Mur fil-kontenut

Mur fil-werrej

Ix-Xhieda ta' Ġeħova

Agħżel il-lingwa Malti

 GĦAJNUNA GĦAL DAWK LI TILFU LIL XI ĦADD GĦAŻIŻ

L-aqwa għajnuna għal dawk li tilfu lil xi ħadd

L-aqwa għajnuna għal dawk li tilfu lil xi ħadd

L-​UĠIGĦ LI JINĦASS WARA L-​MEWT TAʼ XI ĦADD GĦAŻIŻ KIEN IS-​SUĠĠETT TAʼ ĦAFNA RIĊERKA FI ŻMINIJIET REĊENTI. Madankollu, bħalma rajna qabel, l-​aqwa pariri mill-​esperti ħafna drabi jaqblu mal-​għerf tal-​qedem li nsibu fil-​Bibbja. Dan juri kemm il-​gwida tal-​Bibbja tibqaʼ tgħodd għal dejjem. Imma l-​Bibbja fiha iktar milli sempliċiment pariri li toqgħod fuqhom. Tipprovdi wkoll informazzjoni li ma nistgħu nsibu mkien iktar u li tistaʼ ġġib faraġ kbir għal dawk li jkunu mnikktin.

  • Assiguranza li l-​maħbubin mejtin tagħna mhumiex qegħdin isofru

    ‘Il-​mejtin ma jafu xejn,’ tgħid il-​Bibbja f’​Ekkleżjasti 9:5. ‘Ħsibijiethom jgħibu.’ (Salm 146:4) Fi qbil maʼ dan, il-​Bibbja tqabbel il-​mewt maʼ raqda fil-​fond.—Ġwanni 11:11.

  • Li tkun temmen b’mod sod f’Alla li jħobb iġib faraġ

    F’​Salm 34:15, il-​Bibbja tgħid: “Għajnejn Ġeħova * huma fuq in-​nies sewwa, u widnejh miftuħin għall-​għajta tagħhom għall-​għajnuna.” Li niftħu qalbna m’Alla permezz tat-​talb, hu iktar minn terapija tajba jew mezz kif nikkontrollaw ħsibijietna. Fil-​fatt, dan jgħinna jkollna relazzjoni persunali mal-​Ħallieq tagħna, li jistaʼ juża l-​qawwa tiegħu biex ifarraġna.

  • Futur aħjar għal xiex inħarsu ’l quddiem lejh

    Immaġina żmien fil-​futur meta dawk fl-​oqbra se jiġu rxoxtati hawnhekk fuq l-​art! Il-​Bibbja titkellem darba wara l-​oħra dwar żmien bħal dan. Meta tiddeskrivi kif se jkunu l-​kundizzjonijiet fuq l-​art, il-​Bibbja tgħid li Alla se ‘jixxottalna kull demgħa minn għajnejna, u ma jkunx hemm iżjed mewt, u la niket u la għajat u lanqas uġigħ.’—Rivelazzjoni 21:3, 4.

Ħafna li jemmnu f’Ġeħova, l-​Alla tal-​Bibbja, jirċievu ħafna saħħa biex ikunu jistgħu jkampaw man-​niket għax huma tgħallmu jafdaw fit-​tama li jerġgħu jaraw lill-​maħbubin mejtin tagħhom. Pereżempju Ann, li tilfet lil żewġha wara 65 sena miżżewġin, tgħid: “Il-​Bibbja tassigurana li l-​maħbubin mejtin tagħna mhumiex qed isofru u li Alla se jirxoxta lil dawk kollha li qegħdin fil-​memorja tiegħu. Niftakar f’dawn l-​affarijiet meta naħseb dwar il-​mewt tiegħu, u mbagħad bħala riżultat, inkun nistaʼ nkampa aħjar mal-​agħar ħaġa li qatt ġratli f’ħajti!”

Tiina, li ssemmiet iktar kmieni f’din is-​serje t’artikli, tgħid: “Minn dakinhar li miet Timo, ħassejt l-​appoġġ t’Alla. Ħassejt li Ġeħova veru kien qed jgħinni fiż-​żmien diffiċli li kont għaddejja minnu. U l-​wegħda tal-​irxoxt li nsibu fil-​Bibbja hi reali ħafna għalija. Tagħtini s-​saħħa li għandi bżonn biex nibqaʼ għaddejja sakemm nerġaʼ nara lil Timo.”

Dawn is-​sentimenti jirriflettu s-​sentimenti taʼ dawk il-​miljuni taʼ nies li huma konvinti li l-​Bibbja tistaʼ toqgħod fuqha. Anke jekk tħoss li dak li tgħid il-​Bibbja mhux veru jew sempliċiment ħolma, ikun taʼ benefiċċju għalik innifsek jekk tinvestiga l-​evidenza li l-​pariri u l-​wegħdi huma taʼ min jafdahom. Int tistaʼ ssib li l-​Bibbja hi l-​aqwa għajnuna għal dawk imnikktin.

TGĦALLEM IKTAR DWAR IT-​TAMA GĦALL-​MEJTIN

Ara vidjows li jitkellmu dwar dan fil-​websajt tagħna jw.org/mt

Il-Bibbja twiegħed futur fejn se nilqgħu lura lill-maħbubin tagħna li mietu

 X’INHI L-​KUNDIZZJONI TAL-​MEJTIN?

X’jiġrilna meta mmutu? It-​tweġiba ċara tal-​Bibbja tfarraġna u tassigurana

Ikklikkja fuq PUBBLIKAZZJONIJIET >VIDJOWS (Kategorija tal-​vidjows: Il-​Bibbja)

TIXTIEQ TISMAʼ AĦBAR TAJBA?

B’tant aħbarijiet ħżiena, fejn tistaʼ ssib aħbar tajba? Dan il-​vidjow jintroduċi l-​browxer Aħbar Tajba Mingħand Alla!

Ikklikkja fuq PUBBLIKAZZJONIJIET >VIDJOWS (Kategorija tal-​vidjows: Il-​laqgħat u l-​ministeru tagħna)

^ par. 7 Ġeħova hu l-​isem persunali t’Alla bħalma jidher fil-​Bibbja.