Ukuya kwe vino vilimo

Inte zya kwe Yehova

Solanipo ululimi Cinamwanga

Uzye Avyani Vino Wamanya Pakwe Baibolo?

Uzye Avyani Vino Wamanya Pakwe Baibolo?

Uzye ungati . . .

  • alibuku lino mwawa amano yawantu?

  • alibuku lino mwawa utwili?

  • Alizwi Lyakwe Leza?

 NGE BAIBOLO AKATI WULI?

“Amazwi amatele yonsi yafutilwa numupo wakwe Leza.”—2 Timoti 3:16.

UWUZIMA WUNO UNGAZANA NDIWASUWILA MWE BAIBOLO

Ungazana ivyasuko vya mawuzyo amatale.—Imilumbe 2:1-5.

Angakutungulula cila wanda mumikalile iyizima.—Amalumbo 119:105.

Angakupa isuwilo lya muyayaya.—Waroma 15:4.

 UZYE KWENI TUNGASUWILA VINO BAIBOLO AKALANDA?

Pali imilandu yitatu yino yingaleka tusuwile:

  • Ukuzumilizyanya. Papisile imyaka 1,600 pakumala ukuwalika Baibolo. Awantu wano wawalisile Baibolo walinji 40, awavule wasitela walolane penepo. Nomba icakuzungusya acakuti, e Baibolo wensinye akazumilizyanya!

  • Wucisinka. Impindi mvule, awantu wasiwalika iviwipe pewoliwo nawantu wawo. Nomba wano wawalisile Baibolo weni walenvile ivisinka paviluwo vya luko lwawo na vino waluvyanyanga aweneco.—2 Imilandu 36:15, 16; Amalumbo 51:1-4.

  • Ndiwalanda pa vino vitani vicitike vikacitika muno alandizilenye. Baibolo walanzile palwa konona akaya ke Babeloni imyaka 200 pano katani kononwe. (Ayizeya 13:17-22) E Baibolo, atawumbuzilevye ukuti akaya ke Babeloni kaliyononwa, lelo, wawubuzile nizina lya wino wononile!—Ayizeya 45:1-3.

    Avivulenye vino Baibolo walanzile pano vitani vicitike apo avicitika ndimuno Baibolo walandizilenye. Asacakuzungusya co-o amuno avino izwi laykwe Leza likasi liwe.—2 Peter 1:21.

 TELA UYELENGANYE

Uzye Izwi Lyakwe Leza lingakwavwilizya wuli?

E Baibolo wasuka iwuzyo lyolyo pe AYIZEYA 48:17, 18 nu 2 TIMOTI 3:16, 17.