။
အောက်ခြေမှတ်ချက်များ
^ ဒီအခန်းကြီးမှာပါတဲ့ နာမည်တချို့က လူနာမည်ဖြစ်နိုင်သလို ဒေသနာမည်လည်း ဖြစ်နိုင်။ “ဖခင်” ဆိုတာ “တည်ထောင်သူ” ကိုလည်း ဆိုလိုနိုင်။
^ “ဝေဒနာ” ဆိုတဲ့ ဟီဘရူးစကားနဲ့ ဆက်စပ်။
^ အဓိပ္ပာယ်၊ “လက်မှုပညာသည် ချိုင့်ဝှမ်း။”
^ အခန်းငယ် ၁၈ က ဗိသယာဖြစ်နိုင်။
