Ir al contenido

Ir al índice

 ÑA̱ KÉʼÉYÓ NA̱ TESTIGO

Tá va̱ʼa íyo ña̱ kéʼéyó ta to̱ʼó-iniyó va̱ʼaní xa̱a̱yó kitáʼanyó xíʼin inkana

Tá va̱ʼa íyo ña̱ kéʼéyó ta to̱ʼó-iniyó va̱ʼaní xa̱a̱yó kitáʼanyó xíʼin inkana

Tá vií íyo ña̱ kéʼé iin ñá xa̱a̱ ti̱ndaʼa̱ ñá ndásakáʼnu Ndióxi̱, ña̱yóʼo kivi chindeétáʼan xíʼin yiíñá ña̱ kixáʼara sakuaʼara xa̱ʼa̱ Ndióxi̱. Sana ku̱a̱ʼání tiempo ya̱ʼa saá kixáʼara sákuaʼara xa̱ʼa̱ Ndióxi̱ (1Pe 2:21-23; 3:1, 2). Tá xóʼvi̱níún, kǒo taxiún ña̱ ndakava-iniún xíʼin ña̱ ndóʼún, va̱ʼaka chika̱a̱ ndee̱ ña̱ keʼún ña̱ va̱ʼa tasaá kuchiñún ya̱ʼún nu̱ú tu̱ndóʼo ña̱ kúúmiíún (Ro 12:21). Sava yichi̱ va̱ása xíniñúʼu ka̱ʼún ku̱a̱ʼání tu̱ʼun xíʼin yiíún chi ña̱ ndáyáʼviníka kúú ña̱ va̱ʼaní kéʼún xíʼinra chi ña̱yóʼo chindeétáʼan xíʼinra ña̱ nasa̱mara.

Ndakanixi̱ní ndáa ki̱ʼva ndóʼo ta̱ ti̱ndaʼa̱ xíʼún (Flp 2:3, 4). Na̱ʼa̱ ña̱ kúnda̱a̱-iniún xíʼin ña̱ ndóʼora ta kundáʼvi-iniún kuniúnra, ta kiʼin kuenta ndáa ña̱ ndákanixi̱níra xíʼin ña̱ kúni̱ún keʼún, viíní keʼún ndiʼi chiñu ña̱ íyo veʼún, ta viíní sakuaʼún kuniso̱ʼún ña̱ káʼa̱nra xíʼún (Snt 1:19). Kúee koo-iniún xíʼin yiíún ta na̱ʼa̱ ña̱ kúʼvi̱-iniún xíniúnra. Tá ni va̱ása chíndayáʼvíra ndiʼi ña̱ kéʼún xa̱ʼa̱ra, xíniñúʼu kusi̱í-iniún chi nu̱ú Jehová ndáyáʼviní ña̱ nda̱kú íyo iniún (1Pe 2:19, 20).

TÁNDI̱ʼI XI̱TONDÓ VIDEO JEHOVÁ TÁXIRA NDEE̱ NDAʼA̱YÓ ÑA̱ VA̱ʼA KUNDEÉ-INIYÓ XÍʼIN TU̱NDÓʼO ÑA̱ NDÓʼOYÓ, NDAKUIINNDÓ PREGUNTA YÓʼO:

  • ¿Ndáa ki̱ʼva ni̱xi̱yo ñá Grace Li tá sa̱kán ti̱ndaʼa̱ñá?

  • ¿Ndáaña chi̱ndeétáʼan xíʼinñá ña̱ va̱ʼa sa̱kuaʼañá xa̱ʼa̱ Ndióxi̱?

  • ¿Ndáaña chi̱ndeétáʼan xíʼin ñá hermana yóʼo ña̱ ni̱ya̱ʼañá nu̱ú tu̱ndóʼo tándi̱ʼi nda̱kuchiñá?

  • ¿Ndáaña ndu̱kú ñá Grace Li nu̱ú Jehová xa̱ʼa̱ yiíñá?

  • ¿Ndáa bendición nda̱kiʼin ñá hermana yóʼo xa̱ʼa̱ ña̱ va̱ʼaní ke̱ʼéñá xíʼin ña̱ to̱ʼóní ni̱xi̱yo iniñá?

Ña̱ keʼéyó ña̱ va̱ʼa xíʼin ña̱ to̱ʼó koo iniyó va̱ʼaní chindeétáʼan ña̱yóʼo xíʼinyó.