Ukuya kwe vino vilimo

Ukuya kuno walanjizizye vino vilimo

Inte zya kwe Yehova

Solanipo ululimi Cinamwanga

 VINO AWINA KLISTU WAZIPIZILE UKUWA

Uzye Mwasuwila Sana Mu Malayo Ya Kwe Yehova?

Uzye Mwasuwila Sana Mu Malayo Ya Kwe Yehova?

E Joshua nu Solomoni wasinincizizye ukuti kutalinji nanti conga cino Yehova waposilwe ukuficilisya. (Jos. 23:14; 1 Iz. 8:56) Uwusinincizyo wa kwe wa-a awantu wawili wungatwavwa sana ukuwomya isuwilo litu mu malayo yakwe Yehova.—2Ko. 13:1; Tai. 1:2

Uzye e Yehova waficilisizye wuli amalayo yakwe mu mpindi ya kwe Joshua? Tambani nu lupwa lwinu e vidyo yakuti ‘Tapali Nangu Cimo Icishacitika.’ Apano mulanzyanye amawuzyo yano yakonkapo: (1) Uzye tungakolanya wuli isuwilo lya kwe Rahabu? (Heb. 11:31; Jem. 2:24-26) (2) Uzye vino vyaciticizile Akani vikatwavwa wuli ukumanya vino vikafuma mukuwembucila ku mufulo? (3) Cingatenga awina Gibeon walinji awakalwa wa nkondo, amulandu ci wuno wawifile e Joshua pakuti wawe pa mutende na wina Israeli? (4) Uzye vino e Yehova walanzile vyaficilisizwe wuli pano imfumu 5 izya wina Amore zyatalisile ukutinya awina Israeli? (Jos. 10:5-14) (5) Uzye amwinye muno mwalola ukuti e Yehova wamyavwa pano mukuwika ivya Wufumu wa kwe Leza nu wulungamane wakwe inkolelo?—Mat. 6:33.

Isuwilo litu liliwawomelako nga cakuti tukwelenganya sana pe vino Yehova waficilisya, vino akuficilisya nga na vino alificilisya kunkolelo.—Ro 8:31, 32.

Uzye mwawa ni suwilo ndi vino Joshua walinji?