Mur fil-kontenut

Mur fil-werrej

Ix-Xhieda ta' Ġeħova

Agħżel il-lingwa Malti

Ġenesi 6:1-22

6  U ġara li meta l-bnedmin bdew joktru fuq wiċċ l-art u twildulhom il-bniet,+  ulied l-Alla+ l-veru bdew jinnotaw+ li l-bniet tal-bnedmin kienu sbieħ; u ħadu nisa għalihom, jiġifieri, lil dawk kollha li għoġbuhom.  Imbagħad Ġeħova qal: “L-ispirtu+ tiegħi mhux se jaġixxi bil-paċenzja mal-bniedem għal żmien indefinit+ għax hu laħam ukoll.+ Għaldaqstant, jiemu se jkunu mija u għoxrin sena.”+  F’dawk il-jiem, u wara wkoll, kien hemm in-Nefilim* fuq l-art meta wlied l-Alla l-veru komplew ikollhom x’jaqsmu mal-bniet tal-bnedmin u dawn wildulhom ulied subien; dawn kienu s-setgħanin li sa mill-qedem kienu l-irġiel taʼ fama.  U Ġeħova ra li l-ħażen tal-bniedem kien kotran fuq l-art u kull inklinazzjoni+ tal-ħsibijiet taʼ qalbu kienet biss ħażina l-ħin kollu.+  U Ġeħova ddispjaċieh+ li kien għamel il-bnedmin fuq l-art, u ħassu mweġġaʼ f’qalbu.+  Għalhekk, Ġeħova qal: “Se neqred minn fuq wiċċ l-art il-bnedmin li ħlaqt,+ mill-bniedem sa l-annimal domestiku, sa l-annimal li jitkaxkar, u sal-ħliqa li ttir fis-smewwiet,+ għaliex jiddispjaċini li għamilthom.”+  Imma Noè kien approvat f’għajnejn Ġeħova.  Dan hu r-rakkont storiku taʼ Noè. Noè kien raġel sewwa+ u wera li kien bla nuqqas fost in-nies taʼ żmienu. Noè mexa maʼ l-Alla l-veru.+ 10  Maż-żmien, Noè nissel tliet subien, Sem, Ħam, u Ġafet.+ 11  U l-art kienet rovinata f’għajnejn l-Alla+ l-veru u mtliet bil-vjolenza.+ 12  Għalhekk, Alla ra l-art, u, ara, din kienet rovinata,+ għaliex il-bnedmin kollha kienu ħassru triqithom fuq l-art.+ 13  Imbagħad Alla qal lil Noè: “Wasal quddiemi t-tmiem tal-bnedmin kollha,+ għaliex minħabba fihom l-art imtliet bil-vjolenza; hawn jien se neqridhom flimkien maʼ l-art.+ 14  Agħmel għalik arka* mill-injam tas-siġra tar-raża.+ Trid tagħmel taqsimiet fl-arka, u trid tiksiha minn ġewwa u minn barra bil-qatran.+ 15  U tagħmilha hekk: it-tul taʼ l-arka tliet mitt kubitu,+ il-wisaʼ tagħha ħamsin kubitu, u l-għoli tagħha tletin kubitu. 16  L-arka tagħmlilha ftuħ għad-dawl,* u tlestiha sa kubitu mis-saqaf, u d-daħla taʼ l-arka tagħmilha fil-ġenb tagħha;+ tagħmlilha s-sular t’isfel, it-tieni sular, u t-tielet sular. 17  “U jien arani se nġib dilluvju+ taʼ ilmijiet fuq l-art biex neqred minn taħt is-smewwiet il-laħam kollu li fih hemm il-forza attiva tal-ħajja.+ Kulma hemm fuq l-art imut.+ 18  U jien nagħmel patt miegħek; u trid tidħol fl-arka, int u wliedek u martek u n-nisa taʼ wliedek miegħek.+ 19  U minn kull ħliqa ħajja taʼ kull xorta taʼ laħam,+ tnejn minn kull xorta, iddaħħalhom fl-arka biex iżżommhom ħajjin miegħek.+ Raġel u mara jridu jkunu. 20  Mill-ħlejjaq li jtiru skond ġenshom, mill-annimali domestiċi skond ġenshom,+ u mill-annimali kollha li jitkaxkru fuq l-art skond ġenshom, tnejn minn kull ġens jidħlu għandek biex iżżommhom ħajjin.+ 21  U int, ħu għalik kull xorta taʼ ikel li jittiekel;+ u trid taħżnu għandek, u jrid iservi bħala ikel għalik u għalihom.”+ 22  U Noè għamel skond kulma kien ordnalu Alla. Għamel preċiż hekk.+

Noti taʼ taħt

Ifisser “Dawk li jwaqqgħu lil oħrajn.”
Letteralment, “kaxxa.”
Il-kelma Ebrajka, zoħar (saqaf jew tieqa).