Ir al contenido

Ir al índice

 ÑA̱ KÉʼÉYÓ NA̱ TESTIGO

Na̱ va̱lí kúa̱an, chika̱a̱ndó ndee̱ ña̱ keʼéndó “ña̱ va̱ʼa”

Na̱ va̱lí kúa̱an, chika̱a̱ndó ndee̱ ña̱ keʼéndó “ña̱ va̱ʼa”

Nu̱ú carta ña̱ ka̱ʼyí ta̱ Pablo ku̱a̱ʼa̱n nu̱ú ta̱ Tito, ni̱ka̱ʼa̱nra xa̱ʼa̱ na̱ va̱lí kúa̱an, ña̱ xíniñúʼu chika̱a̱na ndee̱ keʼéna “ña̱ va̱ʼa” (Tit 2:6, 7). Saátu ni̱ka̱ʼa̱nkara nu̱ú ña̱ capítulo yóʼo ña̱ nduyéʼe ti̱xin ñuu Jehová ña̱kán kivi keʼéna ña̱ va̱ʼa xíʼin ña̱ si̱í-inina (Tit 2:14). Ta iin ña̱ va̱ʼa keʼéna kúú ña̱ natúʼunna xa̱ʼa̱ Ndióxi̱ xíʼin sanáʼa̱na na̱ yiví xa̱ʼa̱ reinora. Tá iin na̱ kúa̱an kúún, ¿Á kivi chika̱a̱ún ndee̱ ña̱ va̱ʼa koún precursor auxiliar á regular? (Pr 20:29).

Tá xa̱a̱ nda̱kanixi̱níún ña̱ koún precursor, chika̱a̱ ndee̱ ña̱ xa̱ún keʼúnña (Lu 14:28-30). Ná ka̱ʼa̱nyó xa̱ʼa̱ iin ejemplo, ¿ndáa míí kiʼún xu̱ʼún ña̱ kuniñúʼún tá xa̱a̱ kúún precursor? ¿Ndáaña keʼún ña̱ va̱ʼa sáxi̱nún hora ña̱ ndataxiún? Kivi ka̱ʼún xíʼin Jehová xa̱ʼa̱ ndiʼi ña̱yóʼo (Sl 37:5). Kivi ka̱ʼún xíʼin yiváún á xíʼin siʼún xa̱ʼa̱ ña̱yóʼo á xíʼin iin na̱ xa̱a̱ ku̱a̱ʼá ku̱i̱ya̱ kúú precursor. Tándi̱ʼi, chika̱a̱ ndee̱ ña̱ sáxi̱nún ña̱yóʼo. Kǒo kaka-iniún chi mií Jehová chindeétáʼan xíʼún xa̱ʼa̱ ña̱ chíka̱a̱ún ndee̱ ña̱ ndasakáʼnúnra.

TÁNDI̱ʼI XI̱TONDÓ VIDEO NA̱ VA̱LÍ KÚA̱AN NA̱ NDÁSAKÁʼNU JEHOVÁ, NDAKUIINNDÓ ÑA̱ PREGUNTA YÓʼO:

  • ¿Ndáa tu̱ndóʼo kúúña ni̱ya̱ʼa sava na̱ hermano nu̱ú ña̱ va̱ʼa xa̱a̱na koona precursor, ta nda̱saa ke̱ʼéna ña̱ ni̱ya̱ʼana nu̱úña?

  • ¿Ndáaña kivi keʼé na̱ íyo se̱ʼe ña̱ va̱ʼa chindeétáʼanna xíʼin na̱yóʼo ña̱ va̱ʼa xa̱a̱na koona precursor regular?

  • ¿Nda̱chun ndáyáʼviní taváyó tiempo ña̱ keeyó natúʼunyó xa̱ʼa̱ Ndióxi̱?

  • ¿Ndáaña xíniñúʼu keʼé na̱ hermano na̱ ñúʼu ti̱xin congregación ña̱ va̱ʼa chika̱a̱na ndee̱ xíʼin na̱ precursor ta saátu chindeétáʼanna xíʼin na̱yóʼo?

  • ¿Ndáa bendición ndákiʼin na̱ precursor?

¿Ndáaña kivi keʼíi̱ ña̱ va̱ʼa xa̱i̱ koi̱ precursor?