1. Mei hea mai te hauhau?

Ua ha’avai te Etua i te tau enana ‘ia ha’atere no te haka’ite ‘a’o’e atou e koaka ‘ia ha’ako’e te tau kohi’i

Ua ha’amata mai te hana hauhau i ‘uka o te henua i to Tatane tivava’ia i ‘omua. E anera meita’i ia i ‘omua, “‘a’o’e ia i ha’apa’o i te tekao tiatohu.” (Ioane 8:44) Ta te Etua atoratio ta Tatane e makimaki a’a. Ua tivava ia ‘ia Eva, te vehine ‘omua, a haka’oko ‘ia ia umo’i ia te Etua. Ua he’e Atamo ma mu’i ‘o Eva me te putu’i i te Etua. I to ia putu’i’ia ha’amata ai te tau mamae me te mate’ia.​—A tatau i te Tenete 3:1-6, 19.

I to Tatane hakapahi’ia ‘ia Eva, umo’i e haka’oko i te Etua, ua titi’i ia i te mana nui o te Etua. Ua katahi te nui’ia enana me Tatane me te pe’au, ‘o Tatane “te vivini o tenei aoma’ama.”​—A tatau i te Ioane 14:30; 1 Ioane 5:19.

2. Mea teka uanei ta te Etua i pepena?

Mea meita’i te hana a te Etua. E koaka i te tau enana paotu me te tau anera ta ia i pepena, e haka’oko ‘ia ia. (Teuteronomi 32:4, 5) Ua pepena ho’i ia ‘ia tatou me te vae’ia, ‘ia hana i te meita’i a ko’e ‘a te hana hauhau. I ‘oto tenei vae’ia e haka’ite ‘ia tatou i to tatou kaoha i te Etua.​—A tatau i te Iakopo 1:13-15; 1 Ioane 5:3.

3. No te aha te Etua i ha’avai ai te tau mamae tihe i tenei?

No titahi ava poto, ua ha’avai Iehova i te tau enana ‘ia pakeka to ia mana nui. No te aha? No te haka’ite ‘a’o’e e meita’i ‘ia ha’atere te tau enana ‘ia atou iho. (Kohereta 7:29; 8:9) Te’a hoa. ‘Imu’iho 6 000 ehua ha’atere’ia a  te tau enana, ‘a’o’e i ko’e te toua, te kukumi, te hana ‘a’o’e toitoi me te mate.​—A tatau i te Ehoto 9:16; Ieremia 10:23.

Mea ke te ha’atere’ia a te Etua. E ha’ameita’i ia te tau po’i haka’oko ‘ia ia. (Itaia 48:17, 18) Tata’ekapo e ha’ako’e nui Iehova i te tau ha’atere’ia enana. O te tau po’i e vae i ta ia ha’atere e noho i ‘uka o te henua.—Itaia 11:9.​—A tatau i te Taniere 2:44.

4. Ma ‘oto te mo’u o te Etua, e aha ta tatou e hana?

No Tatane, ‘a’o’e titahi enana e atoratio ‘ia Iehova ma ‘oto te kaoha. E koaka ‘ia ‘oe e ha’atoitoi tenei tivava. Ma ‘oto te mo’u o te Etua e haka’ite ai tatou o ai te ha’atere ta tatou e makimaki. Ta te Etua a ko’e ‘a ta te enana? Ma ‘oto to tatou pohu’e’ia e haka’ite to tatou vae’ia.​—A tatau i te Iope 1:8-12; Toumaki 27:11.

5. Pehea ‘ia vae tatou i te Etua to tatou vivini?

E haka’ite to tatou pohu’e’ia e makimaki hoa tatou o te Etua to tatou ha’atere

E vae tatou na te Etua e ha’atere ‘ia tatou ma te hakako atu i te Pipiria me te atoratio ‘ia ia. (Ioane 4:23) E haka’ite nei tatou ‘a’o’e ‘o Tatane to tatou ha’atere ma te ha’atomo ko’e i ‘oto te poritita me te tau toua, mei Ietu.​—A tatau i te Ioane 17:14.

E hana nei Tatane i to ia ‘i’i no te ha’auo te tau hana hauhau. ‘Ia titi’i tatou te hana a Tatane, e ha’ame’e’ia tatou, ha’apakeka’ia tatou na te tau hoa me te hua’a. (1 Petero 4:3, 4) Na tatou e vae. Katahi uanei tatou me te tau po’i e ha’atahia nei i te Etua? E haka’oko uanei tatou i ta ia tau ture pi te kaoha? Ma eia tatou, e haka’ite ‘ia tatou e tivava ta Tatane. No keina, ‘a’o’e he mea te enana e haka’oko i te Etua i ‘oto te kohi’i.​—A tatau i te Toumaki 13:20; 1 Korinetia 6:9, 10.

No to ia kaoha i te tau enana, e ha’ako’e te Etua i te tau mamae. O te tau po’i e haka’ite to atou tiatohu i te Etua te pohu’e ananu i ‘uka o te henua.​—A tatau i te Ioane 3:16.