Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 5

E aha te makimaki o te Etua no te henua?

E aha te makimaki o te Etua no te henua?

1. No te aha te Etua e pepena ai te henua?

Ua pepena Iehova i te henua e vahi noho’ia no te tau enana. ‘A’o’e ia i pepena ‘ia Atamo me Eva, na enana ‘omua, no te noho ‘io he aki. Ua pepena ‘omua ena Iehova i te tau anera no te pohu’e ‘io he aki. (Iope 38:4, 7) Ua tuku te Etua ‘ia Atamo i ‘oto titahi papua kanahau oko pe’au’ia te papua o Etene. (Tenete 2:15-17) Ua tuku ia ‘ia Atamo me ta ia hua’a tama te tata’i’ia no te pohu’e ananu i ‘uka o te henua.A tatau i te Taramo 37:29; 115:16.

I ‘omua, o Etene anaiho te papua meita’i. Ua ha’api Atamo me Eva te henua i to aua hua’a tama me te aotahi te aoma’ama paotu ‘ia ha’a’i’o mai atou i titahi papua meita’i. (Tenete 1:28) E ko’e nui te henua e ha’ako’e ia, e vai ananu e vahi noho’ia no te enana.A tatau i te Taramo 104:5.

2. No te aha ‘a’o’e te henua nei e papua meita’i i tenei tau ‘a?

No te haka’oko ko’e ‘o Atamo me Eva ‘ia Iehova, ua tatai ‘ia aua i vaho te papua. Ua ka’o nui te papua meita’i ‘a’o’e e koaka e tahi enana no te ha’ameita’i atu. Ua pe’au te Iope 9:24: “Ua tuku’ia te henua i te ‘i’ima o te hauhau.”A tatau i te Tenete 3:23, 24.

‘A’o’e Iehova i ha’atuha’e to ia makimaki ‘omua no te tau enana. E Etua mana nui ia. E pakaihi ia ta ia i pe’au. (Itaia 45:18) E ha’ahua ia te tau enana me ta ia i makimaki i ‘omua.A tatau i te Taramo 37:11, 34.

3. Pehea ‘ia ha’amau haka’ua te papua meita’i?

E ha’amau’ia haka’ua te papua meita’i ‘ia ha’a’i’o mai te Etua ‘ia Ietu e Haka’iki. I ‘oto te toua pe’au’ia Haramato, ‘o Ietu te vivini no te tau anera. E ha’ako’e atou te tau po’i putu’i  ia te Etua. ‘Imu’iho, e humu’ia ‘ia Tatane i ‘oto te ava 1 000 ehua. E pohu’e ananu te tau po’i haka’oko i te Etua i ‘oto te papua meita’i. Na Ietu e a’ahi me te toko ‘ia atou.A tatau i te Apokarupo 20:1-3; 21:3, 4.

4. Ahea e ko’e ai te tau mamae?

Ahea te Etua e ha’ako’e te hauhau i ‘uka o te henua? Ua tuku Ietu e tahi “tapa’o” no te haka’ite no ahea. Na te tau mea hauhau e tupu nei tenei tau ‘a e ha’ahopo nei te pohu’e’ia o te enana. Te pohu’e nei tatou i “te pao’ia o tenei aoma’ama.”A tatau i te Mateo 24:3, 7-14, 21, 22.

E a’ahi mai Ietu te Haka’iki no te henua me ‘io he aki i ‘oto te ava 1 000 ehua. E ha’ako’e ia te tau mamae paotu. (Itaia 9:6, 7; 11:9) E ‘i’o ia e Perepitero tiketike. E ha’ako’e ia te tau mikeo a te tau po’i e aotahi i te Etua. Ma ‘oto Ietu, e ha’ako’e te Etua te mate, te ko’oua me te mate’ia.A tatau i te Itaia 25:8; 33:24.

5. O ai te pohu’e i ‘oto te papua meita’i?

I ‘oto te tau ha’e o te Patireia, e ha’atata ‘oe me te tau enana e kaoha i te Etua me te makimaki ‘ia ha’akoakoa ‘ia ia

O te tau enana haka’oko i te Etua te pohu’e ‘io he papua meita’i. (1 Ioane 2:17) Ua pahi Ietu i ta ia tau kou’a no te umihi te tau po’i mo’u me te hakako atu ‘ia atou pehea te ha’akoakoa te Etua. I tenei ‘a, e ha’apeipei nei Iehova e mirioni enana no te pohu’e i ‘oto te papua meita’i i ‘uka o te henua. (Hofonia 2:3) I ‘oto te tau ha’e o te Patireia a te Ite no Iehova, e hakako nei pehea te enana ‘ia ‘i’o mai atou e vahana me te vehine matiri, e papa me te mama meita’i atu. E katahi te tau motua me te tau tama no te atoratio ‘ia Iehova ‘ia ‘ite atou pehea te tekao hou koakoa e ha’ameita’i ai to atou pohu’e’ia, ma ‘oto te tau hakako’ia o te Pipiria.A tatau i te Mikea 4:1-4.