Skip to content

Skip to secondary menu

Sipasimuneng Jehoba

Mentawai

Aponia Purimataat Taikamanua Nenda?

Aponia Purimataat Taikamanua Nenda?

Sipinaatu Mui, aponia nenda . . .

  • ai pá ka bagat paatuatta?

  • sara kudduat ka manua?

  • purimataat ka manua?

 APONIA AIKUA BUKO SIPUNENAN

”Taikamanua ka manua masirioake geti sara purimataat simatom teret buru-buru.”Daniel 2:44, Buko Sipunenan LAI.

”Kalulut amutútúan matat sara toga ka sita, aiakean sara toga simanteu ka sita; ibailiu le nia geti sipaneinei.”—Jesaya 9:5, Buko Sipunenan LAI.

LULUNIA KA SITA

  • Silómuian purimanuaijat simasanang ka bagat Purimataat Taikamanua simaroipo, samba iagai takatoneminia.—Jesaya 48:17, 18.

  • Nanam muian purimanuaijat sitáanai pangoringan, samba angkat baga ka polak sibau ka gogoi sibabara.—Pamolianan 21:3, 4.

 MATONEM LEÚ BAGATTA APONIA AIKUA BUKO SIPUNENAN?

Ooi. Ai rua katukoloubatnia:

  • Ai pakoinongan Jesus aponia besiakenen purimataat Taikamanua. Ai gelaiakean sia sipasiuluinia manindou, rapatiddouake ioi purimataat Taikamanua bule sangamberi siobakat Taikamanua ibailiu ka polak. (Mateus 6:9, 10) Ai pakoinongan Jesus ialegi Taikamanua panindougat nenda.

    Ka teteret ai peilé Jesus ka polak, pakomnangan sangamberi sirimanua simalaje, masialeake simabesi, samba irimanuake simamatei! (Mateus 15:29-38; Johannes 11:38-44) Néné te sara sibailiu katonemienta ka gogoi sibabara, ké Jesus ibailiu Rimata ka Purimataat manua, igagalaiake te sara galaijet simakopé beu, uktuk sangamberi sia sibailiu kupkup akenen Nia.—Pamolianan 11:15.

  • Ititiboi sangamberi sipuaili ka polak kineneiget, amaleggrengan kaoijanan purimataat Taikamanua. Ai kuangan Jesus, kaoijanan Purimataat Taikamanua ka polak, muboboiki té pasaggangan, pulajeat, samba teteu ka senen laggai.—Mateus 24:3, 7.

    Iate siitcota kelé kineneiget. Oto, amatoneman bagatta tat mauju purimataat Taikamua masisapruake sangamberi pugejaat baga ka polak néné.

 PAATUET TA

Aponia rasisiló sipuririmanua ka bagat purimataat Taikamanua?

Buko Sipunenan masialegi panounougat néné ka MAZMUR 37:29 samba YESAYA 65:21-23.