Skip to content

Skip to secondary menu

Sipasimuneng Jehoba

Mentawai

Kasei te Sibulatnia Sipasikupkup ake Sangaliot Polak Néné?

Kasei te Sibulatnia Sipasikupkup ake Sangaliot Polak Néné?

Sipinaatu Mui, kasei  . . .

  • Taikamanua?

  • sirimanua?

  • elé ai peile sabagei?

 APONIA AIKUA BUKO SIPUNENAN

”Sangaliot polak néné ai nia ka kupkumen si Jo.”—1 Johannes 5:19, Buko Sipunenan Ka Nganga Simareirei Tupakei Ka Mentawai.

”Aioi Togat Takamanua . . . isubuake galajet Sanitu.”—1 Johannes 3:8, Buko Sipunenan LAI.

LULUNIA KA SITA

Agaimuian katukoloubatnia sangamberi sibabara ka polak.—Pamoilianan 12:12.

Matonem nangan bagatta ai purimanuaijat simaerú ka gogoi sibabara.—1 Johannes 2:17.

 MATONEM LEÚ BAGATTA APONIA AIKUA BUKO SIPUNENAN?

Ooi. Ai telu katukoloubatnia:

  • Tat mauju sangamberi geget Sanitu tutata ake. Aipoi sangamberinia nenda alepaat aikuania Taikamanua Jehoba. Ai janjiakean Taikamanua ”itataake . . . Sanitu” samba paerúnangan sangamberi sitaimakolou kalulut Sanitu.Ibrani 2:14.

  • Ai saúsaúan Taikamanua Jesus Kristus bule murimata ka polak néné. Jesus tá makeré kelé Sanitu sikatai. Ai janjiakean Taikamanua ka purimataat Jesus, ”Manuntu bagania ka sirimanua simagulai tubu samba simagebá . . . Itebui lé sia ka paoreat samba ka pugegeat.”—Psalmen 72:13, 14.

  • Tá maboko Taikamanua. Ai kuangan Buko Sipunenan, ”Tá maboko Taikamanua.” (Ibrani 6:18) Mariuriu lé sangamberi sijanjiakenen Taikamanua! (Jesaya 55:10, 11) ”Tukekkle rimatadda taikapolak.”—Johannes 12:31.

 PAATUET TA

Aponia sibabara ka polak lepá isubuake purimataat Sanitu?

Buko Sipunenan masialegi panounougat néné ka PSALMEN 37:10, 11 samba PAMOILIANAN 21:3, 4.