Ukuya kwe vino vilimo

Ukuya kuno walanjizizye vino vilimo

Inte zya kwe Yehova

Solanipo ululimi Cinamwanga

 ICIPANDWA 6

Tungasambilila Cani kwe Mulamba Wape Nowa?

Tungasambilila Cani kwe Mulamba Wape Nowa?

E Leza wononile awawipe, lelo wapususizye e Nowa nu lupwa lwakwe. Intaliko 7:11, 12, 23

Invula yatonyile umusanya nu usiku pa manda makumi yani (40), ni nsi yonsi yizuzile aminzi. Awawipe wonsinye wafwile.

Awangeli wawipe wazuzile imiwili ya wuntu awapiluka iviwa.

Wano walinji mu wato wapususile. Nanti e Nowa nu lupwa lwakwe wafwa, e Leza aliwazyulupula. Swinya waliikala uwumi wa muyayaya.

 Swinya e Leza aliyonona awawipe nu kupususya wano wakamwivwila. Mateyu 24:37-39

E Satana ni viwa na nombanye wakasovya awantu.

Ndivino mu mpindi yakwe Nowa, ilelo awavule wasilonda uwutunguluzi wakwe Yehova. Nombanye e Yehova aliyonona awawipe wonsinye.—2 Petro 2:5, 6.

Awantu wamwi wawa ndivyo e Nowa. Wakakwivwila Leza nu kucita vyo wavwanga; waa a Nte Zyakwe Yehova.