Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 13

E aha te tekao hou koakoa i ‘uka te tau ha’ati’a?

E aha te tekao hou koakoa i ‘uka te tau ha’ati’a?

1. Mea meita’i uanei te tau ha’ati’a paotu?

Ena me te tau enana koekoe tahi i ‘oto te tau nui’ia ha’ati’a. Te tekao hou koakoa, e aukuha nei te Etua ‘ia atou. ‘Atika, mei kakiu mai, ua ha’ahana’ia te ha’ati’a te tau mea hauhau. (2 Korinetia 4:3, 4; 11:13-15) Ua u’u atu tahipito tau ha’ati’a i ‘oto te hana makaka, te kukumi enana, te toua me te hana hauhau i te toiki. E mamae nei te tau po’i koekoe tahi!A tatau i te Mateo 24:3-5, 11, 12.

E ha’apeke nei te tau ha’ati’a tivava i te Etua, ‘atika e hahi a’a te ha’ati’a tiatohu ‘ia ia. E hakako nei atou te tau ma’akau ‘a’o’e e hei me te Pipiria, tau tekao tivava i ‘uka o te Etua me te tau po’i mamate. ‘Atika, e makimaki nei Iehova ‘ia ‘ite te tau enana i te tekao toitoi i ‘uka ‘o ia.A tatau i te Kohereta 9:5, 10; 1 Timoteo 2:3-5.

2. E aha te tekao hou koakoa i ‘uka te tau ha’ati’a?

Meita’i a’e, ua ‘ite te Etua i te tau ha’ati’a e tivava nei ta ia kaoha me te makimaki atu te aoma’ama poke’eke’e ‘o Tatane. (Iakopo 4:4) Ua pe’au te Pipiria i te tau nui’ia ha’ati’a tivava o “Papironia Rahi.” Me io te ka’avai Papironia te tihe’ia mai te atoratio tivava i te tai ‘o Noa ma hope o te vaia. Tata’ekapo, e ha’ako’e nui te Etua i te tau ha’ati’a e tivava nei me te ha’amamae nei i te tau enana.A tatau i te Apokarupo 17:1, 2, 5, 16, 17; 18:8.

‘A’o’e Iehova i ha’atuha’e te tau enana koekoe tahi i ‘oto te tau ha’ati’a tivava vi’ipu i te aoma’ama nei. E hakako nei ia ‘ia atou i te tekao tiatohu me te apu’u ‘ia titi’i i te ha’ati’a tivava.A tatau i te Mikea 4:2, 5.

 3. E aha te hana a te tau enana koekoe tahi?

E katahi nei te ha’ati’a tiatohu i te nui’ia enana

E aukuha nei Iehova i te tau po’i e au te mea meita’i me te mea toitoi. E hakapahi nei ia ‘ia atou a titi’i te tau ha’ati’a tivava. Ua peipei te tau enana i kaoha i te Etua te taui ‘ia atou no te ha’akoakoa ‘ia ia.A tatau i te Apokarupo 18:4.

I te tai ‘omua, ua to’o mai te tau enana koekoe tahi te tau tekao hou koakoa e haka’ite’ia te tau apotoro. Ua hakako Iehova ‘ia atou pehea e koaka e tahi pohu’e’ia koakoa meita’i me titahi tata’i’ia. E tau tiohi’ia atou no tatou no te mea ua tuku atou ‘ia Iehova i mua i to atou pohu’e’ia.A tatau i te 1 Tetaronika 1:8, 9; 2:13.

E apu’u Iehova i te tau enana i titi’i te tau ha’ati’a tivava. ‘Ia to’o ‘oe i ta Iehova vava’o’ia mo’u, e koaka ‘ia ‘oe ‘ia hoa me ia, e tahi hua’a ha’e hou, ta ia tau po’i atoratio, me te pohu’e’ia ananu.A tatau i te Mareko 10:29, 30; 2 Korinetia 6:17, 18.

4. Pehea e tuku mai te Etua i te koakoa i ‘uka o te henua?

E ha’ava’ia te tau ha’ati’a tivava. E tekao hou koakoa te’a. E ha’a’aka’aka’ia te aoma’ama nei te makaka. E ko’e nui te tau ha’ati’a tivava ha’ataha ke te tau enana. E katahi atou no te atoratio i te Etua tiatohu.A tatau i te Apokarupo 18:20, 21; 21:3, 4.