ဟေရှာယ ၂၅:၁-၁၂

  • လူမျိုး​တော် ကောင်း​ချီး ကြွယ်​ဝ​စွာ​ခံစား​ရ (၁-၁၂)

    • အကောင်း​စား​စ​ပျစ်​ဝိုင်​ကို ယေဟောဝါ​တည်ခင်း (၆)

    • သေမင်း​ကို ထာ​ဝ​စဉ်​ဖယ်​ရှား (၈)

၂၅  အို ယေဟောဝါ၊ ကိုယ်​တော်​ဟာ ကျွန်​တော့်​ဘုရားသခင်​ပါ။ ကိုယ်​တော့်​ကို ချီး​မြှောက်​ပါ​တယ်။ နာ​မတော်​ကို ချီး​မွမ်း​ပါ​တယ်။ ကိုယ်​တော်​လုပ်​ဆောင်​တဲ့ အံ့​ဖွယ်​အမှု​တွေ၊+ရှေး​က​တည်း​က ရည်​ရွယ်​ထား​တဲ့​အရာတွေ​ဟာ+မှန်​ကန်​ပြီး+ ယုံ​ကြည်​စိတ်​ချ​ထိုက်​ပါ​တယ်။  ၂  ကိုယ်​တော်​က မြို့​ကို ကျောက်​ပုံ​ကြီး ဖြစ်​စေ​တယ်။ ခံ​တပ်​မြို့​ကို ပြို​လဲ​ပျက်​စီး​စေ​တယ်။ တိုင်း​တစ်ပါး​သား​ရဲ့ မျှော်​စင် မရှိ​တော့​ဘူး။ ပြန်​တည်​ဆောက်​ကြ​တော့​မှာ မဟုတ်​ဘူး။  ၃  ဒါ​ကြောင့် ခွန်​အား​ကြီး​သူ​တွေ​က ကိုယ်​တော့်​ကို ဂုဏ်​တင်​ချီး​မွမ်း​လိမ့်​မယ်။ ဖိ​နှိပ်​တတ်​တဲ့ လူမျိုး​တွေရဲ့​မြို့​က ကိုယ်​တော့်​ကို ကြောက်​ရွံ့​လိမ့်​မယ်။+  ၄  နံ​ရံ​ကို မိုး​သက်​မုန်​တိုင်း ရိုက်ခတ်​သလို ဖိ​နှိပ်​ညှဉ်း​ပန်း​သူ​တွေ ဒေါသူ​ပုန်​ထ​တဲ့​အခါကိုယ်​တော်​ဟာ နိမ့်​ကျ​သူ​အတွက် ရဲ​တိုက်၊+ဒုက္ခရောက်​နေ​တဲ့ ဆင်း​ရဲ​သား​အတွက် ရဲ​တိုက်၊မိုး​သက်​မုန်​တိုင်း​ဒဏ်​က​နေ ခိုလှုံ​တဲ့​နေ​ရာ၊အပူ​ရှိန်​ကို ကာ​ကွယ်​ပေး​တဲ့ အရိပ်​ပါ။+  ၅  ခြောက်​သွေ့​တဲ့​ပြည်​မှာ အပူ​ရှိန် ငြိမ်း​အေး​သွား​သလိုကိုယ်​တော်​က သူ​စိမ်း​တွေရဲ့ အသံ​ဗ​လံ​ကို တိတ်​ဆိတ်​စေ​တယ်။ မိုး​တိမ်​အရိပ်​ကြောင့် အပူ​ရှိန် ငြိမ်းအေး​သွား​သလိုဖိ​နှိပ်​ညှဉ်း​ပန်း​သူ​တွေရဲ့ သီချင်း​သံ​တွေ​လည်း တိတ်​ဆိတ်​သွား​တယ်။  ၆  ဗိုလ်​ခြေ​တို့​ရဲ့​အရှင် ယေဟောဝါ​ကအဆီ​အနှစ်​များ​တဲ့ ဟင်း​တွေ၊+ အကောင်း​စား စ​ပျစ်​ဝိုင်တွေ၊အဆီ​အနှစ်​များ​ပြီး ခြင်​ဆီ​ပြည့်​နေ​တဲ့ ဟင်း​တွေ၊စစ်​ထား​တဲ့ စ​ပျစ်​ဝိုင်​အကောင်း​စား တည်​ခင်း​ထား​တဲ့ စားသောက်​ပွဲ​ကြီး​ကိုလူ​အားလုံး​အတွက် ဒီ​တောင်​ပေါ်​မှာ+ ပြင်​ဆင်​ပေး​မယ်။  ၇  လူ​အားလုံး​ကို အုပ်​ထား​တဲ့ ခြုံ​ထည်၊ လူမျိုး​အားလုံး​ကို လွှမ်း​ထား​တဲ့ ရက်​ထည်​ကိုဒီ​တောင်​ပေါ်​မှာ ဘု​ရား​သခင် ဖယ်​ရှား​မယ်။  ၈  သေမင်း​ကို​လည်း ထာ​ဝ​စဉ် ဖယ်​ရှား​မယ်။+ အချုပ်​အခြာ​အာ​ဏာ​ပိုင်​ရှင် ယေဟောဝါ​က လူ​အားလုံး​ရဲ့ မျက်​ရည်​ကို သုတ်​ပေး​မယ်။+ လူမျိုး​တော်​ခံ​နေ​ရ​တဲ့ ကဲ့​ရဲ့​ရှုတ်​ချ​မှု​ကို မြေပြင်​ပေါ်​က​နေ ဖယ်​ရှား​ပေး​မယ်။ ဒါ​ဟာ ယေဟောဝါ​ရဲ့ အမိန့်​ပဲ။  ၉  အဲဒီ​အချိန်​ကျ​ရင် သူတို့​က“ကြည့်​ပါ။ ဒါ​ဟာ ငါ​တို့​ရဲ့​ဘု​ရား​သခင်​ပဲ။+ ဘု​ရား​ကို ငါ​တို့ မျှော်​လင့်​နေ​တယ်။+ ငါ​တို့​ကို ဘု​ရား ကယ်​တင်​မယ်။+ ဒါ​ဟာ ယေဟောဝါ​ဘု​ရား​ပဲ။ ဘု​ရား​ကို ငါ​တို့ မျှော်​လင့်​နေ​တယ်။ ကယ်​တင်​ခြင်း​ကျေး​ဇူး​ကြောင့် ရွှင်​လန်း​ဝမ်း​မြောက်​ကြ​စို့”+ လို့​ပြော​ကြ​လိမ့်​မယ်။ ၁၀  ဒီ​တောင်​ပေါ်​မှာ ယေဟောဝါ​ရဲ့​လက်​တော် သက်​ရောက်​မယ်။+ နောက်​ချေး​ပုံ​ထဲ ကောက်​ရိုး​ကို နင်း​နယ်​သလိုမောဘ​ကို နေ​ရာ​မှာ​တင် နင်း​ချေ​လိမ့်​မယ်။+ ၁၁  ရေ​ကူး​တဲ့​သူ​က လက်​ဆန့်​ပြီး ရေ​ကို​ရိုက်​ချ​သလိုဘု​ရား​က လက်​ဆန့်​ပြီး မောဘ​ကို ရိုက်​ချ​မယ်။ လက်​နဲ့ ထိ​ထိ​မိမိ ရိုက်​ချ​ပြီးမောဘ​ကို မာန်​စွယ်​ချိုး​မယ်။+ ၁၂  ဘု​ရား​က မင်း​ရဲ့​ခံ​တပ်​မြို့​နဲ့ လုံခြုံ​မြင့်​မား​တဲ့ မြို့​ရိုး​တွေ​ကို​ ဖြိုချမယ်။ မြေကြီး​အထိ​ရောက်​အောင်၊မြေမှုန့်​အထိ​ရောက်​အောင် ဖြို​ဖျက်​မယ်။

အောက်ခြေမှတ်ချက်များ

ကမ္ဘာသစ်ဘာသာပြန်ကျမ်း
ဟေရှာယ ၂၅
မြန်မာ
အွန်လိုင်းမှာ ကျမ်းစာဖတ်ပါ
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt စာ. ၄၀