Ukuya kwe vino vilimo

Ukuya kuno walanjizizye vino vilimo

Inte zya kwe Yehova

Solanipo ululimi Cinamwanga

 ISAMBILILO 16

Amilimo Ci Yino Awawomvi Wano Wakatumicila Wakawomba?

Amilimo Ci Yino Awawomvi Wano Wakatumicila Wakawomba?

Myanmar

Akulanda ilyasi

Wakulanzyanya pano watani waye mu kuwizya

Wakuzifya pa Ng’anda ya Wufumu

E Baibolo yikalanda pe “wakangalila na wawomvi wano wakatumicila” ukuti awano Leza wapa imilimo mwi wungwe. (Wafilipi 1:1) Mu mawungwe mwawa waeluda na wawomvi wano wakatumicila awavule. Amilimo ci yino awawomvi wano wakatumicila wakawomba?

Wakakwavwa wa eluda. Awawomvi wano wakatumicila wawa na wuciwuza wuwome nu Yehova swinya wasuwilwa sana amuno wakawomba umulimo wonsinye wuno wapwa. Awawonvi wano wakatumicila wawika amano ku vya kwe Leza. Wamwi awasongo wanji nawo awacitici. Wakawomba imilimo ya mwi wungwe imilekane lekani pa kuti ukulongana kwapitika icete. Ukuwombesya kwawo, kukalenga waeluda wawika sana amano kukusambilizya nu kucema awa mwi wungwe.

Wakawomba imilimo imicindame. Awawomvi wano wakatumicila wamwi wakawomba umulimo wa wukapyunga ukupocelela awantu wano wakwiza mukulongana. Wanji nawo wakawombela ku vivwanjilo, wamwi wakawombela kukupa amabuku na wamagazini, wamwi wakawombela ku maakaunti ya ndalama ayi wungwe, wanji nawo awano wakapa wakawizya ivifulo vya kuwombelamo umulimo wa kuwizya. Wamwi wakawombela ku kuzifya pa Ng’anda ya Wufumu nu kuyanya vino vikononeka. Impindi zimwi waeluda wangapa awawomvi wano wakatumicila umulimo wakusakamala awakote. Pa mulandu wakuti wayipelesya ukuwomba imilimo yonsinye yino wapwa, awawomvi wano wakatumicila wawacindika sana kuwa mwi wungwe.—1 Timoti:13.

Wawa ni miwele imizima iya Wina Klistu. Imiwele ya Wina Klistu yino awawomvi wano wakatumicila wawa nayo, ayino yikalenga awafikapo ukusontwa ukuwa awawomvi wano wakatumicila. Amalyasi yano wakalanda pa kulongana nga ni vilanjililo vino wakapanga vikawomya sana isuwilo litu. Nga twalola ukucincila kwawo mu mulimo wa kuwizya, na sweswenye cikalenga atucincila sana. Pa mulandu wakuti wakakwivwana nkaninye na waeluda, cikalenga mwi wungwe ukuwa icimwemwe nu kulemana (Waefeso 4:16) Mu kupita kwa mpindi na wonye wakafikapo ukuwa waeluda.

  • Uzye awawomvi wano wakatumicila awantu wa musango ci?

  • Amilimo ci yino wakawomba yino yikalenga ukulongana kwapitika icete?