Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 15

No te aha e hakako ananu ‘oe i te Pipiria?

No te aha e hakako ananu ‘oe i te Pipiria?

1. E aha te tau meita’i ‘ia hakako ananu ‘oe i te Pipiria?

E ‘i’i atu to ‘oe kaoha ‘ia Iehova na tenei tau tumu tekao Pipiria. A ha’ameita’i ananu tenei kaoha. (1 Petero 2:2) ‘Ia ha’atata atu ‘oe me te Etua ma te hakako i ta ia Tekao tapu, e koaka ‘ia ‘oe te pohu’e’ia ananu.A tatau i te Ioane 17:3; Iuta 21.

Totahi atu to ‘oe ‘ite i ‘uka o te Etua, totahi atu to ‘oe ha’ati’a te ha’aoko. E toko te ha’ati’a ‘ia ‘oe no te ha’akoakoa ‘ia ia. (Heperero 11:1, 6) ‘Ia hopo ‘oe me te taui ‘ia ‘oe, e meita’i atu to ‘oe pohu’e’ia.A tatau i te Hana 3:19.

2. Pehea ‘ia tuha ‘oe i te ‘ite i te Etua me tahipito?

E ha’atata ‘oe me Iehova

Toitoi oko, e makimaki ‘oe te haka’ite i tahipito ta ‘oe i hakako nei. E koakoa tatou paotu ‘ia haka’ite i titahi tekao hou koakoa. ‘Ia hakako ananu ‘oe i te Pipiria, e ‘ite ‘oe pehea ‘ia ha’ahana ‘ia ia no te ha’avivini i to ‘oe ha’ati’a ‘ia Iehova me ta ia tau tekao hou koakoa no tatou.A tatau i te Roma 10:13-15.

E haka’ite ‘oe ‘omua te’a tau tekao hou koakoa i to ‘oe tau hoa me to ‘oe hua’a ha’e. A tekao atu me te mo’u. A haka’ite atu i te tau ha’ameita’i a te Etua ‘atika, umo’i e pe’au atu ua teka ta ‘oe ha’ati’a. A ha’ama’akau ananu ‘oe, na te tau hana meita’i e ha’ahati i te koekoe, ‘a’o’e ta ‘oe tau tekao.A tatau i te 2 Timoteo 2:24, 25.

3. E koaka uanei ‘ia ‘oe e ha’atata me Iehova?

Ma te hakako i te Pipiria, e ha’atata ‘oe me Iehova, e oko to ‘oe ha’ati’a. E koaka ‘ia ‘oe e ‘i’o e tahi enana i ‘oto to ia hua’a ha’e.A tatau i te 2 Korinetia 6:18.

 4. Pehea ‘ia he’e ‘oe i mua?

E he’e ‘oe i mua i ‘oto to ‘oe ha’ati’a me te hakako ananu i te Pipiria. (Heperero 5:13, 14) A ape i titahi Ite no Iehova no te hakako ‘ia ‘oe i te Pipiria i ‘oto te hamani Qu’enseigne réellement la Bible? Totahi atu ‘oe te hakako i te Pipiria, totahi atu te meita’i to ‘oe pohu’e’ia.A tatau i te Taramo 1:1-3; 73:27, 28.

Na Iehova te tau tekao hou koakoa mei ‘oto i tenei kaiu hamani. E Etua koakoa ‘o Iehova. E ha’atata atu ‘oe me ia ‘ia tapi’i atu me ta ia tau po’i atoratio. (Heperero 10:24, 25) ‘Ia tohe ananu ‘oe no te ha’akoakoa ‘ia ia, e koaka ‘ia ‘oe te pohu’e’ia meita’i ananu. Te hana meita’i ta ‘oe e koaka ‘ia hana, e ha’atata ‘oe me te Etua.A tatau i te 1 Timoteo 1:11; 6:19.