Ukuya kwe vino vilimo

Ukuya kuno walanjizizye vino vilimo

Inte zya kwe Yehova

Solanipo ululimi Cinamwanga

April 30–May 6

MARKO 5-6

April 30–May 6
  • Ulwimbo 151 ni Pepo

  • Amazwi ya Kutalicila (3 min. nu kucepako)

ICUUMA CINO CAWA MWI IZWI LYA KWE LEZA

  • E Yesu Wawa na Maka ya Kuzyulupula Awafwe”: (10 min.)

    • Mar. 5:38—Tukalosya ndi wino twakunda wafwa

    • Mar. 5:39-41—E Yesu wawa na maka ya kuzyulupula wano ‘walala’ mu mfwa (nwtsty ivya kutwavwa pa kuyisambilizya ukufuma pe Mar. 5:39)

    • Mar. 5:42—Pano awafwe walizyulupuka kuliwa “ukusecelela nkaninye” (jy-CW 118 para. 6)

  • Ukwivwicisya Icuuma Cino Cawa mwi Zwi lya kwe Leza: (8 min.)

    • Mar. 5:19, 20—Amulandu ci wuno Yesu wanenile we-e umuntu ukucita wo-o? (nwtsty ivya kutwavwa pa kuyisambilizya ukufuma pe Mar. 5:19)

    • Mar. 6:11—Uzye cikasula cani “ukukunta itukumbu ku matamba yinu”? (nwtsty ivya kutwavwa pa kuyisambilizya)

    • Uzye ukuwazya Baibolo ukwa sabata we-e, kumisambilizizye vyani pe Yehova?

    • Avyuma ci na vinji vino muzanile mukuwazya Baibolo ukwe sabata we-e?

  • Ukuwazya Baibolo: (4 min. nu kucepako) Mar. 6:1-13

IVYA KUCITA PA KUWOMBA ICETE UMULIMO WA KUWIZYA

  • Icipempu ca Citi Wili: (3 min. nu kucepako) Talicilani vino watili ivya kulanzyanya, apano mulanjizye umweni ng’anda e webusaiti yitu.

  • Icipempu ca Citi Tatu: (3 min. nu kucepako) Womvyani iwaliko lino mukulonda nu kulanda cino mulilanzyanyapo naswinya.

  • Isambililo lye Baibolo: (6 min. nu kucepako) bhs-CW 36 amapara. 23-24—Lanjililani ivya kufika umusambilizi pa mwezo.

VINO AWINA KLISTU WAZIPIZILE UKUWA

  • Ulwimbo 144

  • Sambililani Ivya Kuwomvya Icete Vino Tukawomvya mu Mulimo”: (5 min.) Ukulanzyanya.

  • Zanani Ukusansamusya mwi Wungwe lya kwe Yehova: (10 min.) Ukulanzyanya. Tambisyani e vidyo. Apano mukolowozye ya-a amawuzyo: Uzye antazi ci zimwi zino lo-o ulupwa lwapisilemo? Avyani vino vyawavwile ukusipicizya? Amulandu ci wuno cazipila ukuwika sana amano ku vya kwe Leza pano mukupita mu ntazi?

  • Isambililo lye Baibolo Ilya pi Wungwe: (30 min.) jy-CW icipa. 19 para. 1-9

  • Pitulukanimo nu Kulanda Vino Vili mwe Sabata Wino Akwiza (3 min.)

  • Ulwimbo 72 ni Pepo