Va̱ása ndákanixi̱nína saá. Ku̱a̱ʼání na̱ yiví na̱ xi̱ndoo tá tiempo xi̱naʼá, na̱ kǒo níxi̱yo testigo Jehová va̱ʼa xa̱a̱na sakuaʼana xa̱ʼa̱ Jehová ta ka̱kuna. Ña̱ Biblia káʼa̱nña, nu̱ú ñuyǐví xa̱á ña̱ káʼa̱n Ndióxi̱ taxira “sandátakura na̱ ke̱ʼé ña̱ va̱ʼa ta saátu na̱ va̱ása níkeʼé ña̱ va̱ʼa” (Hechos 24:15). Saátu tiempo vitin, ku̱a̱ʼání na̱ yiví kivi xa̱a̱na ndasakáʼnuna Ndióxi̱ ta ka̱kuna. Soo su̱ví ndi̱ʼi̱ kúú na̱ ka̱ʼa̱n ndáa na̱ kúú na̱ ka̱ku ta ndáa na̱ va̱ása ka̱ku. Chi ta̱ ndatiin ku̱a̱chi xíʼin na̱ yiví kúú ta̱ Jesucristo (Juan 5:22, 27).