Mur fil-kontenut

Mur fil-werrej

Ix-Xhieda ta' Ġeħova

Agħżel il-lingwa Malti

2 Kronaki 14:1-15

14  Fl-aħħar, Abija mtedd maʼ missirijietu,+ u difnuh fil-Belt taʼ David;+ u ibnu Asa+ beda jsaltan minfloku. Fi żmienu l-art ma kellhiex tfixkil+ għal għaxar snin.  U Asa għamel dak li hu tajjeb u sewwa f’għajnejn Ġeħova Alla tiegħu.  Għalhekk, neħħa l-artali barranin+ u l-postijiet għall-qima*+ u kisser il-pilastri sagri+ u qaċċat l-arbli sagri.+  Barra minn hekk, qal lil Ġuda biex ifittxu+ lil Ġeħova, l-Alla taʼ missirijiethom, u biex jobdu l-liġi+ u l-kmandamenti.+  Għaldaqstant neħħa mill-bliet kollha taʼ Ġuda l-postijiet għall-qima u l-artali taʼ l-inċens;+ u taħtu s-saltna baqgħet bla tfixkil.+  U bena bliet fortifikati f’Ġuda,+ għax l-art ma kellhiex tfixkil; u ma kien hemm ebda gwerra kontrih matul dawn is-snin, għax Ġeħova tah il-mistrieħ.+  Għalhekk, qal lil Ġuda: “Ejja nibnu dawn il-bliet u nagħmlu s-swar+ madwarhom u torrijiet,+ u bibien doppji u staneg.+ L-art għadha għad-dispożizzjoni tagħna, għaliex aħna fittixna lil Ġeħova Alla tagħna.+ Aħna fittixnieh, u hu tana l-mistrieħ minn kullimkien.”+ U bnew u rnexxew.+  U Asa kellu qawwa militari li jġorru t-tarka l-kbira+ u l-lanza,+ tliet mitt elf minn Ġuda.+ U minn Benjamin dawk li jġorru t-tarka ż-żgħira u jilwu l-qaws+ kienu mitejn u tmenin elf.+ Dawn kollha kienu rġiel qalbenin u setgħanin.  Iktar tard, Żeraħ l-Etjopjan+ ħareġ kontrihom b’qawwa militari taʼ miljun raġel+ u tliet mitt karru, u wasal sa Maresah.+ 10  Imbagħad Asa ħareġ kontrih u huma tqassmu għall-battalja fil-wied taʼ Sefata f’Maresah. 11  U Asa beda jsejjaħ lil Ġeħova Alla tiegħu+ u jgħid: “O Ġeħova, biex tgħinna, għalik ma jimpurtax jekk ikunux ħafna jew bla qawwa.+ Għinna, O Ġeħova Alla tagħna, għax fuqek nistrieħu aħna,+ u f’ismek+ ġejna kontra din il-kotra. O Ġeħova, int Alla tagħna.+ Tħallix li l-bniedem mortali jkun iktar b’saħħtu minnek.”+ 12  Għal dan, Ġeħova għeleb+ lill-Etjopjani quddiem Asa u quddiem Ġuda, u l-Etjopjani ħarbu. 13  U Asa u n-nies li kienu miegħu baqgħu jiġru warajhom sa Gerar,+ u l-Etjopjani baqgħu jaqgħu sakemm ma kien għad baqaʼ ħadd minnhom ħaj; għax tfarrku quddiem Ġeħova+ u quddiem il-kamp tiegħu.+ Imbagħad huma ġarrew priża kbira ħafna.+ 14  Barra minn hekk, ħabtu għall-bliet kollha taʼ madwar Gerar, għax waqaʼ fuqhom il-biżaʼ+ minn Ġeħova; u ħatfu kulma sabu fil-bliet kollha, għax kien hemm priża kbira fihom.+ 15  U ħabtu saħansitra għat-tined+ taʼ dawk li kellhom il-bhejjem, u b’hekk ħadu taħt idejhom+ għadd kbir taʼ mrieħel, kif ukoll iġmla,+ u mbagħad reġgħu lura lejn Ġerusalemm.

Noti taʼ taħt

Letteralment “postijiet fl-għoli.” Ara Le 26:30, in-nota taʼ taħt.