Ukuya kwe vino vilimo

Inte zya kwe Yehova

Solanipo ululimi Cinamwanga

Uzye Uwufumu wa kwe Leza Acani?

Uzye Uwufumu wa kwe Leza Acani?

Uzye Ungati . . .

  • acintu vye cimwi cino cawa mu mwezo?

  • amvwango vye?

  • awuteko wa mwi yulu?

 NGA E BAIBOLO AKATI WULI

“E Leza wa mwi yulu aliyimika uwufumu wuno wutalitela wononeke.”—Daniel 2:44.

“Umwana monsi wapwa kwakwe sweswe! Aliwa amfumu yitu.”—Ayizeya 9:6.

UWUZIMA WUNO UNGAZANA NDI WASUWILA MWE BAIBOLO

  • Unga tungululwa nu wuteko wulungamane wuno wungakuletela icimwemwe.—Ayizeya 48:17, 18.

  • Uliyitopwa ukwikala munsi impya muno uliwa nu wumi uwuzima swinya uliwa ni nsansa nkaninye.—Ukuwumbulika 21:3, 4.

 UZYE KWENI TUNGASUWILA VINO BAIBOLO AKALANDA?

Pali imilandu yiwili yino yingaleka tusuwile:

  • Yesu walanjizizye vino Uwufumu wakwe Leza wulicita. E Yesu wasambilizizye awasambilizi wakwe ukupepela uwufumu wa kwe Leza ukwiza nu kulonda kwakwe kucitwe munsi ndi vino mwi yulu. (Mateyu 6:9, 10) E Yesu walanjilizizye na vino lyo-o ipepo lili yasukwa.

    Pano Yesu walinji munsi walisizye wano walinji ni nzala, wapozizye awalwale, swinya wazyulupuzile na wafwe! (Mateyu 15:29-38; Yohani 11:38-44) Vino wacisile vyalanjizyanga vyo alicita ndiwatalika ukuteka mu Wufumu wa kwe Leza.—Ukuwumbulika 11:15.

  • Vino vikucitika munsi vikulanjizya kuno Uwufumu wakwe Leza wandi wutalike ukuteka. Yesu wasowezile ukuti pano uwufumu wakwe Leza wutani wulete umutende, munsi muliwa inkondo ,ivipowe ni vizumanzi.—Mateyu 24:3, 7.

    Vyonsinye vino Yesu walanzile tukuvilola naminso yitu. Acino nanti kuvwilika,tumanyile kuno Uwufumu wakwe Leza wandi wumale intazi zyonsinye.

 TELA UYELENGANYE

Uzye awantu waliwakwikala wuli pano Uwufumu wa kwe Leza wuliwateka?

E Baibolo wasuka iwuzyo lyolyo pa AMALUMBO 37:29 nu AYIZEYA 65:21-23.