Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 9

Pehea e koakoa ai to ‘oe hua’a ha’e?

Pehea e koakoa ai to ‘oe hua’a ha’e?

1. No te aha mea hei te matiri no te koakoa o te hua’a ha’e?

‘O Iehova te tumu o te tekao hou koakoa. E makimaki ia e koakoa te hua’a ha’e no te mea ‘o ia te Etua koakoa. (1 Timoteo 1:11) ‘O ia te tumu o te matiri. Mea hei te matiri ma ‘oto te ture no te koakoa o te motua me te tau tama i ‘oto te kaoha. ‘Ia ha’apakaihi te tau Kiritiano i te tau ture o to atou henua i ‘uka o te matiri.A tatau i te Ruka 2:1, 4, 5.

E aha te ma’akau o te Etua i ‘uka o te matiri? E makimaki ia e tahi tuta’i’ia me te toitoi ananu e tahi vahana e tahi vehine titahi i titahi. (Heperero 13:4) Mea ha’aha’a Iehova i te ha’apae’ia te ture. (Marakia 2:16) ‘Ia moe e tahi vahana me titahi vehine ke, e koaka ia titahi ‘ia ha’apae me te matiri haka’ua me titahi.A tatau i te Mateo 19:3-6, 9.

2. Pehea e pakaihi te vahana i ta ia vehine?

Ua pepena te Etua te vahana me te vehine e ‘i’o mai aua e tahi i ‘oto i te matiri. (Tenete 2:18) O te vahana te upoko o te hua’a ha’e. Na ia e hakai ta ia hua’a tama me te hakako atu te tekao toitoi a te Etua. E ha’ataetae te vahana i ta ia vehine! E kaoha atu kaoha mai te vahana i te vehine me te aotahi. No to aua hakâtu mikeo, mea hei no aua ‘ia hakako pehea aua e ha’ako’e to aua pi’o.A tatau i te Efetia 4:31, 32; 5:22-25, 33; 1 Petero 3:7.

3. E titi’i uanei ‘oe i to ‘oe hoa matiri no te mea ‘a’o’e ‘oe e koakoa a’a?

Mei te mea e kohi’i a’a ko’ua, a umihi pehea ‘ia ha’atoitoi ‘ia ko’ua. (1 Korinetia 13:4, 5) ‘A’o’e e pe’au te  Pipiria ‘ia ha’apae ko’ua no te ha’ahei to ko’ua kohi’i.A tatau i te 1 Korinetia 7:10-13.

4. E aha te makimaki o te Etua no te tau tama?

E makimaki Iehova ‘ia koakoa otou. E tuku mai ia i te tau ‘o’onaki meita’i, pehea e koaka i te koakoa i to otou hou ‘ia. E ha’ataetae otou i te ‘ite me te ma’ama no to otou motua. (Koroha 3:20) E makimaki Iehova me ta ia Tama, ‘ia ‘ite otou te koakoa no te hana ta ia hana.A tatau i te Kohereta 11:9–12:1; Mateo 19:13-15; 21:15, 16.

5. Pehea ‘ia ha’akoakoa ko’ua i ta ko’ua tau tama?

A ha’a’i’i te hana no te tuku i te kaikai, titahi noho’ia me te kahu no ta ko’ua tau tama. (1 Timoteo 5:8) Ati’i, a hakako ko’ua ‘ia atou i te kaoha me te haka’oko i te Etua e koakoa atou. (Efetia 6:4) E koaka ‘ia ‘ite to otou hana meita’i no te Etua i ‘uka ‘o atou. E koaka ta ko’ua i hakako i te Pipiria ‘ia atou ‘ia hana i te hana meita’i.A tatau i te Teuteronomi 6:4-7; Toumaki 22:6.

E meita’i ta ko’ua tau tama ‘ia hakapahi me te ha’akoakoa. Mea meita’i ‘ia ‘o’onaki ‘ia atou. E apu’u hoi ‘ia atou me io te tau hana hauhau. (Toumaki 22:15) No keina, umo’i te ‘o’onaki he’o me te kaoha ko’e.A tatau i te Koroha 3:21.

Mea nui te tau hamani patu’ia na te tau Ite no Iehova no te toko te tau motua me te tau tama. Ua patu’ia tenei tau hamani mei ‘oto te Pipiria.A tatau i te Taramo 19:7, 11.