Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 4

O ai Ietu Kirito?

O ai Ietu Kirito?

1. Pehea te pepena’ia ‘o Ietu?

E aha te tau hakâtu meita’i ‘o Ietu ‘ia tapi’i te tau enana me ia?MATEO 11:29; MAREKO 10:13-16.

I mua to ia pepena’ia i ‘uka o te henua nei, e kuhane Ietu ‘io he aki. (Ioane 8:23) ‘O ia tomua ta te Etua i pepena. Ua ha’atata ia me te Etua me te pepena i te tau mea paotu. ‘O ia to’otahi ta Iehova i pepena ‘omua i pe’au’ia ai te Tama “hanau to’otahi.” (Ioane 1:14) ‘O Ietu te Kave tekao a te Etua, i pe’au’ia ai ia “te Tekao.”A tatau i te Toumaki 8:22, 23, 30; Koroha 1:15, 16.

2. No te aha Ietu tihe mai ai i ‘uka o te henua?

Ua pahi te Etua te nino enana ‘o Ietu i ‘oto te kopu ‘o Maria, vehine ‘a’o’e i moe atu a’a me te vahana, no te henua Iutea. ‘A’o’e ‘o Ietu e papa mei ‘ia tatou. (Ruka 1:30-35) Ua he’e mai Ietu i ‘uka o te henua (1) no te hakako i te tekao tiatohu o te Etua, (2) no te haka’ite ‘ia tatou pehea ‘ia hana te makimaki o te Etua ati’i i ‘oto te kohi’i, (3) no te tuku to ia nino mikeo ko’e no te “hoko mai.”A tatau i te Mateo 20:28.

3. No te aha e ‘ai ai tatou e tahi hoko?

Ua utu te Etua e tahi hoko no te ha’apohu’e i titahi enana ha’ahopo’ia i te mate’ia. (Ehoto 21:29, 30) ‘A’o’e ia i makimaki e ko’oua tatou a ko’e ‘a e mate. Pehea to tatou ‘ite? Ua pe’au ia ‘ia Atamo, ‘ia putu’i ia e mate ia. Anoa Atamo i haka’oko, ‘a’o’e ia e mate. (Tenete 2:16, 17; 5:5) Va’ana te Pipiria, na Atamo te pi’o tihe mai ai te mate’ia i ‘oto te aoma’ama nei. Ua tuku Atamo i te mikeo me te mate’ia i ta ia hua’a tama. Na te’a hoko e pohu’e ai tatou.A tatau i te Roma 5:12; 6:23.

 O ai te koaka e hoko no te ha’apohu’e mai ‘ia tatou me ‘io he mate? E ha’ako’e’ia to tatou mikeo ‘ia mate tatou. ‘A’o’e e tahi enana mikeo no te utu te mikeo a titahi.A tatau i te Taramo 49:7-9.

4. No te aha Ietu i mate ai?

‘A’o’e Ietu me tatou, e enana mikeo ko’e ia. Ua mate ia no te mikeo a tahipito. Ua haka’ite te Etua to ia ha’atahia hohonu no te tau enana ma ‘oto te mate’ia ‘o Ietu. No to ia kaoha ‘ia tatou, ua haka’oko ia i to ia Motua no te mate no tatou.A tatau i te Ioane 3:16; Roma 5:18, 19.

5. E aha te hana a Ietu tenei ‘a?

I te henua, ua ha’ao’a Ietu te po’i hemo i te mate, ua ha’apohu’e ia i te tau po’i mamate, me te aotahi i te tau po’i mamae. Ua haka’ite ia ta ia e hana i mua nei no te tau po’i haka’oko. (Mateo 15:30, 31; Ioane 5:28) ‘Imu’iho to ia mate, ua ha’a’i’o haka’ua mai Iehova ‘ia Ietu e kuhane. (Efetia 1:20) Ua tiaki Ietu i ‘oto te ‘ima oko o te Etua tihe atu e tuku ai Iehova te ‘i’i no te vivini me he Haka’iki no te henua paotu. (Heperero 10:12, 13) Tenei ‘a e haka’iki nei Ietu ‘io he aki. E ha’atuhuka nei to ia tau kou’a te’a tekao hou koakoa vi’ipu te aoma’ama nei.A tatau i te Taniere 7:13, 14; Mateo 24:14.

Tata’ekapo e haka’ite Ietu to ia mana haka’iki no te ha’ako’e i te tau mamae me te tau po’i e ha’amamae nei i tahipito. Paotu te tau po’i e haka’ite to atou ha’ati’a me te haka’oko, e pohu’e ananu atou i ‘oto e tahi papua meita’i i ‘uka o te henua.A tatau i te Taramo 37:9-11.