Skip to content

Skip to secondary menu

Sipasimuneng Jehoba

Mentawai

Aponia Enungan Puanggkakat baga ka bagat Pulalalep?

Aponia Enungan Puanggkakat baga ka bagat Pulalalep?

Aponia sibara ka Kam . . .

  • nuntut baga?

  • bulagat?

  • elé ai pei lé bagei?

 APONIA AIKUA BUKO SIPUNENAN

”Bulat simauktuk, iate sipasiaarep samba sisiddoni tiboiet Taikamanua.”Lukas 11:28, Buko Sipunenan LAI.

LULUNIA KA SITA

Silómuian nuntu baga.—Epesus 5:28, 29.

Maroroi ka pulalalep.—Epesus 5:33.

Paabanan kabagat pulalalep.Markus 10:6-9.

 MATONEM LEÚ BAGATTA APONIA AIKUA BUKO SIPUNENAN?

Ooi. Ai rua katukoloubatnia:

  • Taikamanua aibaraake putalimougat. Aikuangan Buko Sipunenan sangamberi sipulalalep mukaronan baga katubut Taikamanua Jehoba. (Epesus 3:14, 15) Oto Taikamanua Jehoba lé masitadda pulalalep . Aponia lulunia ka sita?

    Paatukam boiki: Ké bai nukom Kam komen simananam, kasei lé nunounoukam, kaipa aibara punanaman néné komen? Oto sia sipasiseú lé tu nounou.

    Kisedda leúet, uktuk masiagai punanaman puangkakat baga ka pulalalep, ka Taikamanua Jehoba lé sita masitiddou nganturat.—1 Mose 2:18-24.

  • Taikamanua ipasikeli sita. Sita sipulalalep masitiddou nganturat ka Taikamanua Jehoba, iate masibasa Buko Sipunenan. Angoi? Aipoi nia lé simatamli ka baga masipasikeli Kam. (1 Petrus 5:6, 7) Ioba Jehoba ta pusanang—nganturatnia iate sarat simaeru!—Panganturat 3:5, 6; Jesaya 48:17, 18.

 PAATUET TA

Kipa ibailiu sita simanteu, sinanalep, ele ukkui samba ina simaeru?

Buko Sipunenan masialegi panounougat néné ka EPESUS 5:1, 2 samba KOLOSE 3:18-21.