Ukuya kwe vino vilimo

Inte zya kwe Yehova

Solanipo ululimi Cinamwanga

Uzye Uwuyimvi Wulitela Wusile?

Uzye Uwuyimvi Wulitela Wusile?

Uzye Ungati . . .

  • molimonye?

  • poole?

  • nampo?

 NGE BAIBOLO AKATI WULI?

‘Leza wandi awapyele iminsozi yonsi muminso yawo.kutaliwa imfwa swinya amalanda yataliwapo,nanti akulila,nanti awulumilanye.’—Ukuwumbulika 21:3, 4.

UWUZIMA WUNO UNGAZANA NDIWASUWILA MWE BAIBOLO

Icisinka acakuti e Leza asawo walenga ukuti tuwayimba.—Jemusi 1:13.

Cingakupa insansa ukumanya ukuti e Leza wamanya uwuyimvi witu.—Zakariya 2:8.

Isuwilo lyakuti uwuyimvi wonsinye wulisila.—Amalumbo 37:9-11.

 UZYE KWENI TUNGASUWILA VINO BAIBOLO AKALANDA?

Pali imilandu yiwili yino yingaleka tusuwile:

  • E Leza wapata ukuyimba swinya wakunda umulinganya. E Leza wivwanga uwuwi nkaninye pano awantu wakwe wayimbanga. E Baibolo akati e Leza camulumanga pano awantu wakwe, “walilizikanga mukuyimba kwawo.”—Wakapanzya 2:18.

    E Leza atakunda awantu wano wakacisa awawuye. Baibolo akati e Leza wapata ‘amakasa yano yakakoma awasowe umulandu’.—Imilumbe 6:16, 17.

  • E Leza wakunda umuntu uwuliwensinye. Ndivino ‘cila muntu akalanga amanyile ukuyimba kwakwe’ nu Yehovanye akamanya ukuyimba kwitu!—2 Imilandu 6:29, 30.

    Nombanye, e Yehova aliwonvya Uwufumu wakwe ukumala uwuyimvi munsi. (Mateyu 6:9, 10) Pano impindi yoyo yitani yifike, akasakamala wonsi wano wakalonda ukumumanya.—Imilimo 17:27; 2 Wakorinte 1:3, 4.

 TELA UYELENGANYE

Nga acani cino Leza wazumilizizya uwuyimvi?

E Baibolo wasuka iwuzyo lyolyo pa WAROMA 5:12 nu 2 PETER 3:9.