Isaías 61:1-11
61 Mií táta káʼnu Jehová ta̱xi espíritu ndaʼíi̱,saáchi Jehová nda̱kaxinra yi̱ʼi̱ ña̱ natúʼi̱n tu̱ʼun va̱ʼa xíʼin na̱ vitá-ini.
Chi̱ndaʼára yi̱ʼi̱ ña̱ va̱ʼa sandáʼi̱ na̱ kúsuchíní-ini,chi̱ndaʼára yi̱ʼi̱ ña̱ va̱ʼa natúʼi̱n xíʼin na̱ ndási ña̱ va̱ʼa sa̱ñánata saátu ña̱ ndatu̱vi nu̱ú na̱ ñúʼu veʼeka̱a,
2 ña̱ va̱ʼa natúʼi̱n xa̱ʼa̱ tiempo ña̱ na̱ʼa̱ Jehová ña̱ kúndáʼvi-inira xínirana,ña̱ natúʼi̱n xíʼinna xa̱ʼa̱ ki̱vi̱ ña̱ ndatiin Ndióxi̱ ku̱a̱chi xíʼinna,ña̱ va̱ʼa sandíkoi̱-ini na̱ kúsuchí-ini,
3 ña̱ va̱ʼa kundai̱ na̱ xáku xa̱ʼa̱ Sion,ña̱ va̱ʼa taxii̱ iin ña̱ livi kunúu xi̱nína nu̱úka ña̱ chikaa̱na ya̱a̱ xi̱nína,ña̱ va̱ʼa chikai̱ aceite xi̱nína nu̱úka ña̱ kusuchí-inina ta kusi̱í-inina,taxii̱ ti̱ko̱to̱ ña̱ kunúu sa̱tána ña̱ va̱ʼa ndasakáʼnuna yi̱ʼi̱ nu̱úka ña̱ ndakava-inina.
Ta ka̱ʼa̱nna xa̱ʼa̱na ña̱ kéʼéna ña̱ nda̱kúta kúúna yitu̱n náʼnu tú chi̱ʼi mií Jehová ña̱ va̱ʼa ndukáʼnura.
4 Na̱yóʼo ndasava̱ʼana ña̱ ndi̱ʼi-xa̱ʼa̱ tiempo xi̱naʼá;sandáʼana lugar ña̱ ki̱ndoo mií tiempo xi̱naʼáta ndasava̱ʼana ñuu ña̱ ndi̱ʼi-xa̱ʼa̱,lugar nu̱ú kǒona níxi̱ndoo ku̱a̱ʼání ku̱i̱ya̱.
5 “Na̱ va̱ása xíni̱ndó kixina ta kundaana kití sa̱na̱ndóta na̱ inka ñuu kixina ta chiʼina nu̱ú ñuʼúndó ta kundaana tú uvandó.
6 Ka̱ʼa̱nna xa̱ʼa̱ndó ña̱ kúúndó su̱tu̱ na̱ káchíñu nu̱ú Jehová;ka̱ʼa̱nna xa̱ʼa̱ndó ña̱ kúúndó na̱ káchíñu nu̱ú Ndióxi̱yó.
Kuniñúʼundó ña̱ kúiká ña̱ kúúmií na̱ ñuuta ka̱ʼa̱n va̱ʼandó xa̱ʼa̱ ña̱ kúiká ña̱ kúúmiína.
7 Ta nu̱úka ña̱ kukaʼan nu̱úndó, u̱vi̱ táʼví ña̱ʼa ndakiʼinndó,ta nu̱úka ña̱ kukaʼan nu̱ú na̱ ñui̱, nda̱ʼyi̱ kóʼóna* ta kusi̱í-inina xa̱ʼa̱ ña̱ ndakiʼinna.
Nda̱a̱ u̱vi̱ táʼvíka ñuʼú ndakiʼinna.
Ta ndiʼi tiempo kusi̱í-inina.
8 Saáchi yi̱ʼi̱ Jehová kúʼvi̱-inii̱ xínii̱ ña̱ nda̱kú;kúndasíi̱ xínii̱ na̱ íxakuíʼná ta saátu na̱ va̱ása kéʼé ña̱ nda̱kú.
Nda̱kúníva koo inii̱ xíʼinna tá ná chaʼvii̱nata keʼíi̱ iin trato xíʼinna ña̱ koo ndiʼi tiempo.
9 Ku̱a̱ʼání na̱ ñuu kuxini̱na se̱ʼena na̱ kaku chí nu̱únínu,ta ku̱a̱ʼání na̱ ñuu válí kuxini̱na se̱ʼena na̱ kaku chí nu̱únínu.
Ndiʼi na̱ ná kuni na̱yóʼo ndakuninana ña̱ kúúna se̱ʼe Jehová,na̱ ta̱xira bendición ndaʼa̱”.
10 Kusi̱íní-inii̱ xa̱ʼa̱ Jehová.
Mií Ndióxi̱ kúú ta̱ ndeéní sakúsi̱í-inii̱.
Saáchi miíra sa̱kǎkura yi̱ʼi̱ ta ña̱yóʼo íyoña nda̱a̱ táki̱ʼva íyo ña̱ sa̱ndákundixira ti̱ko̱to̱ yi̱ʼi̱;ta̱xira ña̱ ná keʼíi̱ ña̱ nda̱kú, ta nda̱a̱ táki̱ʼva íyo ta̱ nda̱sukúndaa* ti̱ko̱to̱ yi̱ʼi̱ saá íyora,íyoi̱ nda̱a̱ táki̱ʼva íyo iin ta̱ tíndaʼa̱ ta̱ kánuu iin ti̱ko̱to̱ xi̱ní táʼan ña̱ kánuu xi̱ní ta̱ su̱tu̱,nda̱a̱ táki̱ʼva íyo ña̱ʼa ña̱ livi ña̱ xíniñúʼu ñá tíndaʼa̱.
11 Saáchi nda̱a̱ táki̱ʼva kána ña̱ʼa nu̱ú ñuʼúta nda̱a̱ táki̱ʼva kána ña̱ʼa ña̱ chíʼina nu̱ú jardín,saá taxi táta káʼnu Jehová ña̱ ná koo ña̱ nda̱kúta saátu ña̱ ná koo na̱ ndasakáʼnu miíra nu̱ú ndiʼi na̱ inka ñuu.
