Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 2

O ai te Etua?

O ai te Etua?

1. No te aha e atoratio i te Etua?

Na te Etua tiatohu i pepena te tau mea paotu. ‘A’o’e ‘o ia ha’amata’ia me te pao’ia. (Taramo 90:2) ‘O ia te tumu no te tau tekao hou koakoa i ‘oto te Pipiria. (1 Timoteo 1:11) No te mea na ia i tuku mai te pohu’e’ia, e atoratio anaiho tatou ‘ia ia.A tatau i te Apokarupo 4:11.

2. E aha te hakâtu o te Etua?

‘A’o’e te enana i ‘ite mata i te Etua no te mea e Kuhane ho’i ia, tiketike atu i te tau enana e pohu’e nei i ‘uka o te henua. (Ioane 1:18; 4:24) E koaka ‘ia tatou e ‘ite toitoi i to ia hakâtu ma ‘oto te tau mea ta ia i hana. E haka’ite mai nei te nui’ia puku kai me te tau pua, to ia kaoha me to ia ma’ama. E haka’ite nei te aoma’ama vi’ipu to ia ‘i’i.A tatau i te Roma 1:20.

E koaka ‘ia tatou e ‘ite hohonu atu i ‘uka te hakâtu o te Etua ma te tatau i te Pipiria. E ‘ite tatou to ia hia me te mea ‘a’o’e, pehea ia e apu’u te tau enana me te hana atu i te tau mea ke.A tatau i te Taramo 103:7-10.

3. E ikoa to te Etua?

Ua pe’au Ietu: “To matou Motua te ‘io he aki, a tapu to ‘oe ikoa.” (Mateo 6:9) Mea nui te ikoa vava’o o te Etua mea ‘a e tahi anaiho ikoa toitoi to ia. E ha’ahiti pona tenei ikoa i ‘oto te ‘eo ke me titahi ‘eo ke. ‘Io tatou ‘o “Iehova.”A tatau i te Taramo 83:18.

I ‘oto te nui’ia Pipiria, ua taki’ia te ikoa o te Etua mono’ia e te tau ikoa vava’o: Haka’iki a ko’e ‘a Etereno. I te patu’ia i te Pipiria, ua ‘ite’ia te ikoa o te Etua hau atu e 7 000. Ua haka’ite Ietu i te ikoa o te Etua i to ia tekao’ia i te tau enana.A tatau i te Ioane 17:26.

 4. E aukuha nei Iehova ‘ia tatou?

Me tenei motua pi te kaoha, e hana nei te Etua no to tatou meita’i

Ia nui oko te mamae, ‘a’o’e Iehova aukuha nei ‘ia tatou? E pe’au nei tahipito e ha’amamae nei te Etua ‘ia tatou, e mea tivava.A tatau i te Iakopo 1:13.

Ua tuku te Etua i ta ia vae’ia no te enana. Ha’ataetae uanei tatou i to tatou vae’ia mea tavini i te Etua? (Iotue 24:15) ‘Atika, ua vae te nui’ia enana i te ha’amamae i tahipito, no keina i mamae ai te tau po’i. E mamae nei Iehova ‘ia ‘ite i te tau hana teka.A tatau i te Tenete 6:5, 6.

E aukuha nei Iehova no tatou. E makimaki ia e pohu’e meita’i tatou. Tata’ekapo e ha’ako’e nui ia te tau mamae ati’i me te tau po’i i ha’amamae nei. No te aha te Etua i ha’avai ai te tau mamae? E pahono mai te hakako’ia 8.A tatau i te 2 Petero 2:9; 3:7, 13.

5. Pehea ‘ia ha’atata atu tatou me te Etua?

E ke’e’e Iehova ‘ia tatou no te ha’atata atu me ia ma ‘oto te pure. E ha’atahia nei ia ‘ia tatou titi’itahi. (Taramo 65:2; 145:18) E koaka ‘ia ia i te ha’ako’e i te teka. E ‘ite Iehova to tatou tau ‘i’i no te ao ‘ia ia, e aha ‘a to tatou hakâtu teka. ‘Atika, e koaka toitoi noa ‘ia tatou i te tekaotekao atu me te Etua.A tatau i te Taramo 103:12-14; Iakopo 4:8.

No te mea na Iehova e tuku mai te pohu’e’ia, e ha’ahohonu atu tatou i to tatou ha’atahia. (Mareko 12:30) Totahi atu ‘oe e haka’ite to ‘oe kaoha no te ha’akoaka i te ‘ite me ta ia e ape nei, e ha’atata haka’ua ‘oe me Iehova.A tatau i te 1 Timoteo 2:4; Ioane 1, 5:3.