Mur fil-kontenut

Mur fil-werrej

Ix-Xhieda ta' Ġeħova

Agħżel il-lingwa Malti

 LEZZJONI 3

L-Aħbar Tajba, Vera Ġejja Mingħand Alla?

L-Aħbar Tajba, Vera Ġejja Mingħand Alla?

1. Min hu l-Awtur tal-Bibbja?

L-​aħbar tajba li n-​nies se jgħixu għal dejjem fuq l-​art hi miktuba fil-​Bibbja. (Salm 37:29) Il-​Bibbja hi magħmula minn 66 ktieb żgħir. Alla uża madwar 40 raġel leali biex jiktbuhom. L-​ewwel ħames kotba nkitbu minn Mosè madwar 3,500 sena ilu. L-​aħħar ktieb inkiteb mill-​appostlu Ġwanni iktar minn 1,900 sena ilu. Il-​kittieba tal-​Bibbja kitbu l-​ħsibijiet taʼ min? Alla kkomunika mal-​kittieba tal-​Bibbja permezz tal-​ispirtu qaddis tiegħu. (2 Samwel 23:2) Huma kitbu l-​ħsibijiet t’Alla u mhux tagħhom stess. Għalhekk, Ġeħova hu l-​Awtur tal-​Bibbja.​—Aqra t-​2 Timotju 3:16; 2 Pietru 1:20, 21.

Ara l-vidjow Min hu l-Awtur tal-Bibbja?

2. Kif nistgħu nkunu ċerti li l-Bibbja ġejja mingħand Alla?

Aħna nafu li l-​Bibbja ġejja mingħand Alla għax tbassar bl-​eżatt il-​futur fid-​dettall. L-​ebda bniedem ma jistaʼ jagħmel dan. (Ġożwè 23:14) Hu biss Alla li Jistaʼ Kollox li jistaʼ jbassar b’eżattezza l-​futur tal-​bnedmin.​—Aqra Isaija 42:9; 46:10.

Aħna nistennew li ktieb mingħand Alla jkun uniku, u hekk hu. Biljuni taʼ kopji tal-​Bibbja tqassmu b’mijiet taʼ lingwi. Għalkemm inkitbet ħafna snin ilu, il-​Bibbja hi fi qbil maʼ dak li nafu dwar in-​natura. Ukoll, l-​40 kittieb tagħha ma kkontradewx lil xulxin. * Minbarra dan, dak li tgħid il-​Bibbja dwar l-​imħabba setaʼ biss jiġi mingħand l-​Alla l-​veru​—l-​Alla tal-​imħabba. Din għad għandha l-​qawwa li tbiddel il-​ħajjiet tan-​nies għall-​aħjar. Dawn il-​fatti jikkonvinċu lil miljuni taʼ nies li l-​Bibbja hi l-​Kelma t’Alla.​—Aqra l-​1 Tessalonikin 2:13.

Ara l-vidjow Kif nistgħu nkunu ċerti li l-Bibbja hi vera?

 3. Il-Bibbja dwar xiex inhi?

Il-​Bibbja tiffoka fuq l-​aħbar tajba li Alla għandu skop kollu mħabba għall-​bnedmin. L-​Iskrittura tispjega kif kmieni fl-​istorja umana, il-​privileġġ li l-​bnedmin jgħixu f’ġenna fuq l-​art intilef u kif fl-​aħħar din il-​ġenna se terġaʼ tinġieb fuq l-​art.​—Aqra Rivelazzjoni 21:4, 5.

Il-​Kelma t’Alla fiha wkoll liġijiet, prinċipji, u pariri. Minbarra dan, il-​Bibbja tirrakkonta l-​istorja taʼ kif Alla ttratta mal-​umanità​—storja li tirrivela l-​personalità t’Alla. B’hekk, il-​Bibbja tistaʼ tgħinek tkun taf lil Alla u tispjegalek kif tistaʼ ssir il-​ħabib tiegħu.​—Aqra Salm 19:7, 11; Ġakbu 2:23; 4:8.

4. Kif tistaʼ tifhem il-Bibbja?

Dan il-​browxer se jgħinek tifhem il-​Bibbja billi juża l-​istess metodu li uża Ġesù. Hu kien jirreferi għal vers wara l-​ieħor mill-​Bibbja u kien jispjega lin-​nies “biex jifhmu l-​Iskrittura.”​—Aqra Luqa 24:27, 45.

X’hemm isbaħ mill-​aħbar tajba mingħand Alla? Iżda, xi nies huma indifferenti għaliha, u jerġaʼ oħrajn huma irritati biha. Taqtax qalbek. It-​tama tiegħek li tgawdi ħajja taʼ dejjem tiddependi milli ssir taf lil Alla.​—Aqra Ġwanni 17:3.

 

^ par. 3 Ara l-​browxer Ktieb għan-⁠Nies Kollha.