Skip to content

Skip to secondary menu

Sipasimuneng Jehoba

Mentawai

Aponia Buko Sipunenan Nenda?

Aponia Buko Sipunenan Nenda?

Sipinaatu Mui, aponia nenda . . .

  • buko pumumuan?

  • tat ama asli?

  • Tiboiet Taikamanua?

 APONIA AIKUA BUKO SIPUNENAN

”Sangamberi surat ka Surat Sipunenan sibara ka engan Taikamanua.”—2 Timoteus 3:16, Buko Sipunenan LAI.

LULUNIA KA SITA

Alegiet simakolou ka panounougat simaperlu ka purimanuaijatta.—Panganturat 2:1-5.

Nganturat sioi ta katonemi ka bagat purimanuaijat senen gogoi.—Psalmen 119:105.

Karoniet bagatta ka gogoi sibabara.Roma 15:4.

 MATONEM LEÚ BAGATTA APONIA AIKUA BUKO SIPUNENAN?

Ooi. Ai telu katukoloubatnia:

  • Sipaakkup lé sangamberi situtusurat ka bagania. Buko Sipunenan nenda tususurat burúnia 1600 ngarura. Ai sia 40 sirimanua sipasisusurat. Maigi leú et sia táanai paagai.Tapoi bagania sipaakkup le sangamberi!

  • Surat sioi takatonemi. Sia sipasisusurat buko marerei rapakelei seledda. Tapoi sia sipasisusurat Buko Sipunenan geti tá rapepetpet seledda.2 Tawarikh 36:15, 16; Psalmen 51:1-4.

  • Pasipoiliat sioi tukatonemi. Buko Sipunenan masipoiliat katusubuat laggai Babilon 200 ngarura silelepa. (Jesaya 13:17-22) Buko Sipunenan minca, masipoiliat kipa pagalaijat katusubuat laggai Babilon samba oninia sipasisusubuake!—Jesaya 45:1-3.

Maigi aipoiliat Buko Sipunenan, sipuaili siitcotta kineneiget. Niate bulatnia Buko Sipunenan sibara ka Taikamanua?2 Petrus 1:21.

 PAATUET TA

Kipa Buko Sipunenan masirom ake imaerú puririmanua Mui?

Buko Sipunenan masialegi panounougat néné ka JESAYA 48:17, 18 samba 2 TIMOTEUS 3:16, 17.