Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 3

Me io te Etua uanei te tau tekao hou koakoa a te Pipiria?

Me io te Etua uanei te tau tekao hou koakoa a te Pipiria?

1. O ai te Hatu o te Pipiria?

I ‘oto te Pipiria te tekao hou te mea e pohu’e ananu te tau enana i ‘uka o te henua. (Taramo 37:29) I ‘oto te Pipiria ena 66 kakaiu hamani. Ua ha’ahana’ia te Etua e 40 enana ha’ati’a no te patu i te Pipiria. Na Moite i patu ‘omua e ima hamani e 3 500 ehua i tenei, te hamani pao’ia na te apotoro Ioane e 1 900 ehua i tenei. Mei hea mai te tau ma’akau o te tau enana patu Pipiria? O te tau ma’akau o te Etua ta atou i patu ma ‘oto te kuhane meita’i. (2 Tamuera 23:2) ‘O Iehova ho’i te Hatu o te Pipiria.A tatau i te 2 Timoteo 3:16; 2 Petero 1:20, 21.

2. No te aha mea tiatohu na te Etua te Pipiria?

E ‘ite tatou te Pipiria me io te Etua no te ha’avivini toitoi te mea i patu’ia ena i ‘omua. ‘A’o’e e koaka te enana ‘ia ha’atohu. (Iotue 23:14) Na te Etua to’otahi, te Mana nui, e ha’atohu toitoi te tau mea e tihe mai o te pohu’e’ia o te enana.A tatau i te Itaia 42:9; 46:10.

Te hamani toitoi a te Etua o te Pipiria. Ua tuha ia te miria hamani i ‘oto te tau hanere ‘eo. E aha ‘a to ia kakiu, mea ha’ati’a ia me te tuhuka. ‘A’o’e te’a tau 40 enana patu Pipiria i ha’apakeka titahi i titahi. * No keina, ua haka’ite te Pipiria i te hakâtu toitoi o te ha’atahia o te Etua. E mana ananu to ia tenei no te ha’ameita’i te pohu’e’ia o te tau enana. No keina, ua ha’atiatohu te’a tau hana i te tau mirioni enana, e Tekao na te Etua te Pipiria.A tatau i te 1 Tetaronika 2:13.

 3. E aha te tekao a te Pipiria?

E haka’ite nei te Pipiria i te tau tekao hou koakoa, ena me te makimaki o te Etua no te tau enana. E ha’avivini nei ia no te aha te pohu’e’ia i ‘omua, i ‘oto te papua meita’i, i ka’o ai. Titahi, pehea te Etua e ha’ahua haka’ua mai e tahi papua meita’i.A tatau i te Apokarupo 21:4, 5.

E vai nei te tau ture, te tau tumu tekao me te tau ‘o’onaki i ‘oto te Pipiria. E ha’akakai nei te Pipiria te tau tekao o te Etua me te tau enana, ha’akakai no te haka’ite to ia hakâtu. I ‘oto te Pipiria e ‘ite ai ‘oe o ai te Etua e pehea ‘ia ‘i’o ‘oe e hoa no ia.A tatau i te Taramo 19:7, 11; Iakopo 2:23; 4:8.

4. Pehea ‘ia ‘ite ‘oe i te Pipiria?

E koaka tenei kaiu hamani e toko ‘ia ‘oe no te ‘ite i te Pipiria me ta Ietu i hakako mai. ‘Ia tatau ia e tahi tumu tekao Pipiria me titahi, e haka’ite ia te ma’akau o te tau Hamani tapu.A tatau i te Ruka 24:27, 45.

E ha’ameita’i’ia te tau tekao hou koakoa me io te Etua. ‘Atika, te tau tekao tupepaka no tahipito tau po’i, na titahi e tau tekao peke. ‘Atika, a he’e i mua. Mai te ‘ite o te Etua e koaka ‘ia ‘oe te pohu’e’ia ananu.A tatau i te Ioane 17:3.

 

^ par. 3 A tiohi atu te kaiu hamani Un livre pour tous.