Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 1

E aha te tau tekao hou koakoa?

E aha te tau tekao hou koakoa?

1. E aha te tau tekao hou a te Etua no tatou?

E makimaki te Etua e pohu’e koakoa te tau enana i ‘uka o te henua. Ua pepena ia to tatou aoma’ama paotu me te tau mea i ‘uka iho no to ia tahia ‘ia tatou. Tata’ekapo e tuku ia e tahi pohu’e’ia kanahau no te tau enana paotu. E ha’a’aka’aka ia i to tatou tau tumu o te mamae.A tatau i te Ieremia 29:11.

Ko’e nui e tahi ha’atere’ia i ha’aka’o te hana hauhau, te mate a ko’e ‘a te mate’ia. E vai nei te tau tekao hou koakoa. Tata’ekapo te Etua e taui te ha’atere’ia enana ma ‘oto o ta ia. E pohu’e ananu to ia tau po’i i ‘oto te mo’u me te pohu’e meita’i.A tatau i te Itaia 25:8; 33:24; Taniere 2:44.

2. No te aha mea kokouo tena tau tekao hou?

‘Ia ha’aka’o te Etua i te tau po’i hauhau i ‘uka o te henua e ko’e ai te tau mamae. (Hofonia 2:3) Ahea e tihe ai? Ua tohu te Pipiria i te tau mea e ha’ahopo nei te enana i tenei ‘a. E haka’ite te mea e tupu nei, tata’ekapo te Etua e hana i ta ia hana.A tatau i te 2 Timoteo 3:1-5.

3. E aha ta tatou e hana?

No te ‘ite i te Etua, e hakako tatou ma ‘oto te Pipiria. Me he hamani ta titahi motua koekoe tahia i patu mai na tatou, e pe’au nei ia ‘ia tatou e aha te mea e hana no te pohu’e’ia meita’i i tenei ‘a tihe atu i te pohu’e’ia ananu i ‘uka o te henua. ‘A’o’e tahipito e makimaki na matou e toko ‘ia ‘oe no te ‘ite i te Pipiria. ‘Atika, a he’e i mua.A tatau i te Toumaki 29:25; Apokarupo 14:6, 7.

No te ‘ite haka’ua atu

HAKAKO’IA PIPIRIA

No te aha e hakako i te Pipiria?

E tuku te Pipiria i te tau pahono’ia hohonu o te pohu’e’ia no te mirioni enana ‘io he aoma’ama. E makimaki ‘oe e ‘ite haka’ua atu?