Kándíxavanara. Mií ta̱ Jesús ni̱ka̱ʼa̱n ña̱yóʼo: “Yi̱ʼi̱ kúú yichi̱, yi̱ʼi̱ kúú ña̱ nda̱a̱ ta kúúmiíi̱ ña̱ táku. Nda̱a̱ ni iinna kǒo kivi xa̱a̱ nu̱ú yivái̱ tá su̱ví xa̱ʼa̱ yi̱ʼi̱ kúúña” (Juan 14:6). Kándíxavandi̱ ña̱ ki̱xi ta̱ Jesús nu̱ú ñuʼú yóʼo ta ni̱xi̱ʼi̱ra xa̱ʼa̱ ku̱a̱chiyó (Mateo 20:28). Tíxa̱ʼvi ña̱ ni̱xi̱ʼi̱ra ta nda̱takura, ndiʼi na̱ kándíxa miíra kivi kutakuna ndiʼi tiempo (Juan 3:16). Ta saátu kándíxandi̱ ña̱ kúú ta̱ Jesús Rey ti̱xin Reino Ndióxi̱, ta si̱lóʼo kúma̱ní ña̱ kaʼndachíñura nu̱ú ñuʼú yóʼo tasaá va̱ʼaní kundoo ndiʼina (Revelación [Apocalipsis] 11:15). Soo saátu ni̱ka̱ʼa̱nra ña̱yóʼo: “Káʼnukava yivái̱ nu̱ú yi̱ʼi̱” (Juan 14:28). Ndi̱ʼi̱ kándíxavandi̱ ña̱ ni̱ka̱ʼa̱nra yóʼo, ña̱kán kǒo kándíxandi̱ ña̱ kúú ta̱ Jesús Ndióxi̱ ta̱ kúúmií ndiʼi ndee̱. Xa̱ʼa̱ ña̱kán va̱ása ndásakáʼnundi̱ra á kǒo ndáñu̱ʼundi̱ra.